Македонија
Во општина Кисела Вода на околу 500 ученици поделени им се свидителства за завршено деветто одделение

Во дворовите на основните училишта во надлежност на Општина Кисела Вода се одржа свечено доделување на свидителства.
Во општинските основни училишта: „Невена Георгиева-Дуња“, „Рајко Жинзифов“, „Кузман Шапкарев“, „Кирил Пејчиновиќ“, „Св. Климент Охридски“, „Круме Кепески“, „Кузман Јосифовски-Питу“ и „Партенија Зографски“, наставниот кадар на околу 500 ученици им подели свидителства за завршено деветто одделение.
Учениците во текот на школувањето, благодарение на своите наставници, имаа можност да се стекнат со знаења од повеќе области. Тие научија многу работи, кои ги применуваат во секојдневниот живот.
При доделувањето на свидителствата беа запазени сите препораки за заштита на здравјето од вирусот Ковид-19.
Општина Кисела Вода на полуматурантите им поскаува успешно и среќно продолжување на средното образовaние.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.
Македонија
Делови од Ѓорче Петров и Чучер Сандево денеска без струја

Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа, денеска без напојување со електрична енергија ќе останат:
· од 09:00 до 13:00 часот, објектите на Полициската Станица и базата на БППЗ во Ѓорче Петров, општина Ѓорче Петров;
· од 09:00 до 15:00 часот, корисниците од дел од нас. Кисела Јабука, општина Ѓорче Петров;
· од 09:00 до 16:00 часот, корисниците од селата: Побожје, Бродец, Танушевци, Брест и Малино, општина Чучер Сандево;
· од 11:00 до 13:00 часот, корисниците од дел од ул. Кадињача, општина Ѓорче Петров.