Македонија
Вработени во контролата на летање помагале да се изврши нападот, Синдикатот бара од МВР итно да бидат најдени

МВР веднаш да почне постапка за пронаоѓање на учесниците во упадот на објектот на контролата за летање, како и на лицата што не се вработени во контролата на летање, а биле присутни во безбедносниот периметар на објектот, но и на лицата вработени во М-НАВ, а кои биле соучесници и го потпомогнале целиот настан, кој финализира со физички напад врз контролор на летање.
Ова е една од одлуките и барањата што синоќа на вонреден состанок ги донело членството на Струковиот синдикат на контролорите на летање – ССКЛ, а откога група лица упаднаа во објектот и нападнаа вработени, кои реагираа против партиските вработувања.
На состанокот било заклучено дека поради очигледни безбедносни пропусти во обезбедувањето, како и соучесништво од страна на лица што се вработени во македонската навигација, побарано е од МВР распоредување службени лица.
Станува збор за стратешки државен објект, а контролорите на летање нема да продолжат да работат под оправдан страв дека во секој момент некој од надвор би можел да влезе и да ги загрози нивните животи, а со самото тоа и животите на патниците во авионите, велат од Синдикатот.
Од страна на МВР беа распоредени службени лица за заштита на безбедноста и на објектот и на вработените.
Синдикатот ги повика тројцата извршни директори во М-НАВ АД Скопје веднаш да дадат оставки од функциите, пред сѐ, од морални причини поради ескалација на состојбата до која дојде во контролата на летање по нивна вина.
„Тие покажаа дека не само што не се способни успешно да раководат со македонската навигација туку и дека не се способни да ги заштитат своите вработени и самиот објект од упад на неовластени лица. И по изминати повеќе од 11 часа од нападот врз нашиот колега, ниту еден од нив не најде потребно јавно да го осуди целиот настан, да излезе со официјален став за тоа што се случи во една институција, која треба да го претставува врвот на безбедносниот систем, не се охрабрија ниту да му понудат своја помош на нашиот повреден колега, но ниту да ја гарантираат понатамошната безбедност на вработените, кои, и покрај сѐ, мораа да останат на своите работните места и да продолжат да го контролираат воздушниот сообраќај“, велат од Синдикатот.
Понатаму, се додава дека тие не треба да чекаат да бидат разрешени на следната седница на Владата, како што синоќа беше најавено, бидејќи и до сега причинија доволно штета.
Во спротивно, ССКЛ најавува штрајк со затворање на воздушниот простор, и тоа почнувајќи од 10 јануари, па сѐ до исполнување на сите нивни барања.
За настанот известени се сите меѓународни воздухопловни институции, како и синдикати и здруженија на контролори на летање од Европа, и очекуваат нивни претставници да пристигнат набргу како дополнителна помош и поддршка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Големи колони на границата со Грција пред празникот

Големи колони на возила можат да се забележат вечерва на граниниот премин „Богородица“ кон Грција.
Со оглед на тоа што утре е неработен ден, 1. Мај, голем број грѓани се упатија кон туристичките места.
Како што може да се забележи на видео камерите, на останатите гранични премини нема големи задржувања.
Македонија
Поддршка од министерот за правда за Пандов чијашто куќа беше запалена: „Случајот бара одлучна акција“

Министерот за правда Игор Филков најостро го осудува палењето на куќата на директорот на Управата за извршување на санкции, Александар Пандов и бара одлучна акција во која ќе се утврдат причините и најстрого казнат можните сторители.
„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители“, вели Филков.
Директорот на Управата за извршување на санкции, Александар Пандов, претходно, на социјалните мрежи објави дека му бил запален домот. Нема да не запрат и нема да не поколебаат, напиша тој.
Македонија
Кирков: Вработените во ЗОО последно земале февруарска плата

До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање за реакција и помош. Го известиле дека последна плата која ја земале е фебруарската плата и одтогаш немаат никакво примање.
„Веќе сме мај, а овие вработени се оставени без примања и навистина сум запрепастен до каде ќе се оди со непрофесионалноста во ова раководство на Градот и кадрите кој ги поставува?! Вработените од утре ќе бидат и без здравствено осигурување !!! Поминаа празници како 8ми Март, Рамазан Бајрам , Велигден на праг е и 1ви Мај а вработените се оставени и заборавени замислете да им се исплати плата !!! Цели фамилии страдаат од нечија непрофесионалност!“, напиша Кирков на социјалните мрежи.
Тој ги проѕва Град Скопје , Данела Арсовска и Зоран Попов сигнализирајќи и дека состојбата може да доведе до протести.