Македонија
Вратата на ДУИ е отворена за вредни личности, порача Ахмети на средба со директорот на ИРИ

Претседателот на Демократската унија за интеграција (ДУИ), Али Ахмети, денес оствари средба со регионалниот директор за Европа на Меѓународниот Републикански Институт – ИРИ, Пол Мекарти.
Како што се посочува во партиското соопштение, Ахмети и Мекарти разговарале за одличната соработка со ИРИ и за поддршката што ДУИ и граѓаните ја добиваат во делот на градење на капацитетите во борбата против криминалот и корупцијата.
„Нашата партија ја има отворено вратата за вредни личности, посебно за младите, а внатрепартиските избори се одвиваат во многу ограноци на партијата низ еден слободен и демократски процес по принципот еден член – еден глас“, му објаснил Ахмети на соговорникот.
На средбата се зборувало и за спорот со Бугарија и за итната потреба од решавање на ова важно прашање за земјата и нејзините граѓани.
Лидерот на ДУИ посочил дека земјата веќе ги исполнила условите за давање зелено светло за почеток на преговорите со ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.
Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.