Македонија
Вратени на старите функции 14 раководни лица во МВР

Министерството за внатрешни работи соопшти дека од денеска во согласност со постојните законски одредби за функционирањето на т.н. техничка влада повторно се вратени на старите раководни функции 14 раководни лица на исто толку организациски единици во Министерството, кои беа на овие позиции и пред формирањето на техничката влада.
На раководни позиции се враќаат следниве раководители:
1. Тони Јакимовски – началник на Секторот за внатрешни работи – Скопје во Бирото за јавна безбедност
2. Сашо Смилески – началник на Секторот за внатрешни работи – Охрид во Бирото за јавна безбедност
3. Марјан Коцев – началник на Секторот за внатрешни работи – Штип во Бирото за јавна безбедност
4. Славко Јованоски – началник на Секторот за внатрешни работи – Битола во Бирото за јавна безбедност
5. Игор Каравилоски – началник на Одделението за внатрешни работи – Прилеп во СВР Битола во Бирото за јавна безбедност
6. Злате Јаневски – началник на СВР Велес во Бирото за јавна безбедност
7. Танчо Пројковски – началник на Секторот за внатрешни работи – Струмица во Бирото за јавна безбедност
8. Стојанче Величковиќ – началник на Секторот за внатрешни работи – Куманово во Бирото за јавна безбедност
9. Дејан Андонов – помошник на министерот на одделот за внатрешна контрола, криминалистички истраги и професионални стандарди
10. Бранко Трајановски – началник на одделот за специјални полициски операции во Бирото за јавна безбедност
11. Митко Даневски – командант на единицата за специјални задачи во одделот за специјални полициски операции во Бирото за јавна безбедност
12. Лазо Велковски – началник во одделот за сузбивање сериозен и организиран криминал во Бирото за јавна безбедност
13. Примислав Димовски – началник на единицата за интервентна полиција во Секторот за внатрешни работи – Скопје во Бирото за јавна безбедност
14. Марјан Здравковски – помошник на министерот на одделот за информатика и телекомуникации
Ревидирани се и составите на телата и комисиите при МВР. За раководител во Битола е именуван Африм Шабани, во Куманово Севадил Џафери, во Охрид Хамди Емини, во Скопје Мемедали Мухареми и во Тетово Јетмир Абази.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Гази Баба и Кисела Вода денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека дека поради технички зафати во електродистрибутивната мрежа денеска без електрична енергија ќе останат:
· од 08:30 до 09:30 часот, корисниците од село Инџиково од улиците: 3, 7, 14, дел од ул. 10 и дел од ул. Маџари. (Општина Гази Баба)
· од 08:30 до 15:30 часот, корисниците од дел од ул. Студеничанска и дел од ул. Драчевска. (Општина Кисела Вода)
· од 09:30 до 13:30 часот, корисниците од ул. Добре Ивановски, и дел од ул. 22 во нас. Инџиково. (Општина Гази Баба)
Македонија
Денеска максималната температура до 38 степени, од утре потопло

Времето денеска ќе биде сончево со мала до умерена локална облачност. Ќе дува слаб до умерен ветер од северен правец.
Минималната температура ќе биде во интервал од 11 до 18, а максималната ќе достигне од 30 до 38 степени.
Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 17, а максималната ќе достигне до 38 степени.
Времето во наредните денови
Следува период на сончево и топло време со мала до умерена облачност.
Температурите ќе бидат во постепен пораст, особено од четврток до средината на наредната седмица кога дневната температура насекаде ќе биде над 30°C, а наместа ќе надмине 40°C. Во недела во попладневните и вечерните часови ќе има услови за локална нестабилна облачност со пороен дожд и грмежи.
Македонија
Муцунски на настан на Атлантскиот совет: Потребна е забрзана интеграција

На покана на Јерн Фленк, директор на Атлантскиот совет, министерот за надворешни работи и надворешна трговија, Тимчо Муцунски, денеска учествуваше на настан организиран од Советот, кој се одржа во просториите на Министерството за надворешни работи и надворешна трговија.
Покрај министерот Муцунски, на настанот се обратија и министерката за европски прашања на Црна Гора, Маида Горчевиќ, како и претставници Делегацијата на Европската Унија, невладиниот сектор и самиот Атлантски совет.
Во своето обраќање, министерот Муцунски ја нагласи потребата од одлучна и доследна поддршка за реформските процеси во регионот. Посебен акцент стави на Планот за раст како практичен инструмент кој го забрзува приближувањето кон единствениот европски пазар и носи реални економски придобивки за граѓаните – уште пред полноправното членство.
Министерот подвлече дека реформите мора да бидат препознаени и вреднувани од страна на Европската Унија преку конкретни и навремени чекори, со цел зачувување на кредибилноста на процесот на проширување и спречување на дополнително разочарување кај граѓаните. Тој истакна дека реформските процеси се потврда за јасната европска ориентација на Владата, и дека нивното спроведување не претставува само исполнување на агенда, туку реално подобрување на квалитетот на животот и на општеството во целина.
Во завршницата на обраќањето, министерот Муцунски, во контекст на денешниот Самит, ја повтори пораката дека Западниот Балкан е составен дел од Европската Унија и дека европската целина ќе биде комплетна само ако земјите од регионот станат нејзин дел. Тој упати повик за забрзана интеграција на регионот, што ќе значи и вистинска европеизација на овој дел од континентот.