Македонија
„Вреди“: Додека Бујар Османи зборува за европски вредности, Артан Груби ги мести тендерите со српско-руското подземје
Сега кога веќе им се доближивме на претседателските и парламентарните избори, и кампањата започна, сакаме да ја информираме пошироката јавност дека корупциските скандали на ДУИ преку Лотаријата на грбот на граѓаните, не запираат, велат од коалицијата „Вреди“.
„Додека Бујар Османи зема храброст и зборува за миграцијата на младите луѓе, Артан Груби преку Перпарим Бајрами и Лотаријата на Северна Македонија отвори тендер за 2000 нови апарати за казина и 2000 столчиња за апаратите за казина, каде според цените на претходните набавки оваа сума ќе достигне вредност од 20 милиони евра пари на граѓаните!
Додека Бујар Османи зборува за верификација на носителите на функции, како да ја контролира чистотата на функционерите, Артан Груби преку Лотарија и Перпарим Бајрами отвора уште 6 други тендери во вредност од 2 милиони евра пари на граѓаните, за рекламирање и маркетинг на игрите на среќа и казина, кои еден млад човек нивните реклами да ги гледа на билбордите во градот, на телевизија, на радио, на фејсбук итн.
Додека Бујар Османи ја елаборира опасноста од Русија, Артан го подготвува теренот исто како и сите други тендери во Лотаријата, и овие да ги добие подземјето на Србија!
Почитувани граѓани, денес јавно прашуваме, дали е вистина дека парите наменати за изградбата на градинки, на владини состаноци, се подготвуваат планови како овие средства да се пренаменат за потребите на лотаријата на Северна Македонија, и со истите да купите повеќе апарати за казина и да отворите уште повеќе казина? Значи да ги скратите средствата од градинките, и да ги додадете во бизнисот каде што сте партнер, бизнисот на коцкањето. До каде ќе оди вашата алчност за пари?
Знаете ли колку училишта, градинки, колку амбуланти, колку старт бизниси, колку капитални инвестиции можат да се реализираат со овие пари?
Цели 76 милиони евра само за еден мандат, за 4 години потроши Артан Груби преку неговата Лотарија за бизнисот на казината!
Како ДУИ, која некогаш ги претставуваше Албанците и УЧК, денес да биде позната повеќе по скандалите Лотарија, Соравија, Евровија“, истакнаа од коалицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Да се остават во минатото луѓето кои освен освен распродажба на Македонија, не покажаа ништо друго, повика Мицкоски од Росоман
На денешниот настан во општина Росоман под слоганот „Вистинскиот избор! Твојот човек! Твоето место! За твојата иднина!“, во рамки на изборната кампања за вториот круг од локалните избори кои ќе се одржат следната недела на 2 ноември, се обрати претседателот на ВМРО-ДПМНЕ, Христијан Мицкоски.
Мицкоски на самиот почеток објасни дека Владата на ВМРО-ДПМНЕ се разликува од останатите претходни влади, и тоа по обезбедувањето на финансиски средства за проекти за сите општини подеднакво, независно од која политичка гарнитура доаѓаат градоначалниците.
„Ние потпишавме договори и обезбедивме финансирање на проекти во вкупна вредност од половина милијарда евра, нешто што досега не е запаметено во независна Македонија, тоа никогаш не го направила ниту една влада во четири години, што ВМРО-ДПМНЕ и оваа Коалиција го направија за 16 месеци. Притоа бевме свесни и не се однесувавме како што се однесуваше претходната влада на СДСМ и ДУИ да бидеме негативни, и да ги казнуваме граѓаните во општините во коишто градоначалникот е од опозицијата напротив, ние сакавме и сакаме и во иднина така ќе се однесуваме како Влада на сите граѓани, без разлика дали во тие општини градоначалникот е од опозицијата или е од Владата“, рече Мицкоски.
Претседателот Мицкоски исто така истакна дека Росоман има градоначалник кој не ја заслужува довербата на граѓаните, и дека треба да се остават во минатото луѓето кои освен ограбување на сопствениот народ, понижување и национално распродавање на Македонија, ништо друго не покажале.
„Но, овде во Росоман имаме градоначалник којшто апсолутно не ја заслужува довербата на граѓаните. Да ги оставиме овие рецидиви на минатото, да ги оставиме на онаа седумгодишна власт којашто ја ограбуваше Македонија, ја понижуваше во минатото. Да излеземе масовно на 2 Ноември и да го дадеме својот глас за бројот 9 и за Ѓорѓи. Втората опција е за излезете и да го дадете својот глас за коалицијата којашто имаше можност седум години да направи нешто за Македонија, како што велат, тие да се борат за својот дом, но освен борба за нивните џебови и ограбување на народот и понижување и национално распродавање на Македонија, ние ништо друго не видовме“, посочи Мицкоски.
Македонија
„Влен“: Во Студеничани го поддржуваме независниот кандидат Азем Садику
Коалицијата ВЛЕН најавува дека во вториот круг од локалните избори ќе го поддржи независниот кандидат за градоначалник на Општина Студеничани, Азем Садику.
„Оваа одлука е донесена врз основа на волјата на граѓаните Албанци, јасно изразена на 19 октомври, кога со еден глас рекоа „ДУИ не“ во повеќето албански општини“, велат од „Влен“.
Заедно со граѓаните и кандидатите кои искрено го претставуваат јавниот интерес, се додава во соопштението, ќе ја унапредиме промената што започна на 19 октомври во албанските општини.
Во вториот изборен круг ќе се соочат Ејуп Абази од ДУИ кој освои 2.597 гласа и независниот Азем Садики, кој освои 3.156 гласа. Кандидатот на Влен, Седат Бислими не обезбеди гласови за учество во вториот круг.
Македонија
На гласачките ливчиња ќе останат имињата на кандидатите од Могила и Македонски Брод кои се повлекоа пред вториот круг
Независните кандидати од Могила и Македонски Брод, Сашо Пивковски и Милосим Војнески се повлекоа од изборната трка, но нивните имиња ќе останат на гласачките ливчиња во вториот изборен круг на 2 ноември.
ДИК појаснува дека законот не препознава откажување на кандидатурата, откако таа е веќе потврдена од изборните органи, што нема да го сопре гласањето.
Пивковски вчера ја образложи одлуката на социјалните мрежи, кадешто напиша дека ја донел по внимателно размислување и бројни разговори во интерес на заедништвото, наместо поделбите.
„ВМРО-ДПМНЕ е мојата партија, мојот политички дом. Како нејзин член, секогаш сум се водел од идејата за чест, за работа и за почит кон луѓето. Така било и ќе остане“, напиша тој.
Од лојалност кон ВМРО-ДПМНЕ, како негова матична партија, еден ден претходно и Војнески се откажа од кандидатирата во Македонски Брод.
„По бројните разговори со вас, мои сограѓани, одлучив да ја повлечам својата кандидатура. Ги разбирам сите оние кои, поради различни причини, ги поделија своите гласови дури и во рамките на семејствата, и не би сакал дополнително да ги продлабочувам тие теми. ВМРО-ДПМНЕ е мојата матична партија — партија на која и го посветив поголемиот дел од својот живот, уште од времето на осамостојувањето па се до денес. Сметам дека најдобрата одлука, во интерес на моите сограѓани, е да се повлечам од оваа изборна трка.“ напиша Војнески.
Пивковски во вториот круг требаше да се соочи со Драганчо Саботковски од ВМРО-ДПМНЕ. Разликата меѓу нив во првиот круг од локалните избори беше 409 гласа во корист на Саботковски. Во Македонски брод, кандидатот на ВМРО-ДПМНЕ, Жарко Ристески водеше за 834 гласа пред независниот Војнески кој ја напушти изборната трка.

