Македонија
Ганиу: Се грижиме за развојот, еднаквите можности и просперитетот на бошњачката заедница во нашата општина

28-ми септември во календарот на Обединетите Нации е назначен како Меѓународен Ден на Бошњаците, па по повод овој ден честитка до граѓаните од бошњачката заедница испрати и градоначалникот на општина Чаир, Висар Ганиу. Тој на својата официјална „Фејсбук“ страна во својата честитка меѓудругото напиша:
„Ја искористувам оваа можност да им честитам на бошњачката заедница во Македонија а посебно на граѓаните од бошњачката заедница во Општина Чаир, Меѓународниот Ден на Бошњаците. Барањата на бошњачката заедница во нашата општина континуирано беа третирани со најголемата внимателност и тоа уште од времето на првиот Градоначалник на Општина Чаир, Изет Меџити со претставникот на бошњачката заедница, Рафет Муминовиќ, кои и ден денес не обврзуваат да продолжиме да се грижиме за развојот, еднаквите можности и просперитетот на бошњачката заедница во нашата Општина.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Полицискиот број не е во функција, граѓаните да се јавуваат на 112

Поради технички причини не е во функција телефонскиот број 192, информира Секторот за внатрешни работи Скопје.
-За било каква пријава или информација, граѓаните на Скопје можат да го користат бесплатниот телефонски број 112 или телефонските броеви на полициските станици во населбите каде живеат, посочуваат од СВР Скопје и додаваат дека се преземаат мерки бројот 192 што побрзо да се врати во функција.
Македонија
Цел Аеродром без струја поради голем пожар на Вардариште

Голем пожар изби попладнево на дивата депонија Вардариште каде што е зафатен поголем простор и постар објект.
Во моментот интервенираат 13 пожарникари со 5 ПП возила, а исклучени се далекуводите за Аердром и Лисиче заради пожарот.
Македонија
Мицкоски: Од земја во која криминалот и корупцијата беа секојдневие, станавме земја на економски раст, победи и стабилност

Континуираниот раст на индустриското производство е многу добра вест за македонската економија. Индустриското производство во јули оваа година порасна за 4,1 процент споредено со истиот месец минатата година. Јули е првиот индикатор за третиот квартал од 2025 година, напиша премиерот Христијан Мицкоски на својот фејсбук профил.
-Преработувачката индустрија е носечки фактор за порастот на индустриското производство со раст од 7 отсто споредено со истиот месец минатата година. Кумулативно индустриското производство од почетокот на годината заклучно со месец јули (во првите седум месеци од 2025 година) порасна за 3 отсто споредено со истиот период минатата година, а преработувачката индустрија порасна за истиот период 4,5 отсто. Целосно се менува структурата на македонската економија, се вели во постот од Мицкоски.
Нагласува дека расте бројот на туристи и бројот на ноќевања, расте бруто-домашниот производ, расте цената на откуп на земјоделските производи, расте градежништвото, расте трговијата итн…
-Од земја во која криминалот и корупцијата беа секојдневие, а анти националната политика беше заштитен знак за владата, сега сме земја на економски раст, победи и стабилност. Чекор по чекор ќе направиме и многу повеќе. Нема откажување. Патриотска политика на дипломатијата со цел заштита на националните интереси, истакува премерот Мицкоски во својот пост на Фејсбук.