Општина Илинден изминативе месеци почна овде еден голем капитален проект, а тоа е изградба на фекална канализација, којашто е во вредност од над 20 милиони денари и којашто ќе овозможи приклучување на фекална канализација за над 300 домаќинства коишто живеат на овој простор и коишто во иднина исто така би граделе и би имале можност да се приклучат на истата. Понатаму ќе следи и изградба и на пречистителна станица во перспектива кога ќе биде завршена фекалната канализација. Исто така сакам да кажам дека проектот е 7.700 метри должина и 330 приклучоци поточно, изјави Александар Георгиевски, градоначалник на општина Илинден.

„Во моментов сакам да кажам дека заедно со претседателот Мицкоски ќе направиме обиколка и на други места во населба Илинден каде што исто така моментално имаме градежна офанзива. Се реконструира улицата 532, остануваат уште 300 метри да се заврши целата во должина од 2.000 метри. Се реконструира и главна водоводна линија којашто снабдува седум населени места, во должина од 700 метри, со комплетни нови цевки, полиетенски цевки. Се гради нова улица којашто е донација од општествено одговорни компании во должина од 350 метри. Моментално работиме на изградба на нова пречистителна станица во населено место Илинден, којашто ќе има капацитет за 1.500 жители, односно 350 домаќинства”, изјави Георгиевски.

Градоначалникот додаде дека моментално се работи на изградба на колекторски систем за поврзување на населените места Илинден и Марино во должина од 1.000 метри, досега се изградени само последниве неколку месеци каде што ќе овозможат приклучок за над 500 домаќинства во колекторски систем којшто понатаму ќе биде приклучен на нови пречистителни станици.

„Во наредниот период интензивно ќе се работи на инфраструктурата, реконструкција на нови улици, патишта, градба на нови места каде што ќе продолжиме со градба на нови канализации. Така да и во моментов се работи и идниот период ќе имаме една силна градежна офанзива во општина Илинден”, изјави Георгиевски.