Македонија
Грците на северот бараат референдум за името
 
																								
												
												
											Претставниците на управите и општините во северниот дел на Грција бараат одржување референдум за новото име на Република Македонија.
На состанокот што вчера се одржа во Солун, во организација на Регионалниот совет на т.н. централна Македонија, присуствуваа претставниците на здруженијата и општините од цела Грција, како и претставници на коморите и универзитетите.
Договорот помеѓу Атина и Скопје за новото име е потпишан на 17 јуни на грчкиот дел од Преспанското Езеро тие го оценуваат како многу сериозен дипломатски пораз што предизвикува штетни влијанија на интересите на иднината на земјата и грчкиот народ.
Се истакнува дека грчката влада во минатото не ги признавала македонската националност и македонскиот јазик, сметајќи ги за корен на иредентизмот на нивниот северен сосед.
Локалните власти на грчката покраина велат дека не се согласуваат со потпишување договорот и ги повикуваат владата и политичките партии во земјата да не го ратификуваат договорот во грчкиот парламент. Тие бараат грчката влада за таа иницијатива да ја информира домашната јавност, како и лидерите на странските земји и шефовите на меѓународните организации.
„Бараме од владата да распише референдум за ‘Преспанскиот договор’ со цел граѓаните на законит начин да ја прифатат и одобрат неговата ратификација“, бараат Грците од северот.
Инаку, на седницата присуствуваа 258 претставници на локалните самоуправи од Северна Грција, 15 бискупи и 90 претставници на разни институции, пишува „Б92′.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
Без струја денеска делови од Чаир, Бутел и Шуто Оризари
 
														Од ЕВН Македонија АД известуваат дека денеска без електрична енергија ќе останат:
· во периодот од 08.00 до 11.00 часот корисниците од дел од улицата Бајрам Шабани и дел од улицата Чаирска, општина Чаир;
· во периодот од 09.00 до 10.00 часот корисниците од објектите околу Фитофарм-Визбегово, општина Бутел;
· во периодот од 09.00 до 12.00 часот корисниците позади бензинската ОКТА во Шуто Оризари, општина Шуто Оризари.
Македонија
Делови од Карпош и Шуто Оризари денеска без вода
 
														Од ЈП Водовод и Канализација известуваат дека денеска поради уличен дефект на улицата Демирхисарска бр 13 прекинато водоснабдување ќе имаат корисниците од улицата Демирхисарска, од 17:30 часот до завршување на дефектот, општина Шуто Оризари.
Од ЈП Водовод и Канализација исто така известуваат дека денеска поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхломска, општина Карпош.
Водоснабдувањето ќе биде прекинато од 09:00 часот до завршување со работните активности.
Македонија
Утрото постудено и магливо, преку денот сончево со мала до умерена облачност
 
														Утрото постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Времето во наредните денови
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											