Македонија
Дали Ковачевски се согласил за спојување на концесиите само за човек до ДУИ да наплати повеќе од милијарда евра од буџетот на државата, прашува ВМРО-ДПМНЕ

„Владата дала согласност за спојување на концесиите Иловица-Штука и покрај тоа што знаеле дека граѓаните се против, доколку се раскине Дестани ќе наплати повеќе од милијарда евра државни пари, колку од нив ќе завршат кај Ковачевски и Ахмети?“, прашува ВМРО-ДПМНЕ.
Според партијата, Владата ќе плати повеќе од една милијарда евра на Назиф Дестани и неговата фирма Еуромакс Ресурсис на арбитражен суд доколку владата сега ја раскине концесијата за рудникот Иловица-Штука.
„Владата на СДС и ДУИ и покрај тоа што знаела дека граѓаните од струмичко се против изгрдба на рудник, ја споиле концесијата и дале зелено светло за ископ на бакар и злато.
Назиф Дестани купил удел во Еуромакс Ресурсис откако владата ги споила двете концесии Иловица-Штука.
Дестани близок човек до ДУИ и покрај тоа што немал никакво искуство со ископ на бакар и злато, решил да вложува во отворање на рудник во источниот регион.
Владата на СДС и ДУИ детално ја разработиле цела бизнис зделка и со одлука на влада му дозволиле на Дестани да преземе удели во Еуромакс Ресурсис.
Имено, со самата одлука на владата за спојување на концесиите, Ковачевски и Ахмети знаеле дека граѓаните се против рудник во струмичко, но исто знаеле дека доколку дадат согласност и истата ја раскинат, Дестани по судски пат ќе добие оштета од државата повеќе од една милијарда евра.
Дали Ковачевски се согласил за спојување на концесиите само за Дестани да наплати повеќе од милијарда евра од буџетот на државата?
Колку од тие пари ќе завршат во џебот на Ковачевски, а колку кај Ахмети?
Ковачевски лажеше дека нема да има рудник во локалитетот Иловица. Дури и министерот за економија Крешник Бектеши го демантира Ковачевски кога кажува дека одлуката е јасна и нема повлекување на истата.
Ковачевски и Ахмети се најголеми профитери.
Ковачевски и Ахмети се расфрлаат со парите на граѓаните и се однесуваат недомаќински со државниот буџет.
Владата на СДС и ДУИ работо на штета на граѓаните. Секој ден плус за оваа влада на СДС и ДУИ, губат граѓаните.
Излез од оваа ситуација и одговорност за целиот криминал ќе има по промена на власта“, велат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Земјотресот на Света Гора почувствуван и во Македонија

Силниот земјотрес на Света Гора почувствуван и во југоисточниот дел на Македонија.
„Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, денес 7 јуни 2025 година регистрираа серија на земјотреси чии епицентри потекнуваат од соседна Република Грција.
Според досегашните податоци со кои располага опсерваторијата, почувствуван е земјотресот во 14 часот и 46 минути чиј епицентар се наоѓа 290 km југоисточно од Скопје, со Рихтерова локална магнитуда M L 5.2.
Земјотресот беше почувствуван во југоисточниот дел на Републиката со интензитет од III степени според Европската макросеизмичка скала“, известија од Сеизмолошката опсерваторија.
Македонија
АХВ го одбележа 7 Јуни – Светски ден на безбедна храна

Aгенцијата за храна и ветеринарство и оваа година се приклучи и ја поддржува глобалната иницијатива и го одбележа 7 јуни, Светски ден на безбедна храна. Со едукативен и спортско рекреативен настан наменет за граѓаните и децата, денес, во паркот Авионче во скопската населба Ново Лисиче на присутните им беа поделени едукативни флаери за безбедноста на храната, а за најмалите се одржаа спортско-рекреативни игри преку кои се афирмираше безбедноста на храната и нејзиното значење.
На 10 јуни, во вторник, со поддршка и во соработка со Европската агенција за безбедност на храната – ЕФСА, Агенцијата за храна и ветеринарство ќе одржи настан за подигнување на јавната свест за безбедноста на храната на која ќе учествуваат реномирани претстставници од EFSA, од научните и други институции поврзани со прашпања кои се однесуваат на производството на храна и нејзината безбедност.
Годинашното мото на Светскиот ден на безбедна храна – 7 јуни е „Науката во акција“ и тоа денес не потсетува на важноста на науката како основна алка од синџирот на безбедна храна. Едноставно, тоа е дел без кој не се може и кој ги создава основите за креирање на политиките за безбедност на храната од страна на институциите, како што е и Агенцијата за храна и ветеринарство.
Преку едукативниот спортско рекреативен настан кој се одржа денес и настанот кој во соработка со EFSA ќе се одржи во вторник, АХВ и годинава активно работи на подигнување на свеста на граѓаните за важноста на безбедноста на храната и за превенирање и управување со ризиците со цел унапредување на нивното здравје.
Македонија
(Видео) Василевски: Нула нови градинки за 4 години во Аеродром, околу 700 деца чекаат за запишување секоја година

Изминаа речиси 4 години откако ВМРО-ДПМНЕ ја освои локалната власт. И По 4 години, ВМРО-ДПМНЕ во Општина Аеродром не изгради ниту една од ветените 4 нови градинки, рече денеска на прес-конференција Бојан Василевски, ОО СДСМ Аеродром.
„Овиe градинки беа првиот од 7-те топ приоритети на Муцунски и Митески во програмата со кои ја освоија довербата на нашите сограѓани од Аеродром. Митески и Муцунски ветија целосно нови градинки во Острово, Мичурин, Лисиче и Долно Лисиче, но еве, четири години подоцна, ниту една од овие ветени градинки до денес не е ни започната со градба“, вели Василевски.
Според него, околу 700 дечиња годишно се на листа за чекање за упис во градинка, заради недостатокот на места во градинките во Аеродром.
„ВМРО-ДПМНЕ во Аеродром покажа целосна незаинтересираност за решавање на овој проблем. Единствениот објект на градинка кој се гради во моментов во Стар Аеродром е со 70.000.000 денари, средства обезбедени од Владата на СДСМ во 2024 година. Само за споредба, кога со Општина Аеродром управуваше СДСМ се изградија 2 нови градинки со вкупен капацитет од 400 деца. Целосно нов објект Црвенкапа во Стар Аеродром со капацитет од 200 деца и целосно нов објект Буба Мара во Ново Лисиче со капацитет од исто така 200 деца“, кажа Василевски.