Македонија
Двајцата претседатели на Беса на одделни средби со британскиот амбасадор

Претседателите на поделената Беса, Билал Касами и Африм Гаши, оставрија одделни средби со амбасадорот на Обединетото Кралство, неговата екселенција Чарлс Гaрет.
На средбата помеѓу Касами и Гaрет се разговарало за политичките процеси во нашата земја, за улогата на Движењето Беса во давање поддршка за реформите што се предуслов за интеграција на Република Македонија во НАТО, како и за почетокот на преговорите за приклучување кон ЕУ.
„Претседателот Касами на овој состанок го искажа својот став за спорот за името со Грција наведувајќи дека оваа е еден од клучните периоди во последните 20 години ова прашање да се реши и Република Македонија и формално да стане полноправна членка на НАТО затоа што ова е единствена алтернатива што ни носи просперитет, безбедност и економски развој“, соопшти партискиот кабинет на Касами.
Двете страни се согласиле дека одличната комуникација што постои помеѓу Движењето Беса и Обединетото Кралство треба да продожи и во иднина ставајќи се во функција на приближување до западните вредности и стратешката поддршка што ни се дава како Македонија од страна на Обединетото Кралство.
Во врска со средбата што Гаши ја остварил со Гарет, другото крило на Беса соопшти дека двајцата соговорници разговарале за политичката ситуација низ која поминува Македонија.
„На оваа средба претседателот Гаши ја нагласи конструктивната улога што ја имаше Движењето Беса во целиот овој политички процес, која беше во функција на стабилизацијата на земјата и евро-атлантската агенда. Исто така, претседателот Гаши нагласи дека Беса ќе продолжи постојано да придонесува за благосостојбата на граѓаните и аспирациите за зачленување во НАТО и ЕУ“, соопшти разгранокот на Гаши.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.