Македонија
Дебар се гуши во чад од депонијата

Депонијата на Дебар, која се наоѓа во близина на градот, последните месеци често пати се пали, а граѓаните посебно наутро се гушат во чадот.
Членовите во Советот на Дебар безразлика на нивната политичка припадност, остро реагираа и побараа ЈКП „Страндард“ кое стопанисува со депонијата веднаш да превземе мерки за ставање на депонијата под контрола. Советниците упатија и остри критики кон инспекторите кои досега немаат превземено никаква законска мерка кон оние кои ја опожаруваат депонијата.
Претседателот на Советот, Башким Машкули истакна дека раководството на јавното претпријатие треба под итно да постави чувар со цел депонијата да престане да се пали. Советникот, Екуран Дука побара превземање на мерки за да се запре палењето на депонијата, којашто со својот чад носи опасности по здравјето на луѓето. Неговиот колега, Азем Фејзоски рече дека дополнителен проблем е и собирањето на сметот во селските населби којшто не се собира од страна на јавното препријатие.
Советниците оценија дека населението бара решавање на проблемот и санација на депонијата.
Претсавникот на ЈКП „Стандард“, одговорен во единицата за јавна хигиена, Омер Цами објасни на седницата на Советот дека раководството прави се да го собира сметот навреме , но проблемот со депонијата е отворен бидејќи, како што рече, претпријатието нема средства за обезбедување на санација на депонијата, но и специјални возила за уредување на депонијата и гасењето на палењето на сметот во депонијата.
Денеска наутро Дебар повторно беше покриен од чадот на депонијата, кој според задраствените работници има канцерогени материи.
К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.