Македонија
Делегации на СДСМ во Крушево, Скопје и Пелинце за 2 Август – Денот на Републиката

По повод чествувањето на 2 Август, Денот на Републиката, делегации од Социјалдемократскиот сојуз на Македонија ќе присуствуваат на одбележување на големиот празник – Илинден во Крушево, Скопје и Пелинце.
Во Крушево, делегацијата ќе ја предводи претседателот на Социјалдемократскиот сојуз на Македонија, Венко Филипче, во придружба на потпретседателката на СДСМ, Кристина Костова и пратеничката од СДСМ, Бисера Костадиновска Стојчевска.
Делегацијатаж ќе положи свежо цвеќе на гробот на Никола Карев во Крушево и на Спомениот на хероите на месноста „Слива“.
Подоцна, делегацијата ќе присутвува на Панихида за паднатите херои, во храмот Свети Никола во Крушево.
Во 12:00 часот делегацијата ќе положи свежо цвеќе на Мечкин Камен.
Во Скопје, делегацијата ќе ја предводи потпретседателката на СДСМ и кандидатка за градоначалничка на Скопје, Каја Шукова, во придружба на Маја Мојсова Мијовска – кандидатка за градоначалничка на Карпош и Оливера Ливриниќ од општинската организација Бутел.
Делегацијата ќе положи свежо цвеќе пред споменикот на Никола Карев (Собрание на Република Северна Македонија), пред споменикот на АСНОМ (парк „Жена Борец“) и пред споменикот на Методија Андонов – Ченто (Плоштад Македонија).
Во Пелинце делегацијата ќе ја предводи генерален секретар на СДСМ, Александар Саша Димитријевиќ заедно со организацискиот секретар и кандидат за градоначалник на Куманово, Мартин Костовски и градоначалникот на Општина Крива Паланка, Сашко Митовски.
Делегацијата ќе положи цвеќе пред Меморијален центар на АСНОМ во Пелинце.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.