Македонија
Делегација на Собранието учествува на Трансатлантскиот форум во Вашингтон
Во рамките на редовните годишни активности на ПС на НАТО, на годишниот 24. Трансатлантски парламентарен форум, што во заедничка организација на ПС на НАТО, Националниот одбранбен универзитет на САД и Атлантскиот совет, се одржа на 9 и 10 декември 2024 г. во Вашингтон, САД, учествуваше делегација на Собранието во ПС НАТО, во состав: Драган Ковачки, шеф на делегацијата, Беким Сали и Славјанка Петровска, членови на делегацијата.
На Форумот присуствуваа голем број парламентарци од земјите членки на НАТО и се обратија конгресмени, највисоките претставници на Атлантскиот совет, етаблирани меѓународни аналитичари за безбедносни и одбранбени политики и еминентни професори од американски и европски универзитети и меѓународни фондации, кои работат на безбедносни прашања.
Форумот го отворија претседателот на Националниот одбранбен универзитет, вицеадмиралот Питер Гарвин, и претседателот на Атлантскиот совет, Фредерик Кемпе. Во дискусиите по нивните излагања, парламентарците ја акцентираа потребата од зачувувањето на силната и единствена врска меѓу сојузниците, која ќе резултира во градење мирна безбедносна архитектура во светски рамки.
Посебен панел беше посветен во сеќавање на поранешниот потпретседател на ПС на НАТО и шеф на латвиската делегација, Ојарс Калнинс, на кој предавање имаше Андерс Аслунд од Фондацијата „Евроазија“. Во размената на мислења беше нагласено дека градењето демократска отпорност е споделена вредност за трансатлантската заедница.
Темите на дебатата на Форумот опфатија клучни глобални предизвици, како состојбата во Украина и руското влијание врз евро-атлантската безбедност, конфликти и геополитики промени на Блискиот Исток, американско-кинеската конкуренција и нејзините последици за Индо-Пацификот, како и растот на автократијата како глобална закана.
Во дискусиите беше истакнато дека кревката безбедносна состојба, предизвикана од војните во Украина и во Газа, сè повеќе ја наметнува потребата од силно НАТО, зајакнато вложување во одбраната и одбранбените капацитети, исполнување на договорениот процент за одвојување за одбраната и вложување во инвентивни технологии. Само со кохезивни акции може подготвено да се одговори на предизвиците од Кина и Русија, а истовремено да се води кооперативна и партнерска политика со Индо-Пацификот, Нов Зеланд и Австралија како региони од посебен интерес за НАТО.
Конгресниот панел го водеа конгресмените Нил Дан, Рик Ларсен, Мајк Тарнер и Доналд Норкрос, сите од Републиканската партија. Дискусиите и споделените размислувања и искуства ги допреа темите поврзани со актуелната состојба во САД по изборите, ребрендирањето на американската надворешна политика, визиите за сегашните и идните предизвици на НАТО и политиката на отворени врати. Се разговараше и за безбедносните стратегии во однос на трилатералното безбедносно партнерство меѓу САД, ОК и Австралија – АУКУС, Арктичкиот круг, финансиската поддршка на Украина, случувањата на Блискиот Исток и вложувањата во националните воени и одбранбени капацитети.
Трансатлантскиот парламентарен форум, кој претставува традиционална речиси дводецениска размена на видувања и отворена дебата според Chatham House Rules, ги отсликува синергијата и координацијата меѓу владината и парламентарната димензија на НАТО. Форумот им овозможува на парламентарните претставници на НАТО, сојузничките земји, изворно да се информираат за глобалната светска политика и безбедносните предизвици и за тоа како НАТО гради и имплементира консензуални и балансирани одбранбени политики.
Парламентарното собрание на НАТО (ПС на НАТО) е мултилатерална организација, која воспоставува суштинска врска меѓу НАТО и парламентите на НАТО-нациите, обезбедува поширока транспарентност на политиките на НАТО и придонесува да се зајакнат трансатлантските вредности на алијансата.
ПС на НАТО брои 281 делегат од 32 земји членки на НАТО, делегати од 11 асоцијативни земји членки, од Европскиот парламент, од 4 регионални партнери и од медитеранските асоцијативни земји членки, како и парламентарни набљудувачи од 7 други земји и 2 парламентарни собранија (ПС на ОБСЕ и ПС на СЕ) и делегација од ЕП, кои исто така земаат учество во активностите на Собранието. Собранието претставува критички форум за меѓународен дијалог на парламентарците од Европа и од Северна Америка за стратешки и безбедносни теми од заеднички интерес на НАТО-сојузниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ноќеска повремени врнежи дожд насекаде
Управата за хидрометеорологија извести дека кон крајот на денот во крајните западни региони ќе има повремени врнежи од дожд, кои во текот на ноќта ќе се прошират насекаде. На повисоките планини на северозапад врнежите ќе бидат од снег. Во западните делови ќе дува слаб до умерен ветер од западен правец.
Македонија
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на марихуана. Во правно лице во Скопје пронајдени се и одземени околу девет тони марихуана и над 1300 шишиња произведено масло од канабис (полупроизвод). Од правни лица пак од источниот регион, одземени се над 31 тон марихуана и биомаса.
Во координација со Царинската управа и надлежната Комисија за контрола на овој вид на дејност од Министерство за здравство извршени се контроли во повеќе правни лица чија основна дејност е одгледување зачински, ароматични и лековити растенија и растенија со употреба во фармацијата, а во координација со јавен обвинител од ОЈО за ГОКК, се преземаат мерки и активности заради утврдување на фактите дали неодамна запленетата марихуана во Р.Србија потекнува од нашата држава.
„Со оглед на тоа дека едно од осомничените и приведени лица во Р.Србија е дел од сопственичката структура во правното лице од Скопје, извршени се детални проверки и контроли на количината која е затечена во правното лице и целосната документација која што е пронајдена во просториите на правното лице. Врз основа на пронајдената документација од страна на Комисијата од Министерството за здравство сочинет е записник, во кој се констатирани низа неправилности при работењето и голема неусогласеност во однос на количините кои правното лице ги поседува, произведува, набавува и отуѓува. Со оглед на констатираните неправилности и по доставено известување од надлежен Јавен обвинител, од просториите на правното лице е подигната целосната количина на пронајдена марихуана“, известија од МВР.
Полицијата извршила проверки во неколку правни лица во источниот регион каде исто така од надлежната комисија се утврдени неправилности и неусогласеност во однос на количините кои правните лица ги поседуваат, произведуваат, набавуваат и отуѓуваат, по што е одземена затекнатата количина.
Министерството за внатрешни работи во координација со ОЈО ГОКК, каде е формиран посебен тим за овој и слични предмети, продолжува и во наредниот период со преземање на мерки и активности за целосно расчистување на овие случаи.
МВР по завршување на акцијата и по целосно расчистување на случаите детално ќе ја информира јавноста.
Македонија
Петнаесетгодишник претепан пред обложувачница во Скопје
Осумнаесетгодишник ноќеска претепал петнаесетгодишник пред обложувачница во Скопје, а настанот го пријавиле лекарите од Клинички центар.
„Утрово во 06:31 часот во Полициската станица Кисела Вода од Ургентен центар при комплекс клиники ’Мајка Тереза’ во
Скопје е пријавено дека кај нив со тешки телесни повреди е донесен 15-годишник од Скопје, кој претходно, според пријавеното околу 00:30 часот во обложувачница во Скопје бил физички нападнат од Л.В.(18)“, извести МВР.
Полицијата презема мерки за расчистување на случајот.
(Видео) Протести против Зимските олимписки игри во Милано: демонстрантите фрлаа димни бомби и шишиња кон полицијата
Илјадници луѓе се собраа во Милано на протест против Зимските олимписки игри само еден ден по церемонијата на отворање во...
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на...
Двегодишно дете со тешки телесни повреди од Битола пренесено во Скопје, го нападнале кучиња скитници додека си играло
Лекарите од Клиничката болница во Битола вчера во полиција приавиле дека примиле двегодишно дете со тешки телесни повреди по напад...
(Видео) Петрушевски: Од 27 тони запленета дрога, повеќе од две третини е на фирма на соработник на Зоран Заев
Над 2/3 од 27 тони запленета дрога е од фирма на кадар на СДС, соработник на Зоран Заев, рече денес...
Левица ќе иницира разрешување на Ристовска, имаат информации за понижување, викање и навреди во ДКСК
Наместо да ја насочи својата енергија кон расчистување на корупцијата, членката на Државната комисија за спречување на корупцијата (ДКСК), Цвета...
Низ разузнавачките канали протекоа детали за „Дмитриев пакет“, вреден е 12 трилиони долари, вели Зелениски
Украинскиот претседател Володимир Зеленски предупреди дека постои ризик САД и Русија да склучат билатерални договори кои се однесуваат на Украина,...
Судот нареди на администрацијата на Трамп да врати од Хондурас три депортирани семејства и да ги плати трошоците за враќање
Окружниот суд во Сан Диего пресуди федералната влада на САД да ги врати трите семејства од Хондурас, наведувајќи дека нивното...
Независниот полициски синдикат утре организира протестен марш во Битола: За закани за тепање и убивање полицајци се оди во притвор
Независниот полициски синдикат (НСП) утре во Битола организира марш за еднакво спроведување на законите кон сите сторители на кривични дела,...
Магла ја намали видливоста до 60 метри на патниот правец Гевгелија – граничен премин Богородица
Сообраќајот на државните патишта се одвива во зимски услови, по влажни коловози соопшти Авото-Мото Сојузот на Македонија (АМСМ), Намалена видливост...
Најдоцна до јуни реконструкција на владиниот кабинет, Ковачки е нов генерален секретар на партијата, соопшти Мицкоски
Денес заседаваше Централниот комитет на ВМРО-ДПМНЕ, на кој беа донесени важни одлуки за понатамошното јакнење и модернизација на партијата, истакна...
Полицајци, наставничка и пожарникар земале пари од граѓани за да им средат побрзо да извадат лични документи
Двајца полицајци, наставничка и пожарникар се осомничени за примање поткуп и примање награда за противзаконито влијание односно за пари овозможувале граѓаните...
Воени возила и дронови во Охрид и Радожда, од утре обука на специјалците од војската на Белгија
Од 07 до 20 февруари 2026 година, на подрачјето на Охрид и струшкото село Радожда, ќе се реализираат активности за...
Студентите што студираат во странство или се прогласени за најдобри, ќе имаат предност за вработување на државните универзитети
Со поддршка од над 60 професори, засегнати институции и установи, претставници на студентите, стручни лица и експерти, Министерството за образование...
Угостителите во Македонија за една година ги поскапеа цените за 3,4 проценти
Цените на угостителските услуги во јануари 2026 година се зголемени за 0,2 проценти во однос на претходниот месец. Во споредба...
СДСМ: Нема одговор како 5 тони дрога поминале преку граница
Нема одговор како 5 тони дрога поминала преку граница – има вистина дека ВМРО го овозможи бизнисот со канабис, велат...
„Да се забрани производство на марихуана за наводни медицински цели“, бара Демократскиот сојуз
Демократскиот сојуз бара Парламентот на Македонија по скратена постапка да донесе измена на законите со кои ќе се забрани производство...
Лавров: Москва е во таен контакт со некои европски лидери, тие бараат разговорите да останат тајни
Министерот за надворешни работи на Русија, Сергеј Лавров, изјави дека Москва е во таен контакт со некои европски лидери и...
Поднесена кривична пријава против две лица од Битола кои се закануваа дека ќе убиваат полицајци на протестот за возачките дозволи
Независниот полициски синдикат поднесе кривична пријава против две лица од Битола кои се закануваа дека ќе убиваат луѓе на протестот...
Објавени пораки меѓу поранешниот норвешки премиер и Епстин, започната е истрага
Поранешниот норвешки премиер Торбјорн Јагланд е под полициска истрага поради сомнение за сериозна корупција поврзана со неговите врски со покојниот...
Трамп ја претстави TrumpRx: Нова платформа за поевтина набавка на лекови во САД
Американскиот претседател Доналд Трамп во четврток ја претстави TrumpRx.gov, нова онлајн платформа што ќе им овозможи на американските потрошувачи да...
