Македонија
Демири: Наша цел е секој пациент со ретка болест да има достапен лек
Министерот за здравство, д-р Илир Демири, денеска учествуваше на панел-дискусијата посветена на Денот на ретките болести во организација на Националната алијанса за ретки болести.
Во своето излагање Демири потенцира дека во 2009 година буџетот за ретките болести изнесувал околу 25 милиони денари, а денеска изнесува 950 милиони денари.
„Ако правиме математички компарација, во 2009 година првите инвестиции за ретките болести биле некаде околу 25 милиони денари, а денеска се 950 милиони денари. Дали сме задоволни? Не сме со тоа што е постигнато затоа што таргет на Министерство за здравство ќе биде покривање на секој пациент што има потреба од лек во категоријата ретки болести“, рече Демири.
Демири истакна дека ја поддржува националната стратегија, која бргу ќе почне да се имплементира.
„Ја поддржувам националната стратегија и се гордеам со вашиот ангажман, бргу ќе почне да се имплементира тоа. Во системот ‘Мој термин’ програмата што е направена за евиденција и следење ќе продолжи да се надградува и да има некаков ред. Ова што го кажувам важи и за ретките болести со посебен осврт на категоријата болни од цистична фиброза и таму има доста напредок. Таргет ми е годинава, со тие средствата што ги има обезбедено Владата, да ја зголемиме бројката на пациенти што ќе се вклучуваат на терапија, со намера и цел секој пациент кој е со цистична фиброза да добие лек кога му треба, а не да има листа на чекање. И се надевам дека ќе има ваков напредок“, изјави Демири.
Лани, се воведоа шест нови леа за 16 пациенти, а годинава се воведуваат 4. Почнат е процес на подготовка на протоколи за лекување на лицата со ретки болести, кој е во тек и набргу се очекува финализирање на дел од протоколите.
Министерството за здравство е секогаш отворено, транспарентно и останува посветено на решавање на потребите на сите пациенти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Битиќи: Резултатот е нула-нула, a на 8-ми мај заеднички одлучуваме за победникот
„Резултатот е нула-нула, сè уште немаме победник или поразен. Нашата битка за европска Македонија не е завршена. Нашата држава е мала земја, но влогот на 8-ми мај е голем“, порача на денешните средби со жителите на скопската општина Бутел, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Тој порача дека е опасен патот по кој ВМРО-ДПМНЕ сака да ја води државата, а тоа е кон изолација, кон унгарско сценарио, кон национализми кои разделуваат.
„СДСМ одбива да се движи кон овој правец. Ние имаме програма и визија за европска држава во која владеат дијалогот, инклузивноста, меѓусебното другарство и социјалната правда“, рече Битиќи.
Тој ги потсети граѓаните на 27 април пред седум години, кога се случи упадот во Собранието и обидот за рушење на уставниот поредок по покровителство на ВМРО-ДПМНЕ.
„Слободата која ја добивме по крвавиот 27 април пред седум години, не е луксуз, тоа е можност која ни даде сила да се движиме напред, да стане полноправни членки на НАТО, да ги отвориме портите на Европската Унија. Сега не смееме да дозволиме на 8-ми мај таа да биде украдена, однесена од виорот на национализмот и поделбите. Мораме да продолжиме да го чуваме овој скапоцен подарок кој го добивме во борбата против режимот на ВМРО-ДПМНЕ, бидејќи тој е темелот врз кој се гради праведно и правично општество, “ порача Битиќи.
Македонија
Карапејовски: Сите граѓани треба да имаат слободен пристап до здраствените услуги
Движењето ЗНАМ – за наша Македонија организираше трибина во просториите на Европскиот Универзитет насловена “Борба со остеопорозата со помош на витаминот Д – неговото височество” предводена од проф. Д-р. Јасмин Циривири – кандидат на пратеничката листа а ЗНАМ во изборната единица 1 и прим. Д-р. Маја Панајотовиќ Радевска.
Трибината беше посетена во голем број, каде што граѓаните покажаа голем интерес за активности од овој вид и исто така ја дадоа својата целосна поддршка за ЗНАМ.
На граѓаните им се обрати и носителот на изборната единица 1 од ЗНАМ – Д-р. Бобан Карапејовски, кој посочи “Сите граѓани треба да имаат слободен пристап до здраствените услуги. Пациентите не треба да бидат клиенти и потребно е пациентите да добијат услуги кои што се квалитетни и достоинствени”.
Д-р Циривири во своето излагање презентираше за борбата против остеопоразата, но и напомена дека “На Македонија и се потребни здраствени реформи. Здравството во Македонија е сведено на многу ниско ниво, здраствен систем веќе воопшто и да не постои каде што докторите и пациентите се деградирани.” Тој посочи и дека “Подобро е болеста да се превенира на време, отколку пациентите подоцна да плаќаат огромни суми и да чекаат долго време за нивно лекување.”
На крајот Д-р Циривири и Д-р Панајотовиќ Радевска остварија средба лице во лице со граѓаните, каде што им понудија совети и препораки, но и ги слушнаа нивните проблеми поврзани со македонскиот здраствен систем и услуги.
Македонија
Николовски: Не смееме да дозволиме да им ја одземеме европската иднина на младите
Одговорноста на секој од нас е голема. Не смееме да дозволиме да имаме повторно нови изгубени години без иднина. Не смееме да дозволиме да им ја одземеме европската иднина на младите и идните генерации, рече денес во Крива Паланка коносителот на кандидатската листа за ИЕ 3 на СДСМ и коалицијата, Љупчо Николовски.
Тој порача дека Европскиот пат не е закана за македонскиот народ или македонскиот идентитет, туку се шанса за нивно уште поголемо развивање.
– Македонскиот идентитет опстојал низ векови наназад и уште долги векови ќе опстои. Затоа не смееме да се откажеме. Се докажало низ времето дека само со силен, обединет и победнички СДСМ имаме силна Македонија.
Јас не се откажувам и останувам помеѓу граѓаните, секојдневно на терен, достапен како и до сега, секогаш тука за секој еден граѓанин. Граѓаните ни пратија силна порака, а ние таа порака ја слушаме и почитуваме. Одговорноста ја прифаќаме. СДСМ покажал дека знае да се менува, да признае грешка и да се подобри. Да го слуша гласот на граѓаните и повторно да ја стекне нивната доверба. Овие избори кои ни претстојат се посебно важни за државата. Не гласаме за или против СДСМ, туку за или против иднината на државата. Секој еден од нас има обврска добро да размисли во каква држава сака да живее следните години. Каква иднина посакува за младите, и за секој еден граѓанин. Одговорноста на секој од нас е голема. Не смееме да дозволиме да имаме повторно нови изгубени години без иднина години. Не смееме да дозволиме да им ја одземеме европската иднина на младите и идните генерации, порача Николовски.
Тој имаше средби со граѓаните на градскиот плоштад и низ центарот на Крива Паланка, упатувајќи порака дека со нивниот глас на изборите на 8 мај го трасираат патот на државата во следните години.