Македонија
Демократска фракција: ВМРО-ДПМНЕ не е создадена за да биде адвокат на ѓаволите
Во овие историски моменти кога се одлучува за името, идентитетот и идината на нашата држава, како Демократска фракција на ВМРО-ДПМНЕ не можеме да се начудиме како новото наметнато партиско раководство на ДПМНЕ, на чело со Христијан Мицкоски, се обидува со банални и контрапродуктивни прес-конференции да го дезавуира вниманието на граѓаните и да ги игнорира приоритетите на државата и нацијата. Недозволиво е, па макар тоа било и под диригентска палка на наметнат лидер, ВМРО-ДПМНЕ и понатаму да се обезличува и да биде во служба и заштита на обвинетите партиски криминални структури наместо во служба и заштита на државните и националните итереси. Партијата не смее и понатаму да се става во улога на заложник за нечиј спас за да на крајот членството и сите граѓани ги платат сите нивни цехови и гревови, се вели во сооптштението на ВМРО-ДПМНЕ – Демократска фракција.
„Господине Мицкоски, ВМРО-ДПМНЕ не е создадена и градена да биде адвокат на ѓаволите и заштитник на оние што за лични и лукративни цели го осиромашиле македонскиот граѓанин и го довеле на работ на опстанокот. Приоритет на една државотворна партија како ВМРО-ДПМНЕ не е заштита, уцена, пазарење и притисок врз судството за ослободување сторители на кривични дела. Законите и правдата во оваа држава мора да важат еднакво за сите, без разлика на партиската, етничката, верската и каква било друга припадност. Криминалните и квазипатриотски структури, кои и понатаму ја обезличувааат и девалвираат партијата, итно мора да станат минато за ВМРО-ДПМНЕ“, се вели во соопштението.
За ВМРО-ДПМНЕ – Демократска фракција, сè додека наметнато раководство на партијата, анатемисаните членови на ИК, како и новоназначените невмровски и некадарни претседатели на ОК се во длабока закрила и под стегите на поранешните партиски функционери, сè дотогаш партијата ќе биде основ и цел за постмев од довчерашни и сегашни партиски коалициони партнери и некредибилен европски партнер.
„ВМРО-ДПМНЕ не смее и понатаму да глуми фиктивна опозиција и да се занимава со тривијални работи. Водењето недоследна партиска политика, распната помеѓу реалноста и фикцијата, безидејноста и импровизацијата и немањето капацитет и храброст да се биде самостоен наспроти внатрешниот и надворешниот притисок, се причини што и во иднина ќе ја дообезличуваат и руинираат партијата. Потребно е итно да се изградат и промовираат конкретни препознатливи ставови, принципи, идеологија и политика во интерес на државата и нацијата и за најкус можен рок со ново и демократско избрано раководство од членството партијата да се врати како победник на политичката сцена“, истакнуваат од ВМРО-ДПМНЕ – Демократска фракција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Првиот вицепремиер Изет Меџити учествуваше на Самитот на иднината во Обединетите нации
Првиот вицепремиер и Министер за животна средина и просторно планирање Изет Меџити, денеска учествуваше на Самитот на иднината во Обединетите нации. Овој самит собра повеќе од 150 лидери на држави и влади од целиот свет за да разговараат за предизвиците и можностите поврзани со иднината на човештвото.
„Како прв потпретседател на Владата на Република Северна Македонија, учествував на Самитот на Иднината во Обединетите нации, каде заедно со високата државна делегација, вклучително и претседателката Гордана Силјановска Давкова и министерот за надворешни работи Тимчо Муцунски, ја претставувавме нашата земја во овој голем глобален настан. Овој самит собра повеќе од 150 лидери на држави и влади од целиот свет за да разговараат за предизвиците и можностите поврзани со иднината на човештвото“, рече Меџити.
Меџити понатаму додаде дека на отворањето на самитот, каде што бил присутен, главниот фокус бил ставен на Пактот за иднината, амбициозен документ кој има за цел да изгради нова рамка за меѓународна соработка и одржлив развој.
„Во овој контекст, ги слушнавме инспиративните говори на генералниот секретар на ОН, Антонио Гутереш и на германскиот канцелар, Олаф Шолц, кои ја истакнаа важноста на глобалната соработка за соочување со најголемите предизвици на нашето време“, додаде Првиот вицепремиер.
Пактот за иднината е сеопфатен документ кој се однесува на широк опсег на критични прашања. Вклучува поглавја за човекови права, родова еднаквост, одржлив развој, наука, технологија и иновации, како и дигиталната соработка. Меѓу другото, се истакнува важноста од ангажирање на младите и зачувување на интересите на идните генерации кои се во центарот на трансформацијата на глобалното владеење.
Покрај учеството на овој форум на високо ниво, агендата на Меџити во Њујорк вклучува и серија состаноци со американски сенатори и други политички и економски лидери. „Овие средби ќе се фокусираат на продлабочување на соработката меѓу Северна Македонија и САД во клучните области како зелената енергија, технологијата и одржливиот развој, како и да се разговара за перспективите на нашата земја во меѓународните процеси“, појасни Меџити.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.