Македонија
Дескоска: Нов модел на антикорупциска ослободена од секакви политички влијанија
![](https://makfax.com.mk/wp-content/uploads/2018/07/deskoska-1.jpg)
Борбата со корупцијата е еден од стратешките приоритети на Владата и во таа насока се работи на закон за спречување на корупцијата, истакна министерката за правда Рената Дескоска, во Клубот на пратеници, каде се одржа Втората сесија на Работната група 3 – (Правосудство и основни права – Поглавје 23) од Националната конвенција за Европска унија во Република Македонија (НКЕУ-МК) на тема „Механизми за ефективна борба против корупцијата“.
Дескоска рече дека една од задачите на работната група е да дефинира нов модел на антикорупциска комисија, која ќе биде експертска, ослободена од какви било политички влијанија и која ќе има ингеренции навистина да ја врши својата работа онака како што треба. Таа, исто така, се осврна и на реформите во судството, истакнувајќи притоа дека пред судството стојат две задачи: да се бори со корупцијата во другите органи, но и да се бори со корупцијата во своите редови.
„Корупцијата не е само примање парични надоместоци или подароци, корупцијата е отсуство на сите видови влијанија во носењето на одлуките и тоа е особено битно за судството, бидејќи кај нив е изрично пропишано дека мора да судат врз основа на Уставот и законите во Република Македонија, што, за жал, не секогаш беше случај во изминатиот период“, рече Дескоска.
Поранешната врховна судијка Милка Ристова посочи дека и судските реформи се важен елемент за интегрирање на земјата во европските структури. Таа како еден од механизмите за ефективна бора против корупцијата го предлага јакнењето на интегритетот на судиите и јавните обвинители „за да се освестат дека тие се над власта и да не им влијаат притисоците“.
„Ние во постојното законодавство, под антикорупциски и кривични дела ги сметаме само тие што значат примање директен поткуп, а исто така, во вид на корист, но дејствија кои се суптилни, кои значат политичко или друг вид влијание не се опфатени во политичкиот прогон. Телефонските јавувања и притисоците на судот, дали од политички мотив, роднински или друг вид на мотиви засега не можат да бидат опфатени во системот на правна одговорност за овој вид дејствија, а тие и тоа како имаат влијание“, изјави Милка Ристова.
Учесниците на сесијата се согласија дека механизмите што беа предложени на денешната дебата треба час поскоро да се имплеменираат во легислативата и да почнат да се применуваат во практиката во борбата против корупцијата.
Националната конвенција за Европска унија (НКЕУ) во Република Македонија, всушност, дејствува како отворен и континуиран форум за постигнување поширок општествен консензус за прашања поврзани со пристапувањето на Република Македонија кон Европската унија. НКЕУ најпрво беше применета во Република Словачка како модел на мобилизација на стручната јавност во забрзувањето на евроинтеграцискиот процес, а денес успешно се применува и во повеќето држави од нашето соседство како Србија, Црна Гора и Албанија. Својата работа во Република Македонија НКЕУ ја почна на 11-ти ноември 2017 година со одржувањето на првата, конститутивна, пленарна конференција.
Главната цел на НКЕУ-ЕУ е зголемување на интегративните капацитети на општеството преку дијалог за витални теми и барање решенија, препораки и мерки во духот на европската легислатива и европските практики.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Битиќи: ВМРО-ДПМНЕ ги потврди добрите политики на СДСМ кои доведоа до намалување на маржата на цената на струјата
![](https://makfax.com.mk/wp-content/uploads/2023/12/14122023_Bitikji_FITR_1.jpg)
„Новата Влада на ВМРО-ДПМЕ уште еднаш ги потврди добрите политики на владата предводена од СДСМ, а тоа е во насока на заштита на интересите на граѓаните“, рече пратеникот од СДСМ Фатмир Битиќи, образложувајќи го ставот на пратеничката група на СДСМ за поддршка на Предлог на закон за дополнување на Законот за енергетика, кој по скратена постапка беше денес усвоен во Собранието.
Битиќи нагласи дека измените кои денеска се предлагаат се последица на успешната тендерска постапка за избор на Универзален снабдувач, која заврши пред неполн месец дена, а на која што беше избрана ЕВН Хоме.
„Тоа што е ново е дека постигнавме да ја намалиме маржата која универзалниот снабдувач ја аплицира кон крајните корисници од 11,5% на 9,9%. Ова е една од најниските маржи досега аплицирани кон крајните корисници и сметаме дека ова е нешто на кое сите треба да се гордееме“, рече Битиќи.
Образложувајќи го ставот на пратеничката група на СДСМ, Битиќи појасни дека со овие законски измени се овозможува аплицирањето на намалената маржа кон крајните корисници да стапи на сила веднаш, пред Регулаторната комисија за енергетика (РКЕ) да ја донесе одлуката за цената на струјата од 1 јули до крајот на годината.
Зборувајќи за законските измени, Битиќи образложи дека една од причините за поддршка од пратеничката група на СДСМ е тоа што со истите се предвидува производителот на електрична енергија со најголем инсталиран капацитет на Универзалниот снабдувач да му понуди на продажна во 2024 година 40% од вкупните годишни потреби на снабдувачот.
„Тоа значи дека ЕСМ, која што се пријавила пред само 10 дена, а слушавме помпезно како тоа само 85% ќе понуди, нуди двојно повеќе од тоа што укажува Законот дека треба да го понуди. Нуди по цена која е 60% субвенционирана, пониска цена од производната цена“, рече Битиќи.
Пратеникот Битиќи во своето обраќање потенцираше дека ова е начинот на кој една разумна и конструктивна опозиција треба да се однесува во Собранието, а тоа е да се поддржуваат сите законски решенија кои имаат за цел поддршка на граѓаните и квалитетот на нивниот живот.
„Вака СДСМ и коалицијата ќе продолжи да се однесува и наредните четири години секогаш кога е во прашање интересот на граѓаните“, порача Битиќи.
Македонија
Петровска: СДСМ е државотворна партија и повторно ќе се врати на победничките патеки
![](https://makfax.com.mk/wp-content/uploads/2024/06/slavjanka-petrovska-3.jpeg)
Кандидатката за претседател на СДСМ, Славјанка Петровска денеска пред членовите од Велес ги претстави клучните приоритети од нејзината програма „Манифест за социјалдемократијата“.
„СДСМ е државотворна партија и повторно ќе се врати на победничките патеки онаму каде што припаѓа. Тоа ќе го постигнеме само ако сме обединети и ако постојано го слушаме нашето членство. Тоа, јас како иден претседател, се обврзувам да го правам, да ги слушам членовите кои како што го избираат претседателот на партијата, така ќе ги избираат и претседателите на општинските организации, но и идните пратеници, советници, градоначалници“, посочи Петровска и дополни:
„Заедно ќе успееме, заедно ќе го вратиме СДСМ на кормилото на државата“.
Македонија
Собранието го донесе Законот за енергетика со кој ќе се спречи поскапување на струјата
![](https://makfax.com.mk/wp-content/uploads/2024/03/sobranie4.jpg)
Со 84 гласа ЗА, и ниту еден против и воздржан, Собранието го донесе Законот за дополнување на Законот за енергетика што го најави ВМРО-ДПМНЕ, за да се спречи зголемување на цената на струјата.
Пратениците на СДСМ претходно најавија дека ќе го поддржат законот, посочувајќи дека тој е продолжение на добрите политики на минатата влада.
Од Левица реагираа за овој Закон, но на крајот немаше гласови против.
Претседателот на Комисија за економски прашања, труд и енергетска политика, Бојан Стојаноски од ВМРО-ДПМНЕ, кој е и еден од предлагачите на законското решение, посочи дека измените се многу суштински, но се прилично едноставни, поради што законот е поднесен по скратена постапка.