Македонија
Димитриевски од Кавадарци: Сакаат да не уништат, но забораваат дека ние сме како пиреј
Претседателскиот кандидат Максим Димитриевски, од движењето ЗНАМ – За наша Македонија вечерва имаше средби и се обрати пред граѓаните на Кавадарци.
„Малку не има, грст луѓе, еден ипол милион во државата. Ајде почитувани пријатели да испратиме порака вечерва од тука дека е можно да се обединиме“, рече Димитиревски пред Кавадарчани.
Тој посочи дека 30 години во круг се вртат едни или други, а секоја година е се полошо. Се заблагодари на големото присуство и рече дека тоа покажува дека тој и неговите соработници од ЗНАМ се на вистинскиот пат.
„Тука не гледам партиски војници, туку гледам домаќини, луѓе кои се вградиле во оваа држава. Луѓе со кои ќе одиме во Европа, но со крената глава“, додаде тој.
Димитриевски потенцира дека мора да се спречи корупцијата, мора да се врати правдата каде и местото.
„Ние во Македонија имаме се, но могу лошо е организирано и е во функција на тие што се на власт. А власта почитувани, им ја даваме ние. Ова се суштински моменти за Македонија и за идните генерации. Треба да излезат граѓаните и да кажат доста е. Како Претседател на државата ќе предложам стратегија за борба против политичкиот криминал и корупција. Зашто тие не се борат за власт, туку се борат за се. Сакаат да бидат господари на се, а граѓанинот да го стават во функција на модерното ропство. Но ние сме како пиреј, колку и да не чистиш, повторно не има, а никнуваме и после сто години. Такви сме“, рече Димитриевски и продолжи: „Можеме многу. Мојата цел е Македонија да стане самоодржлива држава, која ќе биде своја на своето. Држава која ќе го зголемува извозот и ќе го намалува дефицитот“.
„Од ден на ден ја губиме државата. Што ќе им кажеме на децата? Затоа молкот е забранет. Масовно да се излезе и да се даде гласот за ЗНАМ, а јас како иден претседател ќе го дадам својот максимум Македонија да биде достинствена држава со среќни луѓе“, рече Димитриевски
Тој денеска се обрати и пред граѓаните на Неготино.
„Ние не митиганшиме, одиме од човек на човек, скромно, но тоа што го пишуваме во Програмата е конкретно и се разликуваме од другите по тоа што си го држиме зборот. Такви сме ние од ЗНАМ, скромни и сами си ги плаќаме сметките од нашиот џеб“, рече Димитриевски и додаде дека на граѓаните се им е јасно и бараат начин како да се излезе од црно-сивиот свет.
„Трудот на луѓето кои работат во Повардарието го користат тие, кои што направија држава без правда, тие кои што направија држава без закон, држава без ред, без поредок. Држава којашто наводно е наша, а суштински е нивна и на крајот сакаат да постават држава која ќе им биде во функција ним. Тие се оние што ние граѓаните ги бираме. Ние денеска во Македонија имаме суд, судии, правда немаме. Имаме обвинители, имаме Обвинителство, обвиненија нема. Се обвинуваат единствено тие коишто ќе го кренат гласот против власта, или гласот против урбаната и друга мафија во државата. И затоа е молкот повеќе од срам. Да седиш и да молчиш во овие круцијални моменти за државата, е срамно“ рече тој.
„Дојдовме во ситуаcија да бидеме туѓи на своето. Да гледаме како еден ДУИ, 20 години си игра и со едните и со другите и ги врти како синџирче околу прстот. Им кажува како треба и што треба. Ги менува законите како сака и за што сака. Е па доволно беше. Топката ќе си ја игра Ахмети назад во селото каде што му е партијата, а не во кабинетот за кој јас,вие, сите ние плаќаме. Артан Груби ќе сиодни да си навива на трибините, но по закон, а не да седи во паралелна влада во Скопје, со црни мерцедеси коишто ги купуваат повторно од нашите пари. А овие кои им служат ним, а коишто ги гласавме сите ние, а и јас, е нив ќе ги пратиме во политичка пензија за да не добијат можност никогаш повеќе да го прават тоа што го правеа до сега“, потенцира Димитриевски пред неготинчани.
Караванот на кандидатот за Претседател на Македонија, Максим Димитриевски денеска беше и во Демир Капија и Росоман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даниела Димовска избрана за претседателка на скопскиот кривичен суд
Судијката Даниела Димовска е избрана за претседател на Основниот кривичен суд Скопје на денешната седница на Судскиот совет откако претходниот претседател Иван Џолев беше избран за судија во Апелациониот суд. Димовска ќе ја извршува функцијата од 6 јули до завршување на постапката за избор на нов претседател.
Кандидатурата на Димовска ја предложи координаторката Данка Ристова, а предлогот беше поддржан со мнозинство гласови.
На истата седница Судскиот совет назначи вршители на должноста претседатели и во другите судови: Елјеса Алији за Основен суд Гостивар, Мерсим Марку за Основен суд Дебар и Валентина Буревска за Основен суд Свети Николе.
Советот разреши дел од судиите поротници во судовите во Свети Николе, Основниот кривичен суд Скопје и Основниот граѓански суд Скопје поради истек на мандатот. Исто така, беше изгласана одлука за формирање комисии за увид и оценка на пријавите по огласот за избор на претседатели на судовите во Дебар, Гостивар и во Свети Николе.
Дополнително, судијата Драган Јаковлески од Основниот суд Битола е делегиран во Основниот суд Прилеп на една година со цел подобрување на функционирањето на судот.
Македонија
Коцевски побара повеќе пари од буџетот за Обвинителството
Јавниот обвинител Љупчо Коцевски, денеска, пред Комисијата за финансирање и буџет на Собранието упати апел за зголемување на буџетските средства на Јавното обвинителство нагласувајќи дека сегашниот износ е недоволен за исполнување на основните функции и на реформските обврски.
Обвинителот истакна дека минималниот законски предвиден износ од 0,4 отсто од вкупниот државен буџет не е целосно доделен и дека средствата за 2025 година изнесуваат речиси половина од оваа сума. Дополнително, нагласи дека недостигот на финансии го отежнува функционирањето на институцијата, особено во делот на вештачењата, кадровскиот капацитет и дигитализацијата.
Јавниот обвинител посочи дека поради зголемените трошоци за вештачења, како и поради недостиг на стручни кадри, Обвинителството се соочува со сериозни предизвици, особено во сложени предмети, како „Онкологија“ и трагедијата во Кочани.
„Сите сте свесни дека трошоците на Обвинителството по основ на вештачења минатата година значително се зголемија. За предметот ‘Онкологија’ беа изработени две обемни и скапи вештачења во странство. Трагедијата во Кочани, сите трошоци за анализа на обемниот доказен материјал, за обдукции, за истражни дејства, за сложени мултиинституционални вештачења – сѐ ова падна на товар на Обвинителството. Во најава се уште неколку предмети во кои, поради недостиг на стручни лица од соодветна област во нашата земја, вештачењата ќе треба да се бараат во странство, а странските институции веќе бараат претходни гаранции дека сработеното навремено ќе им биде исплатено“, рече Коцевски.
Истовремено, ја потенцира потребата за продолжување на лиценците на донираните софтвери и кофинансирање на проектот за дигитализација.
Од кадровски аспект, Обвинителството укажа дека поради забрана за нови вработувања веќе трета година, како и одбиен годишен план за вработување за 2025 година, екипираноста сериозно е нарушена.
Во обраќањето беа дадени и примери од регионот, каде што Обвинителствата добиваат значително поголема финансиска поддршка, како во Албанија и во Црна Гора.
Јавниот обвинител ги повика пратениците да интервенираат и да обезбедат дополнителни средства нагласувајќи дека вложувањето во правдата е вложување во стабилноста и владеење на правото.
Македонија
Тoшковски: Вложуваме во луѓето, нивната подготвеност и едукација
Министерот за внатрешни работи Панче Тошковски денес во Центарот за обука во Идризово, заедно со министерот за спорт Борко Ристовски присуствуваа на предавање на донација од спортски душеци – татами и кимона наменети за опремување на џудо салата наменета за обука на полициските кадети и полициските службеници.
Министерот Тошковски подвлече дека оваа соработка произлегува од неодамна потпишаниот Меморандум за соработка помеѓу министерствата за внатрешни работи и министерството за спорт и Меморандумот за разбирање помеѓу Националната џудо федерација и Европската џудо федерација кој беше потпишан на Европското првенство во џудо за кадети кое се одржа во Скопје претходната недела.
„Вложуваме во луѓето, во нивната подготвеност и едукација. Градиме силна и подготвена полиција која ќе одговори на безбедносните предизвици на денешнината и успешно ќе се бори со криминалот. За тоа е потребно и постојана физичка подготвеност која ја обезбедуваме преку унапредување на сите спортски капацитети тука во Центарот за обука така и другите капацитети на МВР. Денес со помош на министерството за спорт и Европската џудо федерација ја опремуваме џудо салата каде кадетите и полициските службеници ќе ја одржуваат својата физичка кондиција и ќе унапредуваат своите вештини потребни за успешно извршување на работата.“, истакна министерот Тошковски.
Тошковски образложи дека преку оваа соработка планирани се програми за физичка обука базирани на џудо за полициски службеници во насока на подобрување на самоодбраната и целокупната физичка подготвеност и соработка во многу други активности кои го промовираат спортот, дисциплината и здравото живеење.
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
(Видео) Тренчевска: Срамно, со ребалансот власта крати 30 милиони евра од социјални трансфери за да се луксузира
Додека граѓаните се соочуваат со поскапувања, зголемена сиромаштија и се полош животен стандард, владата одлучува во најголемиот буџет во историјата...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Посакувам среќа да се победи во барем една општина: Костадинов до СДСМ по најавата за ново дејствување
Aктуелниот градоначалник на Струмица, Костадин Костадинов, објави на социјалните мрежи дека поради тешката состојба на неговата партија ќе започне со...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
(Фото) Масовна евакуација на туристи поради пожар на Крит
Голем пожар во Грција продолжува да беснее во источниот дел од островот Крит, откако избувна вчера попладне во тешко пристапна...
Украински функционер: Европа прави сè што може, но ќе биде тешко без американско оружје
Украина ги повика САД да продолжат со „континуираната“ воена помош, по изненадувачката најава дека некои испораки на оружје за Киев...
(Видео) Украинците уништија руско складиште за муниција, се шири снимка од огромна експлозија
Украина очигледно извршила напад врз руско складиште за муниција во градот Карцизк во окупираниот дел од Донецката област на 2...
(Видео) Траект потона во близина на Бали: четворица мртви, десетици исчезнати
Четири лица загинаа, 38 се водат како исчезнати, а 23 се спасени откако ферибот со 65 лица потона во близина...
Пентагон: Нуклеарната програма на Иран е забавена за две години
Пентагон објави дека американските напади ја уназадија нуклеарната програма на Иран за до две години, откако уништија три целни локации....
Во Лос Анџелес луѓето мора да живеат во токсични куќи по пожарот: „Осигурителните компании нè измамија“
Луис Казарес беше меѓу ретките чиј дом остана недопрен по разорните пожари што ја опустошија населбата Алтадена, североисточно од центарот...
ЦИА не оспорува дека Путин се обидел да му помогне на Трамп на изборите во 2016 година
Ревизијата на ЦИА откри недостатоци во подготовката на проценката на американското разузнавање дека рускиот претседател Владимир Путин се обидел да...
Костадинов го замрзнува членството во СДСМ, најави ново политичко делување
Градоначалникот на Струмица, Костадин Костадинов, соопшти дека го замрзнува членството во СДСМ, незадоволен од сегашното раководство и од насоката во...
СДСМ објави 11 нови кандидати за градоначалници
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
„Пулс“ ќе се суди во Основниот кривичен суд Скопје, предметот е доставен
Основниот суд во Кочани денеска го достави предметот за пожарот во „Пулс“ во Основниот кривичен суд Скопје, согласно одлуката на...
Арсовска до Тошковски: До сега полицијата не постапуваше по заканите, сега се заканува, што е следно
Градоначалничката на Скопје, Данела Арсовска, вели дека полицискиот службеник Синан Алили ѝ упатил закани на социјалните мрежи. Во објава на...
„Вреди“ бара истрага за намерна манипулација со бројот на Aлбанците на пописот
Од „Вреди“, известуваат дека ќе поднесат кривична пријава до Основното јавно обвинителство – Скопје против поранешното раководство на Државниот завод...
Мотоцилистот удрил во пешакот и избегал, МВР со детали за трагичната несреќа на кејот
Мотоцикл „кавасаки“ го прегазил пешакот кој загина вчера на кејот на Вардар, во близина на Паркот на франкофонијата. Според информациите...
50-60 магационирани БТР, „хермелини“ и „пинцгауери“ ќе гаснат пожари летово, им се вградуваат резервоари за вода, рече Мицкоски
Застарените и магационирани возила на министерствата за внатрешни работи и за одбрана се приспособуваат за гаснење пожари на непристапен терен....
