Македонија
Донаторско-хуманитарна кампања на „Хемофарм“ АД Скопје и СОС Детско село

Со секој продаден пробиотик за деца ПРОБИОКИД ИМУНО, „Хемофарм“ донира 30 денари на СОС Детско село, бидејки ниту едно дете не треба да расте само.
Денес, во просториите на „Програмата за згрижување на деца без родителска грижа” на СОС Детско село, се одржа средба со г-ѓа Славица Тодоровска, директорка на претставништво на „Хемофарм“ АД Скопје, и Виолета Георгиевска, раководител на центарот за поддршка на згрижувачки семејства при СОС Детско село.
Средбата се одржа по повод почеток на донаторско хуманитарна кампања иницирана од „Хемофарм„ АД Скопје. Преку оваа кампања со почеток од 15 март 2021 година во сите подоброснабдени аптеки производот на „Хемофарм“ за деца, ПРОБИОКИД ИМУНО ќе има хуманитарно обeлежје и тоа 30 денари од продажбата ќе биде донирана за потребите на децата, младите и семејтвата во ризик, поддржани од СОС Детско село.
„Во време на светска пандемија кога сите се грижиме за нашето здравје и здравјето на нашите најмили, ‘Хемофарм’ АД Скопје се погрижи и најранливите и тоа децата без родители и родителска грижа. Со најновата хуманатирна кампања во која со купување на вашиот омилен имуностабилизатор за деца ProbioKid Immuno Вие ги помагате и децата без родители и родителска грижа, тТопол дом и грижа за секое дете заедно со ‘Хемофарм’ Ад Скопје“, изјави директорката на претставништвото на „Хемофарм“, г-ѓа Славица Тодоровска.
Во домашна атмосфера во едно од 12 семејства кои се дел од програмата за згрижување на деца без родители се одржа пријатна средба во која се споделија многу совети за развој на имунитетот на децата и се донираа дополнително и пробиотици ПРОБИО КИД ИМУНО и за 60 деца кои се дел од грижата во СОС Детско село.
„Работењето, живеењето и чувањето на здравјето во 2020 и 2021 година, во услови на светска пандемија, нè засегна сите. И професионално и приватно и допре во секоја сфера на нашето живеење. A најмногу во клетката на нашето живеење – нашите семејства, нашите блиски и нашите соработници за кои здравјето и сигурноста се прв приоритет. За СОС Детско село приоритет се деца, млади и семејства на кои секојдневно во континуитет им треба нашата поддршка, која може во континуитет да се одвива со поддршка од нашите пријатели и поддржувачи како што станаа сега и Хемофарм Ад Скопје. Корпоративните донациии и вакви кампањи креираат дом за секое дете“, изјави г-ѓа Виолета Георгиевска, раководител на центарот за поддршка на згрижувачки семејства при СОС Детско село.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: Кандидатот за градоначалник на Штип покажува колку СДС е безнадежна и нереформирана партија

Кандидатот за градоначалник на Штип покажува колку СДС е безнадежна и нереформирана партија, длабоко заробена од тандемот Заев-Филипче, велат од ВМРО-ДПМНЕ.
„СДС за кандидат за градоначалник на Штип, излезе со потрчко од истата бизнис шема на Заеви и Венко Филипче, добро познатиот Павел Иванов. Павел Иванов е познат бизнис партнер и продолжена рака на Заев и Венко Филипче, а со тоа повторно се покажува колку СДС се безнадежни и нереформирани. Да не ја заборавиме неговата сторија. За време на владеењето на Заев, Павел Иванов беше поставен за раководител на подрачната единица на МЗШВ во Штип, додека пак неговата сопруга со амин од Заев, во тој период, беше наградена и истата беше поставена за директор на Меѓуопоштинскиот центар за социјална работа во Штип. Меѓутоа, тоа како да не беше доволно, па истата директорка, по одреден период, беше повторно наградена и беше избрана за советник во Општина Штип, а нејзиниот брат Иле Илиев беше носител на листата на СДС и исто така беше избран за советник во Општина Ново Село, се разбира со дозвола од Заев“, велат од партијата.
За работите да се уште потрагични, додаваат од ВМРО-ДПМНЕ, Илиев додедил на 70 години користење државно земјиште од 20.000м2 посадено со лешници на својата сопруга, а 4700м2 во Суитлак на користење на својот татко.
„Луѓе кои се огледуваат на Заев и Филипче, не може да поминат без некаков скандал. Павел Иванов е продолжена рака на Заев и Филипче. На Штип му треба чесен човек со визија, каков што имаат изминативе 4 години, а со сигурност и наредните 4 години“, се вели во соопштението.
Македонија
ВМРО-ДПМНЕ: Пуштени во употреба експресните Страцин – Крива Паланка, Градско – Фариш, започната изградба на автопатите од коридорите 8 и 10Д

„По наследениот пустош, се градат темелите во инфраструктурата, Македонија инфраструктурно се развива, модернизира и трансформира. Владата предводена од ВМРО-ДПМНЕ, за една година покажа како со интензивна, посветена и чесна работа можат да се завршат и отпочнат големи инфраструктурни проекти, со цел внатрешно и меѓународно поврзување на државата“, велат од ВМРО-ДПМНЕ.
„Тоа што владата на СДС и ДУИ не можеше да го изгради за седум години власт, ВМРО-ДПМНЕ го реализираше за само една година.
За една година Влада на ВМРО-ДПМНЕ, пуштени се во употреба делница Градско – Фариш која е од експресниот пат Градско-Прилеп во вредност од 37,4 милиони евра и должина 15,5 км, како и експресниот пат (Страцин) Ранковце – Крива Паланка во должина од 25,4 километри, вредност од околу 98 милиони евра.
Започна изградбата на автопатот Тетово – Гостивар во должина од 17,5 километри, автопат Гостивар – Кичево (Букојчани) во должина од 30,3 километри, како и автопатска делница Прилеп – Битола во должина од 39,3 километри.
Во завршна фаза е изградбата на автопатот Кичево – Охрид во должина од 40 километри, од кој за скоро време се очекува да биде пуштена во употреба делница Врбјани – Охрид.
Во однос на патната инфраструктура, отпочнати се 225 проекти во прва фаза во висина од речиси 3 милијарди денари и 615 инфраструктурни проекти во втора фаза во висина од речиси 7 милијарди денари и целосно е реконструиран регионалниот пат Охрид (Коњско) – Свети Наум, во должина од 24,5 километри и вредност 11.6 милиони евра.
Паралелно со патната инфраструктура се развива и модернизира железничкиот сообраќај, така што се пушти во употреба пругата на Коридор 8, Куманово-Бељаковце во вредност од 43 милиони евра и во должина од 31 км.
Отворена е нова железничка линија од Скопје до Куманово и од нула функционални локомотиви за само три месеци од мандатот 11 се ставија во употреба и со тоа се нормализираше железничкиот сообраќај во Македонија.
Со Договорот склучен со Обединетото Кралство ќе се гради брза двоколосечна пруга на Коридор 10, од Табановце до Гевгелија, која ја поврзува Македонија со Србија и Грција.
Воведени 11 нови авиолинии од двата аеродроми и обезбедени 360 милиони денари финансиска поддршка. Започна постапка за трет мобилен оператор, ќе се отворат нови работни места и ќе донесе конкуренција на пазарот за пониски услуги за граѓаните.
Во изминатата година се водеше особена грижа и за ранливите категории за која цел, беа доделени над 100 социјални станови во Велес, Кочани, Струмица и Гевгелија“, се наведува во соопштението на ВМРО-ДПМНЕ.
Македонија
Изет Меџити заложник на индустријата за игри на среќа, да ја запре еколошката катастрофа на Кожув, бара АА

Неприфатливото однесување на министерот за екологија, Изет Меџити, укажува на политичка и финансиска заробеност, што го прави заложник на индустријата за игри на среќа и го спречува да преземе неопходни мерки за заштита на животната средина. Упатуваме јасен повик до Меџити и надлежните институции итно да преземат конкретни чекори за запирање на еколошката катастрофа на Кожув, повика Алијанса за Албанците.
„Алијансата за Албанците најостро го осудува невиденото уништување на животната средина што се случува на планината Кожув, каде компанијата во сопственост на Ѓоко Стерјоски – сопственик на мрежата на казина и обложувалници „Спортлајф“ – уништува илјадници квадратни метри шума за тесни бизнис интереси, притоа загрозувајќи ја биодиверзитетот и сериозно ризикувајќи го еко-системот и квалитетот на живот во целиот регион“, велат од АА.
Ова не е само прашање на животна средина, додаваат од партијата, туку и национално и социјално правно прашање.
„Кожув не е приватна сопственост за бизнис интереси – тој е заедничко богатство на граѓаните и мора да се заштити од секоја закана. Алијансата за Албанците ќе продолжи одговорно и целосно ангажирано да ја следи оваа тема и ќе бара одговорност од секој службеник што ги штети интересите на граѓаните и животната средина. Во следните денови ќе објавиме нови факти за поврзаноста на претставниците на коалицијата ВЛЕН со бизнисите на казина“, велат од АА.