Македонија
Донесени измените за урбанизам во скратена постапка – партијата Левица гласаше против

На денешната собраниска седница, пратениците од ДПМНЕ, ЗНАМ и Вреди гласаа за измените на Законот за урбанистичко планирање во скратена постапка. За жал, кај владејачкото мнозинство немаше слух за барањата на јавноста – овие измени да се носат во редовна постапка и да се отвори широка јавна расправа, велат од партијата Левица.
„Левица претходно побара да се тргне овој предлог-закон од дневен ред, затоа што сметаме дека за време на летни одмори недозволиво е да се носат законски измени, кои се од суштинско значење за квалитетот на животот на граѓаните. Владејачката коалиција го одби барањето на пратениците од Левица, со што покажаа дека поважни им се паушални и брзи решенија, наместо долгорочно решавање на урбанистичкиот хаос“, известуваат од партијата Левица.
„Во услови кога дури и поголеми градови функционираат со ГУП-ови стари и над 20 години, новата власт не покажува политичка волја да го постави урбанистичкото планирање на листата на своите приоритети. Напротив, со ваквите избрзани решенија ќе продолжи погубната пракса општините да функционираат со застарени ДУП-ови, кои не одговараат на параметрите на современото живеење и го влошуваат квалитетот на животот на граѓаните“, се додава во соопштението на партијата Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).