Македонија
„Дрисла“: МВР и ОЈО да ги пронајдат подметнувачите на пожарот во депонијата

„Во врска со дезинформациите објавени изминативе неколку денови во некои од медиумите и особено на социјалните мрежи за депонијата ‘Дрсла’, ве известуваме дека ЈП депонија ‘Дрисла’ е единствена санитарна депонија во државата, која работи во согласност со А-интегрирана дозвола и своите работни активности ги извршува во согласност со сите законски прописи за управување со отпад и заштита на животната средина. Истовремено, таа е под целосна контрола и мониторинг од страна на Државниот инспекторат за животна средина“, велат од „Дрисла“.
„Апелираме правото и слобода на говорот и јавното информирање да не се злоупотребува за ширење лажни вести и невистини на социјалните мрежи од страна на група луѓе, кои го доведуваат во заблуда и паника локалното население дека депонијата ‘Дрисла’ ги загрозува животната средина и здравјето на луѓето, како што се случи денес во раните утрински часови со подметнатиот пожар на депонијата ‘Дрисла’.
Ситуацијата е ставена под контрола од страна на вработените на ‘Дрисла’ и со помош на пожарникарски служби пожарот е изгаснат и претпријатието продолжува со редовни активности. Од страна на полицијата направен е увид и записник и ќе постапува во согласност со своите ингеренции. Воедно, ги повикуваме Министерството за внатрешни работи и Основното јавно обвинителство детаљно да го истражат случајот и сторителите да бидат најдени и соодветно казнети, а против лицата што шират лаги и дезинформации за депонијата ‘Дрисла’ од страна на претпријатието ќе бидат поведени соодветни постапки“, се додава во соопштението на „Дрисла“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.