Македонија
ДУИ е подготвена да ја напушти Владата истиот ден кога уставните измени ќе стапат на сила

Демократската унија за интеграција на денешниот состанок го реафирмираше ставот дека е подготвена да ја напушти Владата уште истиот ден кога ќе стапат на сила уставните измени, ако тоа е услов за поддршка од ВМРО-ДПМНЕ при гласањето.
Портпаролот на ДУИ, Бујар Османи кажа дека ако не поминат измените во Уставот, државата би пропуштила историска шанса која нема да се повтори во следните 20 години.
Партијата по состанокот на раководството повика и на почеток на ветинг на сите политички партии од претседатели до последен партиски функционер за, како што велат, да се стави крај на борбата против корупцијата.
ВМРО-ДПМНЕ претходно изрази подготвеност да гласа за уставни измени, ако по нивното усвојување биде формирана преодна влада во која нема да биде ДУИ, но едно од опозициските барања, каде што се разидуваат со интегративците, беше уставните измени да стапат во сила во моментот кога Македонија ќе влезе во ЕУ, а не веднаш по гласањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја дел од Аеродром

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 14.00 часот, дел од корисниците од улиците Пандил Шишков, Вангел Тодоровски и Руди Чаевец, општина Аеродром.
Македонија
Дел од Карпош денеска без вода

Од ЈП Водовод и Канализација известуваат дека денеска поради дефект во шахта на улицата Шекспирова бб (во близина на Тинекс маркет), општина Карпош, прекинато водоснабдување ќе имаат корисниците од истата улица.
Водоснабдувањето ќе биде прекинато од 09:00 часот до завршување со санација на дефектот.
Македонија
Сончево со мала до умерена облачност, температурата до 37 степени

Времето денеска ќе биде сончево со мала до умерена локална облачност. Ќе дува слаб ветер од променлив правец.
Минималната температура ќе биде во интервал од 9 до 20, а максималната ќе достигне од 28 до 37 степени.
Во Скопје, сончево со мала до умерена облачност и со слаб ветер од променлив правец.
Минималната температура ќе се спушти до 15, а максималната ќе достигне до 34 степени.
Времето во наредните денови
Во среда и четврток ќе биде променливо облачно, наместа нестабилно со пороен дожд и грмежи, локално во форма на невреме. Потоа следи стабилизирање на времето.