Македонија
ДУИ: Погрешните политики ни ја одземаат европската иднина
Денес, нашата земја се соочува со болен момент, кој кај секој граѓанин што сонувал за европската иднина предизвикува длабоки чувства на разочарување и огорченост. Поради неуспехот на оваа влада да ги спроведе уставните реформи, Северна Македонија денес е одвоена од Албанија на својот пат кон Европската унија, велат од Демократската Унија за Интеграција.
Според ДУИ, оваа одлука е директна последица на политички неуспех, но пред сè е тешка неправда за секој граѓанин на Северна Македонија кој ја гледаше Европа не само како политичка цел, туку и како длабока општествена и културна аспирација.
„Веќе не сме на заеднички пат со Албанија, и ова е удар врз регионалното единство и стабилност за кои сме се залагале толку долго. Демократската унија за интеграција постојано предупредуваше дека овој неуспех ќе има сериозни последици. Секој ден кога уставните реформи се одложуваат е изгубен ден за европската иднина на нашите деца. Секој неуспех во усвојувањето на овие реформи е чекор подалеку од европското семејство и чекор поблиску до изолација, поделеност и стагнација. Денес, нашите зборови не се само критика. Тие се отворен апел до секој граѓанин на оваа земја кој ја посакува Европа и верува во нејзините вредности: ова е моментот заеднички да испратиме силна порака за дејствување без повеќе одложувања. Секое доцнење, секој неуспех, само ја продлабочува празнината помеѓу нас и Европската унија“, велат од ДУИ.
Како што се додава, Северна Македонија е Европа, и тоа го заслужуваат нејзините граѓани.
„Не смееме да дозволиме погрешните политики да ни ја одземе иднината. Ова не е партиско прашање, туку државно прашање што го засега секое семејство и секој поединец кој верува во подобра, стабилна и европска иднина. На оваа раскрсница, решени сме да се бориме за тоа што е исправно и за правото на граѓаните на Северна Македонија да станат дел од европското семејство. Историјата ќе ни суди за овој момент, и ние нема да дозволиме Северна Македонија да остане надвор од Европа поради политичките неуспеси на моментот“, се додава во соопштението.
ДУИ се децидни дека нема повеќе време за губење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Орбан има предлог за изнаоѓање решение со Бугарија, му го кажал на Мицкоски
Следен чекор е Северна Македонија да се спогоди со Бугарија, изјави унгарскиот премиер, Виктор Орбан, при посетата во Охрид, за време на заедничката прес-конференција со премиерот, Христијан Мицкоски.
Како што рече, тој му го кажал предлогот на Мицкоски.
„Унгарија е подготвена да го искористи претседателството и да посредува по ова прашање. Дали страните ќе ја прифатат Унгарија како посредник е нивна работа. Сакаме да посредуваме да се најде решение кои им одговара и на двете страни“, рече Орбан.
Прашан од новинарите за одвојувањето на Северна Македонија од Албанија на патот кон ЕУ, премиерот на Унгарија изјави дека е неразбирливо да се залажува една држава постојано со почеток на преговори, додека напредуваат сите други земји со кои заедно тргнала во процесот.
„Уште еднаш би сакал да нагласам дека националната гордост е најважна за една нација и ЕУ мора да ја има во предвид националната гордост. Она што се случува тука е повредување на националната гордост на граѓаните на Севрена Македонија. Ако гледаме реално, оддамна требаше да сте членка. Наше мислење е дека треба да градиме пријателства, а не рани на душтата на една нација. Затоа по мене е голема грешка што се уште не сте членка и што сега ве одвојуваат од една друга држава која ја форсиараат забразно кон тоа“, рече Орбан.
Заклучи дека до крајот на годината, Северна Македонија мора да почне преговори за членство во ЕУ.
Македонија
Oрбан: Историска грешка е што преговорите на Северна Македонија со ЕУ се’ уште не се започнати
Унгарскиот премиер, Виктор Орбан, кој престојува во дводневна посета на земјата оцени дека е историска грешка што Брисел се’ уште не ги почнал преговорите со Северна Македонија, додека тоа го направи со Албанија.
„Народите и државите од Западен Балкан заслужуваат многу повеќе од она што го добиваат од Брисел. Северна Македоија е кандидат за членство во ЕУ од 2005 заедно со Хрватска. Од тогаш Хрватите се веќе членки, а со Северна Македонија не се почнати ни преговорите. Тоа е историска грешка, која уште може да се удвои бидејќи државата ќе биде ставена зад Албанија за што не гледам никакви причини. Предизвик за Владата ќе биде да се бори со овој нечесен став“, рече Орбан на заедничката прес-конференција со премиерот, Христијан Мицкоски.
Дополнително, унгарскиот премиер истакна оти позицијата на Унгарија е јасна, а тоа е дека е важна стабилноста на Западен Балкан и интеграциите на кои предолго се чека. Орбан вели дека со зачленување се напредува, но ЕУ во меѓувреме ја загубила динамиката и мора да го обезбеди проширувањето.
„Украина и Молдавија добија забрзани постапки за членство. Мораме да внимаваме на политичкиот фактор, но и да ги почитуваме државите кои долги години работат на тоа, а сега се ставени во втор план, што не е чесно. Сметаме дека е многу важно да се одржи на дневен ред членството на Западен Балкан во ЕУ. Подготвени сме за меѓувладини конференции“, рече Орбан.
Се осврна и на пријателството помеѓу двете држави, коментирајќи дека ова е негова 18 средба со премиерот Мицкоски кој доаѓа од братска партија, но двајцата не ги мешаат партиските и државните работи. Рече и дека сега се прославува 30-годишнината од воспоставувањето на дипломатските односи меѓу двете држави.
„И двата народи имаат долги историски традиции, цело време е каратреристична борбата за зачувување на националниот интерес и слободата. Важно е да ги зачуваме идеалите и националнната гордост, што е најважно за една нација“, рече Орбан.
Унгарскиот премиер потсети на помошта што ни ја испрати летово Унгарија во борбата со пожарите, но и се заблагодари за помошта на Македонија од 2015 година во однос на миграциската криза, кога Унгарија, според зборовите на Орбан, станала свесна за клучното значење што го има Северна Македонија за безбедноста на унгарската држава.
Премиерот Христијан Мицкоски ја оцени посетата на Орбан како доказ за одличните пријателски односи и соработката кои се продлабочуваат со секој изминат ден.
„Унгарија секогаш не поддржувала и во напорите за нашата европска интеграција. Пријателството продолжува да се зацврстува. Унгарија беше еден од нашите први партнери кои ги препозна нашите стремежи за независност и суверенитет. Со години политичките и економските врски се прдлабочуваат, а средбите го потврдуваат нашето сојузништво“, рече Мицкоски.
Двајцата разговарале за регионалната стабилност и економскиот просперитет, конкретни проекти за бизниси. Дискутирале за стретешки проекти, како север-југ, транспортниот коридор којшто го поврзува Балканот со Унгарија кој е огромно значење за енергетската сигурност на целиот регион.
Мицкоски му се заблагодари на Орбан за поддршката и пријателството, оценувајќи дека посетата ќе придонесе за уште посилно партнерство и можности за соработка, во интерес на граѓаните.
Македонија
Митева: Филипче, Заев и Ковачевски свесно ја втурнаа Македонија во црно сценарио – да биде оставена сама на Балканот и неинтегрирана
„Бујар Османи, Маричиќ, Заев, Ковачевски и Филипче треба да се засрамат за ова што и го направија на Македонија и е рамно на велепредавство ставањето на Македонија во подредена ситуација. Заев, Ковачевски и Филипче свесно ја втурнаа Македонија во црно сценарио, да бидеме оставени сама на Балканот и неитегрирани“, вели Марија Митева, портпарол и пратеник на ВМРО-ДПМНЕ.
„Ова е дело на една подолг процес и посеопфатна стратегија за чиј интерес работеа сите кои не и мислат добро на државата, посебно вматрешниот фактор кој е уценет и фатен во корупција. Заев и Филипче прво лажеа дека Македонија ги почнала преговорите. Сите ја паметат сликата на Заев од владиниот авион, со која се манипулираше и се создаде привид, за само после неколку часа да се види дека немаме датум, ниту почеток на преговори. Што велеше Филипче – Премиерот Зоран Заев во изминатите три години донесе низа тешки, но целосно исправни одлуки со кои ја обезбедивме иднината за нашата земја. Тоа што тој и тимот го постигнаа во сите досегашни преговори, како и напредокот кој го направивме во ЕУ интеграциите се за најголема почит. Ова го кажа Филипче за Заев во ноември 2020 година. Кога самиот Венко Филипче мислеше или сакаше ние да мислиме дека Заев не внел во ЕУ“, посочува Митева.
Како што додава, во целиот овој период Македонија тонеше во криминал и корупција.
„Од ситуација да бидеме пред Албанија, истата не стигна и бевме ставени во ист кош. Целта на Заев, Османи, Филипче беше исполнета. Целта на СДС и ДУИ не завршува тука, следна цел им беше Албанија да се одвои од нас и да оди напред, а Македонија да остане заглавена. За да можат да градст криминал и корупција наместо европски вредности. Нивните погрешни политики придонесоа ова да се случи, да биде реалност. И денес, кој ликува на одлуката Албанија да се одвои од пакетот со Македонија и да ги започне преговорите? Само СДС и ДУИ можеме да ги видиме како бараат политички виновници и се апстрахираат од одговорност. За ова виновни се СДС и ДУИ. Виновни се затоа што 7 години ја потонаа државата во корупција и криминал. Додека зборуваа за Европа не донесоа до ситуација да имаме судство со доверба од само 2%, раст на БДП по глава на жител за период од 2017 до 2023 година дупло помал од земјите од регионот, здравство кое колабира, образование во кое немаше учебници“, тврди Митева и истакнува:
„ВМРО-ДПМНЕ верува и ќе работи исклучиво врз вистински вредности и во интерес на македонските граѓани и покрај сите опструкции ќе продолжиме да работиме силно за целосна трансформација на државата“.