Македонија
Европскиот фронт ги достави листите за пратеници; Адеми: Победници сме на изборите на 24 април и 8 мај

На денешната прес-конференција потпретседателот на ДУИ, Арбер Адеми, заедно со претставниците на сите партии кои се дел од коалицијата „Европски фронт“ ги презентираа листите со кандидати за пратеници за сите шест изборни единици.
„Денеска, на мое огромно задоволство, како никогаш досега, Ве информирам дека Европскиот фронт синоќа до Државната изборна комисија ги достави носителите на изборните листи и сите 120 кандидати за пратеници на Фронтот „ДА на Европа, НЕ на Русија“ во шесте изборни единици во Северна Македонија.
На изборите на 24-ти април и 8- ми мај, Европскиот фронт ќе се натпреварува за секој глас на секој граѓанин, без разлика на етничката припадност“, рече Адеми.
„Во Првата изборна единица носител на листата ќе биде г-дин Блерим Беџети, додека по него следуваат: Илир Хасани, Хатиџе Топали, Наим Бајрами, Мунир Колашинац, Бесарта Алија, Шевал Нуредин, Имран Велија, Дренуше Граждани Шурлани, Фарук Авдиу,
Во Втората изборна единица носител на листа ќе биде г-дин Садула Дураку, по него следуваат: Скендер Реџепи Зејд, Дијана Тоска, Елми Азири, Бастри Бајрами, Фатима Османовска, Берат Ајдари, Висар Дурак, Зирафете Сламнику, Фадил Муртезани,
Во Третата изборна единица носител на листа ќе биде г-дин Сулејман Баки,
Во Четвртата изборна единица носител на листа ќе биде г-дин Енвер Хусеин,
Во Петтата изборна единица носител на листа ќе биде г-дин Зиадин Села, по него следуваат: Муса Џафери, Арбана Пашоли, Исмаил Јахоски, Фехми Скендер, Премтиме Зулали Делиај, Мевмед Халили, Арјета Ала, Ален Деаровски, Јетмир Ајредини.
Шестата изборна единица ќе ја предводи главниот креатор на “Европскиот фронт”, г-дин Али Ахмети, следен од првиот премиер Албанец г-дин Талат Џафери, а потоа следуваат: Илире Даути, Мендух Тачи, Рина Ајдари, Бејџан Илјас, Илир Демири, Салих Мурат, Фатмире Исаку, Мерита Мустафаи, Ајранит Хоџа, Арта Билали Зендели, Атнан Незири, Емир Сулејмани, Артина Ќазими, Шпреса Лутфија. Џемиле Салији, Валон Асани, Валдет Џафери и Фатон Ахмети“, изјави Адеми.
„Европскиот фронт силно ја поддржа Програмата и заедничката кауза – најбрза можна интеграција на Република Северна Македонија во Европската Унија и спречување на руските политики и влијанија во земјата и пошироко.
Уставните измени, евроинтеграциите, добрососедството, бескомпромисната борба против организираниот криминал и корупција, економскиот рамковен договор, се клучните зборови на заедничката програма.
Силно, веруваме дека „Европскиот фронт“ со нашите кандидати ќе ја постигне следната изборна победа – најдубедлива што е забележана досега или накратко кажано – плус 20 пратеници.
Покажавме дека оваа држава може многу добро да ја води, дури и подобро да ја менаџира еден Албанец. Тоа го докажа претседателот на Собранието, и актуелен премиер на Северна Македонија, г-дин Талат Џафери.
Тоа се докажа со извонредната дипломатија на државата. Во времето кога со Министерството за надворешни работи раководи д-р Бујар Османи. Тоа ќе се случи и по 8-ми мај, кога претседател на државата ќе биде д-р Бујар Османи.
Во наредниот мандат не очекува многу работа. Кандидатите за пратеници на Европскиот фронт се личности кои докажаа дека со љубов, посветеност и со голема одговорност ги извршуваат своите, задачи, обврски и водат грижа за граѓаните и државата.
За крај, ги повикуваме сите граѓани на државата, без разлика на нивната етничка припадност да го поддржат Европскиот фронт и идниот претседател, д-р Бујар Османи.
Да ја поддржиме каузата „ДА на Европа, НЕ на Русија“, која донесе длабоки промени во земјата – полноправно членство во НАТО, економски развој и подобар живот за сите нас. Нека биде успешен нашиот прогресивен пат“, изјави потпретседателот на ДУИ, Арбер Адеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Фетаи до ДУИ: Лагата има кратки нозе, прво гласаа за измените во уредувањето на државната администрација , па потоа ја клеветат владата

Заменик-претседателот на Владата задолжен за политики за добро управување, Арбен Фетаи, денеска реагираше во врска со дистанцирањето на Демократската унија за интеграција (ДУИ) од измените на Законот за организација на органите на државната управа, измени кои, како што вели, токму пратениците на оваа партија ги изгласаа на 10 јуни 2024 година.
Фетаи истакна дека ДУИ, во текот на 22 години владеење, ги измамила граѓаните правејќи стотици штетни компромиси на грбот на Албанците, молчела за политички монтирани случаи и не побарала правда за неразјаснетите убиства на поранешни борци на ОНА.
„И денес, како опозиција, се однесуваат исто: прво гласаат со својата рака за измените во уредувањето на државната администрација, а потоа ја напаѓаат владата за наводно ‘укинување’ на Инспекторатот за употреба на јазиците“, напиша Фетаи на својот Фејсбук-профил.
Тој потсетува дека Собранието го усвои Законот за изменување и дополнување на Законот за организација и работа на органите на државната управа со 88 гласа „за“, 22 „против“ и ниту еден воздржан, пред да биде избрана новата влада. Според него, измените не се однесуваат само на Инспекторатот за употреба на јазиците, туку на сите инспекторати, „им се одзема статусот на правно лице и се систематизираат под надлежните министерства, според појасен и поефикасен модел на отчетност и координација“.
„Денес, кога бучните од ДУИ пролеваат крокодилски солзи, ги повикуваме да побараат одговорност од своите пратеници – почнувајќи од претседателот па натаму,“ заклучува Фетаи, додавајќи дека лагата има кратки нозе.
Македонија
Началникот на Генералштабот на Армијата на меѓународниот саем DEFEA 25 во Грција

Началникот на Генералштабот на Армијата, генерал-мајор Сашко Лафчиски, ја предводи армиската делегација на Меѓународниот саем за одбрана и вооружување DEFEA 25, кој се одржува во Атина во период од 5 до 7 мај, на покана на началникот на Националната одбрана на Република Грција, генерал Димитриос Хупис.
За време на посетата на саемот, Лафчиски и останатите членови на армиската делегација, имаа можност да погледнат дел од најновите достигнувања на полето на воена опрема и вооружување.
Посетата на саемот е дел од активностите на Генералштабот на кои се согледуваат можностите за модернизација на опремата со нови платформи, согласно потребите и приоритетите за развој на капацитетите и способностите на Армијата.
Во рамки на посетата, геЛафчиски оствари срeдба со началникот на Националната одбрана на Република Грција, генералот Хупис на која беше изразено уверување за продолжување на континуираната меѓуармиска соработка, особено во доменот на воената едукација, обука на специјалните сили, учество на вежби и меѓународни операции, како и за процесот на стандардизација во НАТО.
Лафчиски во оваа прилика изрази искрена благодарност за несебичната помош од страна на Република Грција, која веднаш ги понуди своите специјализирани капацитети за лицата на кои итно им беше потребен висококвалитетен медицински третман по пожарот кој се случи во Кочани. „Тоа претставува вистински одраз на солидарност и пријателство меѓу две соседски земји“, рече генералот Лафчиски.
На саемот DEFEA 25, кој се реализира под покровителство на грчкото Министерство за национална одбрана, 436 изложувачи од 37 земји прикажаа дел од најновата и најсофистицирана воена опрема за потребите на конвенционални, поморски, воздухопловни, национални и сајбер безбедносни одбранбени системи.
Македонија
Владата донесе одлука за помош на млади и младински организации, одобрени и измените на ЗЕЛС за подобро функционирање на општините

Денес Владата ја одржа 77-та седница на која беа донесени неколку значајни одлуки во интерес на граѓаните, соопшти владината прес-служба.
На седницата беше разгледана информацијата за носење на Предлог-програма за финансиска поддршка на проекти од областа на младите на младинските организации, организациите за млади и младински чадор организации за 2025 година преку министерството за социјална политика, демографија и млади.
Преку Министерството ќе се дадат грантови за проекти од областа на младите, на младинските организации во износ не поголема од 300.000 денари.
Проектите и апликациите треба да се насочени кон следните приоритетни цели и тоа: зајакнување на влијанието на младите во сите процеси на донесување одлуки на локално и национално ниво врз основа на соодветна правна рамка;
препознавање на младинската работа како клучна алатка за помагање на позитивниот личен и социјален развој на младите;
оспособување на младите со знаења и вештини за медиумска и дигитална писменост кои препознаваат дезинформации и ги артикулираат сопствените интереси и ставови како активни граѓани во општеството со развиена критичка свест;
зголемување на свеста и имплементација на мерки за намалување на врсничко насилство, родово базирано насилство, сајбер безбедност и дигитална хигиена во рамките на образовните институции и
креирање на иновативни решенија за намалување на невработеноста на младите и промоција на мерки за самовработување и претприемништво.
Се со цел да се запази транспарентноста, ќе се објави јавен повик при што претставници од министерството и Генералниот секретаријат ќе ги разгледуваат апликациите и проектите, додека пак распределба на средствата ќе се врши согласно правилник за распределба, информираат од Владата.
Исто така, Владата го одобри предлог Законот за изменување и дополнување на Законот за локална самоуправа. По одобрувањето од страна на Собранието, како што појаснуваат надлежните, овие измени ќе донесат значителни подобрувања во функционирањето на општините, зголемување на транспарентноста, граѓанското учество и административната ефикасност.