Македонија
Единствена Македонија остана без струја – Бачев тврди дека не е поради сметки, туку поради ставот дека ЕВН треба да е во државна сопственост

Претседателот на Единствена Македонија, Јанко Бачев, тврди дека ЕВН незаконски им ја исклучиле струјата во партиското седиште.
Бачев уверува дека партијата нема ниту една неплатена сметка кон ЕВН.
„Според нашите сознанија, ние сме исклучени поради нашата партиска определба која постојано ја промовираме во јавноста дека доколку Единствена Македонија биде дел од народната власт после наредните избори, ЕВН ќе биде вратена во сопственост на државата. Во меѓусебните дописи со ЕВН, известени сме дека сме исклучени наводно за некаков долг за камата од 3.100 денари. Меѓутоа, тоа е само параван, во нашата преписка јасно им кажуваме дека доколку има таков долг уште утре да отидат на извршител и да го наплатат“, вели Бачев.
Партијата смета дека во сопственост на државата треба да бидат вратени и Телеком и Топлификација, бидејќи се од стратешки интерес на државата.
„ЕВН претера. Оваа банда империјалистичка од Австрија мора да биде запрена. Домашните јаничари кои што ја помагаат и вршат грабеж врз граѓаните, сега видовме дека ЕВН почна да се пресметува и со домашни политички партии што е скандалозно и незамисливо“, вели Бачев.
Додаде дека доколку Единствена Македонија биде дел од народната власт на наредните избори, ќе го исполнат ветеното и ЕВН повторно ќе биде вратена во државна сопственост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„СДС и Филипче да одговорат дали Заев на поранешен премиер на Бугарија му понудил продажба на македонска телевизија и прислушкувани материјали“, прашува ВМРО-ДПМНЕ

„СДС лидерот го менува, но навиките не. Прислушкуваните материјали и купопродажбата на имоти, како и на државните интереси, продолжуваат да му бидат навика и на Венко Филипче, како на неговиот претходник и ментор, Зоран Заев. Затоа го прашуваме Филипче да каже дали Зоран Заев му понудил стик со прислушкувани материјали на поранешен бугарски премиер, како и една шема за купување на две големи фирми, од кои едната била телевизија“, прашува ВМРО-ДПМНЕ
„Венко Филипче да не молчи, туку да одговори што содржел стикот со прислушкувани материјали, кое неговиот, ментор Зоран Заев го дал на поранешен премиер на Бугарија, која сега ги злоупотребува механизмите на членка во ЕУ за да ја блокира државата.
Освен за стикот, СДС и Филипче, исто така, треба да кажат дали и зошто Зоран Заев понудил шема за купување на две големи фирми во Македонија од страна на фирми од Бугарија блиски до тој поранешен премиер и дали една од тие фирми е една голема телевизија, преку која требало да се врши бугарска пропаганда во државата?
Оттука произлегува уште едно прашање, на кое СДС и Филипче должат одговор, дали ова е подарокот кој Заев го дал во замена за логистичка и финансиска поддршка од Бугарија би им ја давала на партија и сега и во иднина и дали зад кампањата на СДС стои тој поранешен бугарски премиер со кој Заев е во контакт?
Од се ова можеме да видиме дека Венко Филипче не е ништи друго, освен алатка за реализација на планот на Заев и неговата таканаречена резолуција е само продолжеток на тој план за потчинување на државата во однос на Бугарија.
Овој нивен план е откриен, Филипче и неговиот ментор и гуру се фатени на дело.
Нивните планови нема да успеат, затоа што на претстојните избори народот жестоко ќе ги казни и со заокружување на број 9 ќе го направат вистинскиот избор, за твојот човек, за твоето место, за твојата иднина“, соопшти ВМРО-ДПМНЕ.
Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)