Македонија
Една година СДСМ- една година чемер и јад, обвинува опозицијата
![](https://makfax.com.mk/wp-content/uploads/2018/05/otcet-vlada.jpg)
Една година СДСМ, една година чемер и јад. Животот што го ветуваа за граѓаните се претвори во беда. Една година лаги и манипулации. Нема 500 евра просечна плата, нема 100 000 денари плата за лекарите, нема 12 000 денари социјална помош, нема поголеми пензии, нема ништо ни од најавените 600 километри нов автопат и 550 километри магистрални патишта, нема бесплатно болничко лекување, исто како што нема и 15% поврат на ДДВ. СДСМ сè што вети излажа, се вели во соопштението на ВМРО-ДПМНЕ.
Според партијата, Зоран Заев и криминалниот картел кој го води ги излажаа граѓаните пред избори, ветуваа брда и долини, мерки и проекти. Ништо од тоа не остварија. Една година државата бележи само стагнација, како на економски така и на општествен план.
„0% раст на БДП во услови кога цела Европа бележи рапиден напредок, 45% помалку издадени градежни дозволи во март оваа година во споредба со март лани, 300 милиони евра нов долг за првите три месеци од 2018 година, заробена држава, политизирани институции и судство под контрола на власта, ова е сликата за Република Македонија по една година од владеењето на СДСМ. Државата е на дното на Европа на индексот на корупција на Транспаренси во друштво со земји од третиот свет, корупцијата цвета, а тоа го нотираат и видни земји членки на ЕУ. Додека криминалот царува заробената држава ги штити криминалците и наместо за граѓаните работи за потребите на картелот.
Безнадежноста, криминалот и корупцијата не смеат да продолжат да бидат наше секојдневие. Овој криминален картел мора да си замине. Република Македонија и граѓаните заслужуваат подобро. ВМРО-ДПМНЕ ги повикува сите граѓани, кои сакаат Република Македонија да зачекори на вистинскиот пат на 2 јуни во 20 часот пред Владата да кажат НЕ на оваа недемократска и ненародна власт“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Мицкоски од Вашингтон: Ќе оствариме средби со државници, со бизнисмени и со дијаспората, а ќе најавиме и нова инвестиција
![](https://makfax.com.mk/wp-content/uploads/2024/07/Screenshot-2024-07-07-174622.jpg)
Премиерот Христијан Мицкоски попладнево преку видео-обраќање најави дел од своите активности во рамки на официјалната посета на САД.
„Следниве неколку дена во Вашингтон и во Њујорк ќе престојува владина делегација која што ќе ја предводам јас, а во нејзин составен дел се и министрите за надворешни работи, внатрешни работи и одбрана. Ќе бидеме дел од настанот кој што ќе прославува 75 години од постоењето на НАТО алијансата.
Она кое што сакам исто така да го потенцирам се големиот број билатерални средби кои што ќе ги имам заедно со државници на земји кои што се членки на НАТО алијансата, во деновите кои што следат, но исто така во деновите кои следат ќе имам средби со бизнис заедницата овде во САД, каде што ќе ги презентирам потенцијалите кои што ги нуди Македонија за инвестирање.
Ќе најавам уште една нова странска инвестиција на компанија која што е дел од листата на најголемите 500-тини компании овде во САД, нови десетици милиони евра инвестиција и нови работни места за македонските граѓани.
Тоа е она кое што преставува основен приоритет на новата влада во Македонија. Би сакал исто така да напоменам дека последните денови во Њујорк ќе ги искористам за средба со македонската дијаспора, македонските исселеници.
Би сакал од нив да слушнам што е она што тие го очекуваат од новата влада и нормално, што е она што новата влада ќе го понуди за да можат нашите исселеници да се вратат дома, во нивната татковина, таму да инвестираат и практично да ги избегнат сите оние пречки кои што беа изминатиот период со кои тие се соочуваа при своето доаѓање назад во својата татковина.
Уште еднаш да се заблагодарам на македонската јавност што не следи изминатиот период и да ја охрабрам дека доаѓаат нови убави моменти за македонските граѓани. Ние на најдостоинствен начин, како што ни прилега, ќе ги претставуваме интересите на граѓаните и државата овде во Вашингтон , а потоа и во Њујорк“, рече премиерот Мицкоски.
Македонија
(Видео) Пожар се шири на ридот меѓу Горно Коњари и Миладиновци
![](https://makfax.com.mk/wp-content/uploads/2024/07/Screenshot-2024-07-07-160041.jpg)
Пожар се шири на ридот меѓу Горно Коњари и Миладиновци, информира ЦУК.
„Од 112 во Центар за Управување со Кризи до Сектор за операции и кординација е добиена пријава во врска со пожар кој се шири на ридот меѓу Горно Коњари и Миладиновци.Според информација добиена од БППЗ Скопје се работи за депонијата кон село Миладиновци.Нема информација за штети или дали истиот постои опасност да ги зафати и околните објекти“, велат од ЦУК.
Повеќе од 1 час огнот се гасне од страна на екипи од БППЗ Скопје…
Македонија
Силен земјотрес во Македонија!
![](https://makfax.com.mk/wp-content/uploads/2023/08/ohrid-2.jpg)
Земјотрес со јачина од 3,5 степени според Рихтеровата скала ја погоди Македонија, јавува ЕМСЦ.
Земјотресот се случил во 14 часот и 7 минути, на 15 километри од Охрид, на длабочина од 10 километри.
Засега нема информации за повредени или материјална штета.
Граѓаните на веб-страницата на ЕМСЦ пишуваат дека земјотресот траел кратко, но дека го почувствувале.
„Како некој да ми го затресе каучот“, „Кратко, но моќно“, „Тоа траеше кратко, но се чувствуваше“, се само дел од коментарите на граѓаните.
🔔#Earthquake (#земјотрес) M3.5 occurred 15 km S of #Ohrid (Republic of North Macedonia) 3 min ago (local time 14:07:56). More info at:
📱https://t.co/IbUfG7TFOL
🌐https://t.co/SmcV3yEYJc
🖥https://t.co/FmO253z6S4 pic.twitter.com/aHfinCzY3q— EMSC (@LastQuake) July 7, 2024