Македонија
ЕСЕ: И натаму е мал опфатот на жени во Програмата за скрининг на рак на грлото на матката
Од Здружението за еманципација, солидарност и еднаквост на жените (ЕСЕ), по повод Светскиот ден за борба против карциномите, 4 Февруари, алармираат дека и натаму е мал годишниот опфат на жени вклучени во скринингот за карцином на грлото на матката.
„Министерството за здравство секоја година усвојува и спроведува Програма за скрининг на карцином на грлото на матката, преку која жените на возраст од 24 до 60 години треба да направат бесплатен ПАП-тест на секои три години“, информираат од ЕСЕ додавајќи дека скрининг-програмата се смета за успешна доколку со неа се опфатат најмалку 75 отсто од жените на дадената возраст.
Сепак, од таму истакнуваат дека во 2018 година преку Програмата за скрининг на преглед биле поканети 52.577 жени (9,6 отсто од целната популација), а ПАП-тест направиле 43.103 жени (7,9 отсто од целната популација).
Според нив, уште позагриживачка е програмата за 2020 година за која Министерството издвојува 7.670.000 денари и планира да опфати само 21.000 жени.
„Загрижува податокот што буџетот за Програмата за 2020 година е 2,4 милиона денари помал од буџетот за Програмата за 2018 година (кога изнесувал 10.080.000 денари). Со ваквиот начин на планирање Министерството обезбедува средства за опфат на 11 отсто од целната популација“, се наведува во извештајот на Здружението за еманципација, солидарност и еднаквост на жените.
Од таму нагласуваат дека за да се зголеми опфатот на жените со Програмата за скрининг, Министерството за здравство треба да обезбеди 54.383.186 денари на годишно ниво за да овозможи опфат на 80 отсто од жените на возраст од 24 до 60 години.
„Дополнителен проблем е недоволниот број матични гинеколози, односно недостигаат 158 матични гинеколози во примарната здравствена заштита. Исто така, сите матични гинеколози не се вклучени во спроведувањето на Програмата за скрининг. За да се зголеми опфатот на жените, потребно е во процесот на земање ПАП-брис да се вклучат и други здравствени установи, како што се општите и клиничките болници, како и специјалистите по семејна медицина во примарната здравствена заштита“, стои во извештајот на ЕСЕ, во кој се нагласува и дека во однос на оваа проблематика недостига меѓусебна координација меѓу Министерството за здравство и Фондот.
Според податоците, во РС Македонија во периодот од 2012 до 2018 година од карцином на грлото на матката умреле 269 жени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гаши на средба со Ердоган: разменети мислења за унапредување на соработката и за актуелните случувања во регионот и пошироко
Претседателот на Собранието на Република Северна Македонија, Африм Гаши, во придружба на пратениците: Бејџан Иљас, претседател на пратеничката група за соработка со Парламентот на Република Туркије, Никола Мицевски, Оливер Спасовски, Мерита Колчи Коџаџуку и Беким Сали, од 2 до 5 октомври 2024 година претстојува во официјалната посета на Република Туркије, на покана од Нуман Куртулмуш, претседател на Големото национално собрание на Туркије, известуваат од кабинетот на Гаши.
Во рамките на посетата, претседателот на Собранието на Република Северна Македонија, Африм Гаши, оствари средба со претседателот на Република Туркије,Реџеп Тајип Ердоган, на која присуствуваше и претседателот на големото национално собрание на Туркије, Нуман Куртулшуш, како и претседателите на парламентарните групи за соработка и пријателство од двете собранија, пратениците Бејџан Илјаз и Ахмет Килич.
На средбата беа разменети мислења за унапредување на одличната соработка меѓу Република Северна Македонија и Република Туркије, за состојбите во двете држави и за актуелните случувања во регионот и пошироко.
Гаши оствари средба и со министерот за надворешни работи Хакан Фидан, по што се одржа и заедничка средба со пратениците членови на Делегацијата.
Гаши истакната дека средбата претставува можност Република Северна Македонија и Република Туркије да ја зајакнат долгогодишнатаактивна и успешна соработка. Тој оцени дека неодамнешната посета на министерот Фидан на Република Северна Македонија, како и неговата посета на Туркије, се потврда за високото ниво на билатерални односи меѓу двете традиционално пријателски земји и НАТО-сојузници.
Гаши нагласи дека високо ја вреднуваме успешната соработка со Република Туркије во сите полиња и изрази голема благодарност до Туркије, која од самиот почеток беше принципиелен подржувач на нашето членство во НАТО.
Министерот Хакан Фидан ја потврди безрезервната поддршка на Туркије за Северна Македонија на сите полиња и се осврна на потребата за интензивирање на соработката во полето на економијата, реафирмирајќи ја заложбата за зголемување на трговската размена меѓу двете земји.
На средбата беше нагласено значењето на меѓупарламентарната соработка и парламентарната дипломатија за билатералните и мултилатералните односи, во однос на унапредувањето на политичкиот дијалог и зголемувањето на динамиката на севкупната соработка меѓу земјите.
Гаши и пратениците остварија средба и со Ерол Озвар, претседател на Советот за високо образование на Туркије и членови на Советот. На средбата, високата собраниска делегација беше информирана за активностите на ова тело во насока на стратешко планирање на високото образование, координација меѓу универзитетите и воспоставување и одржување механизми за обезбедување квалитетно високо образование. Стана збор и за можностите за унапредување на соработката меѓу Република Северна Македонија и Република Туркије на полето на високото образование, соопшти кабинетот на Гаши.
Македонија
(Видео) ЦУК: Гасењето на пожарот во скопски Чаир се одвива отежнато, се вклучува и специјално противпожарно возило на Армијата
Гасењето на пожарот во скопски Чаир се одвива отежнато поради големата количина на чад и високата температура во подрумите во кои била складирана поголема количина на запаливи материјали, информираат од Центарот за управување со кризи.
Дополнително како помош на скопските пожарникари ќе пристигне специјално противпожарно возило на Армијата, појаснуваат од центарот.
„БППЗ на Град Скопје од 01.50 часот гасне запален магацин на неутврдена површина на ул. „Прохор Пчински“ во Скопје. Интервенцијата ја извршува со 7 возила и 20 пожарникари. На лице место освен единици од БППЗ кои го гасат пожарот се и полиција и Итна медицинска помош. Според утринскиот службен извештај од БППЗ, еден пожарникар бил однесен на токсикологија поради големо количество вдишан чад (Општина Чаир)“, соопшти ЦУК.
Македонија
Ахмети не сака да влезе во Влада: Не сме резервна гума
Првиот човек на ДУИ, Али Ахмети, денеска на конференцијата „100 дена скандали, понижувања и неуспеси“, изјави дека Европскиот фронт не е заинтересиран да стане дел од Владата, бидејќи, како што додаде, тие не се резервна гума.
Ахмети рече дека Европскиот фронт е легитимен претставник на Албанците и помалите етнички заедници, додавајќи дека ВЛЕН не победи на изборите.
„Ние сме легитимните претставници на Албанците, тие не победија на изборите“, рече првиот човек на ДУИ, Али Ахмети.