Македонија
Жерновски: Од национализам преминивме кон интернационализам
Во министерството за надворешни работи, заменик-министерот за надворешни работи, Андреј Жерновски, се сретна со делегација на Одборот за европски работи при Саборот на Република Хрватска, предводена од претседателот на Одборот, Домагој Милошевиќ, кои од вторникот престојуваат во официјална посета на земјава.
На средбата беа реафирмирани одличните и пријателски билатерални односи меѓу двете држави како темел за натамошна успешна соработка во сите сфери од заемен интерес.
„Жерновски упати благодарност за силната и безрезервна поддршка од Република Хрватска за евро-атлантските интегративни процеси на Република Северна Македонија. Во тој контекст од негова страна беше нагласено дека нашата земја постигна суштински напредок како на домашен така и на надворешен план и дека очекува земјите членки на ЕУ да го земат во предвид исклучителниот степен на исполнување на обврските и нашата целосна подготвеност за почеток на преговорите да биде валоризирана со определување конкретен датум на следните самити на Советот на ЕУ“, соопштија од МНР.
„За кус период успеавме од национализам да преминеме кон интернационализам“, истакнал Жерновски на средбата, при што оценил дека Република Северна Македонија направи голем исчекор кон стратешките цели за ЕУ и НАТО-интеграцијата.
Соговорниците од Хрватска изразиле силна поддршка за интегративните процеси на Република Северна Македонија, за што, како што се вели во соопштението, говори и упатеното писмо од нивна страна до претседателот на Европскиот совет, Доналд Туск, како и до премиерката на Романија, Виорика Данчила, земја претседавач со Советот на ЕУ, во кое од европските лидери се бара неодложна одлука за определување датум за преговори за РСМ на престојниот јунски самит.
„Таквата конкретна одлука ќе значи признавање на остварениот напредок, реализиран во комплексен политички контекст, ќе биде од интерес на сите семји од Југоисточна Европа, а ќе придонесе и за стабилноста не само на регионот туку и на цела Европа“, се наведува во писмото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.