Македонија
Заврши ли хаосот на лажни македонски вести и портали без име и легитимитет?
Македонските портали, особено информативните што имаат тенденција да ги градат професионалните стандарди, се соочуваат со хаос на интернет-просторот, а тој хаос заедно со нив го делат и читателите. Секој се претставува себеси за информативен портал, објавува што ќе му падне в рака без да се знае кој е автор на тие информации, колку може да им се верува на информациите и, најпосле, без одговорност за објавеното. Сето тоа на крајот оди на штета на посетителите на информативните портали кои се доведени во состојба на збунетост и се жртви на лажни информации, анонимни пресметки на политичка, бизнис или лична основа. Штета се нанесува и на сериозните и одговорни информативни портали затоа што кај посетителите и јавноста се создава привид дека информирањето е без кредибилитет и дека сите се исти. Но, не се сите исти.
Во Македонија постојат барем 20-тина сериозни информативни портали кои според својата техничка, визуелна и содржинска поставеност се во рангот на најдобрите во регионот, и во најголема мера редовно ги следат европските стандарди. И тоа треба да се издвои од хаосот, јасно да се покаже и обележи, а потоа читателот да ги даде својот суд и поддршка кому сака од нив.
За таа цел се формира работна група при асоцијација ИАБ Македонија (составена од дигитални медиуми и маркетинг-агенции), која почна со создавање норми за дефинирање на професионалноста, мерливоста, легалноста и одговорноста кај македонските информативни портали. За почеток составен е и усвоен саморегулирачки етички кодекс кој дефинира структура на одговорен и професионален информативен портал и негов однос кон другите портали и кон јавноста.
– Информативен портал треба да има своја редакција, уредник и импресум, кој ќе биде објавен на самиот портал, со што информативниот портал се легитимира себеси пред јавноста.
– Порталот треба да има одговорност кон авторството, односно да објавува свои информации, а за преземните информации да има дозвола од изворот што се наведува во самиот преземен текст.
– Порталот има обврска да се воздржува и да не објавува содржини кои поттикнуваат насилства, содржат говор на омраза и атак врз достоинството и приватноста на граѓаните.
– Порталот кој ги прифаќа правилата на саморегулацијата според асоцијата ИАБ Македонија треба да има јасно означен белег на својот статус во ИАБ Македонија на самиот сајт, со посебно лого (знак) кое покажува дека информативниот портал е дел од правилата и односите кои на читателот му гарантираат веродостојност, професионалност и одговорност. Со ова, и визуелно, читателот да може да ја забележи разликата помеѓу информативните портали кои се дел од хаосот, и оние другите, кои следат и почитуваат професионални стандарди и водат грижа за својата публика и јавноста. Се претпоставува дека во периодот што следи ќе се издвојат сериозните портали од оние што крадат содржини и пласираат лажни вести.
– Мерливост. Цел на секој медиум, па така и на информативните портали, е да има своја публика која според своите обем и структура ќе го оправда постоењето и работењето на информативниот портал, а кај маректинг-агенциите ќе обезбеди статус на огласувач кој според својот углед и професионалните стандарди ќе биде соодветно место кое респективно ќе служи на функцијата на огласувачот, и ќе ја оправда довербата да биде преносител на огласните пораки согласно со европските професионални, етички и технички стандарди.
За лиценцираните информативни портали кои ги исполнуваат стандардите и ги прифаќаат условите за саморегулација обезбеден е кредибилен систем на мерливост на објавите.
Имено, системот кој има доверба од лиценцираните информативни портали и од маркетинг-агенциите ќе покажува читаност на лиценцираните информативни портали, структура на нивната публика, како и карактер на интерес кон одредени теми и области. Ова овозможува самостојните огласувачи, како и маркетинг-агенциите, во секое време да имаат кредибилна информација за тоа каде и кога е најдобро за нив да креираат и реализираат свои рекламни кампањи. За лиценцираните портали тоа обезбедува подобар пристап кон огласувачите и доверба од страна на огласувачот, маркетинг-агенцијата и од самата публика.
Со ова, по неколку години подготовки, Асоцијацијата за интерактивно огласување ИАБ Македонија го направи потребниот чекор за саморегулација кој обезбедува авторитет за информативните интернет-портали, професионалност и нивна одговорност, а од друга страна се обезбедува доверба од публиката, како и од огласувачите и маркетинг-агенциите.
Наскоро, и јавноста што користи ваков вид информирање ќе може да ги препознае професионалните од другите информативни портали, како според нивната содржина и однесување, така и според лиценцираноста на портали при асоцијацијата ИАБ Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Паркинг ќе се плаќа без пораки, јавен превоз без картички, музеј и жичарница без редици, Ѓорѓиевски претстави нова паметна картичка за Скопје
Актуелниот градоначалник на Кисела Вода и кандидат за градоначалник на Скопје, Орце Ѓорѓиевски, презентираше нова картичка со која сите услуги што ги нуди градот ќе бидат достапни на едно место. Проектот „Скопје сити гоу- паметна картична“ е наменет пред се на младите со цел Скопје да стане вистински модерен европски град што ќе нуди едноставни, практични и паметни решенија за сите граѓани.
„Ова е еден од проектите со кој особено се гордеам, Скопје сити гоу – паметна картичка со која сите услуги што ги нуди Градот ќе бидат достапни на едно место. Наместо десетици различни карти, апликации и плаќања, секој граѓанин ќе има една унифицирана и дигитална алатка. Јавен превоз – едноставен пристап без редици, готовина и посебни картички. За младите ова значи повеќе мобилност и слобода. Паркинг без пораки, автомати и губење време. Брзо и практично решение преку самата картичка. Културни и забавни содржини – музеите, кината, театрите, жичарата и зоолошката градина ќе бидат достапни преку едно средство“, најави Ѓорѓиевски.
Картичката „Скопје сити гоу“ Ѓорѓиевски вели дека ќе биде симбол и на социјална еднаквост.
„Средношколците, семејствата со ниски примања, пензионерите, невработените и лицата со попреченост ќе ја добијат бесплатно. За нив, услугите ќе бидат бесплатни или со драстично намалени цени. Никој нема да биде изоставен“, вели градонаалникот Ѓорѓиевски.
Картичката тој очекува да има вредност и надвор од јавниот сектор, одноно општествено одговорни компании ќе овозможат преку неа дополнителни услуги и поволности.
Предвидено е „Скопје сити гоу“ да биде достапна и како мобилна апликација, но и како физичка картичка за оние кои ја преферираат класичната форма, а секој, без разлика на возраста и технолошките навики, ќе може лесно да ја користи.
„Ова е визија за поинакво Скопје, град кој им штеди време и пари на своите жители, кој се грижи за младите и за ранливите категории, и кој ја користи технологијата за да им служи на луѓето. Со ’Скопје сити гоу’ започнуваме ново поглавје – модерно, дигитално и европско Скопје“, рече Ѓорѓиевски.
Македонија
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска со пожарот што избувна во Трубарево, а за кои од судија на претходна постапка вечерва ќе побара определување мерка краткотраен 48-часовен притвор за обезбедување докази.
Станува збор за 56-годишен управител и сопственик на две фирми, 22-годишна управителка на трето правно лице, 42-годишен раководител на подружница и 59-годишен вработен во правно лице. Воедно се испитува потенцијалната одговорност и на други лица.
Во текот на денот јавниот обвинител издаде повеќе наредби за прибирање докази, по кои сè уште постапуваат надлежните органи. Се очекуваат и резултатите од мерењата на загадувањето што ги спроведува Министерството за животна средина.
Македонија
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на Дирекцијата за заштита и спасување, Стојанче Ангелов.
Како што истакна, врз песочната покривка се фрла специјална пена со цел целосно сопирање на чадењето и спречување на повторна појава на пожар.
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
(Видео) Командантот на пожарникарите раскажа како се гаснел пожарот во Трубарево – на помош добиле хемиска пена, па стигнал и песокот
Скопските пожарникари во изминатите два дена интервенирале со целокупниот капацитет при големиот пожар во магацините за пластичен и електронски отпад...
„Ова ќе продолжи“ – Според Мицкоски зад пожарите стојат центри на моќ од земјата и од надвор
Премиерот Христијан Мицкоски денеска изјави дека пожарите кои во изминатиот период избувнуваат низ државата, меѓу кои и вчерашниот во магацинот...
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
Денес ќе бидат објавени резултатите од мерењата на воздухот, кажа Меџити прашан кога ќе се знае што дише населението
Министерот за животна средина и вицепремиер, Изет Меџити, на прес-конференција во Владата информира дека за следење на состојбата со воздухот...
Обвинителство чешла документи, Армијата мери токсини по пожарот во Трубарево, се чека и на резултатите од министерството на Меџити
Во врска со големиот пожар што зафати магацински објекти во селото Трубарево, Основното јавно обвинителство Скопје соопшти дека презеле дејствија...
МВР трага по лице кое се обидело да запали „ауди“ и „јагуар“ во Куманово, ги испрскало возилата со бензин, но кога го виделе побегнал
Маж од Долно Којнаре, кумановско, пријавил дека во неговиот двор едно лице со бензин ги испрскало возилата „јагуар” и „ауди”...
(Видео) Се’ уште чади во Трубарево преку песокот со којшто е затрупан отпадот, спречено е ширење на пожарот
Благодарение на брзата и координирана акција на скопските пожарникари, спречено е ширење на големиот пожар што вчера избувна во Трубарево,...
Како ќе реагира Европа на ултиматумот на Трамп
Американскиот претседател Доналд Трамп упати ултиматум до сојузниците во НАТО, барајќи воведување „големи“ санкции кон Русија и целосен прекин на...
Меџити доцна синоќа се огласи за Трубарево: фирмата има дозвола за работа, резултатите од мерењата се очекуваат
Министерот за животна средина и просторно планирање, Изет Меџити, доцна синоќа се јави од Трубарево, каде што вчера избувна голем...
Тошковски: Жителите во непосредна близина на пожарот да ги напуштат живеалиштата поради штетните супстанци, радијација нема
Локализиран е пожарот кој избувна во складиштето за електроника во Трубарево, пришто опожарена е и пластика. Министерот Панче Тошковски вечерва...
Движењето „Стоп за Вардариште“ во понеделник наутро ќе го блокира мостот „Близнаци“
Движењето „Стоп за Вардариште“ ја информира јавноста дека на ден 15.09.2025, понеделник, покрај протестот во 18:00 часот, ќе се одржи...
Електронскиот отпад што гори во Трубарево ќе се гасне со песок
Електронскиот отпад што гори во Трубарево ќе се гасне со песок, информира директорот на Дирекцијата за заштита и спасување, Стојанче...
ИЈЗ објави препораки: Ако сте во непосредна близина на пожар останете дома и затворете ги прозорците
Институтот за јавно здравје, во насока на заштита на здравјето и благосостојбата на сите граѓани, соопшти дека во случај да...
Опасен отпад гори во Трубарево, нема насоки од властите за заштита од чадот
Во Трубарево горат електронски отпад и пластика, во делови од главниот град се чувствува силна миризба, а засега нема предупредувања...
Во Трубарево гори и пластичен отпад, Ангелов рече дека пожарот е подметнат и нема повредени лица
Директорот на Дирекцијата за заштита и спасување, Стојанче Ангелов, изјави дека големиот пожар кој денеска избувна во фабриката „Ф –...
(Видео) Драматични снимки од пожарот во Трубарево кадешто горат објекти за складирање на електронски отпад
Сериозен е пожарот што избувна во Трубарево и ги зафати објектите на Ф – ГРУПАЦИЈАТА која се занимава со електронски отпад....
