Македонија
Заев во официјална посета на Црна Гора

Претседателот на Владата, Зоран Заев, денеска и утре, ќе престојува во официјална посета на Црна Гора и ќе предводи делегација на Владата, која во главниот град Подгорица заедно со владата на Црна Гора ќе ја одржи првата заедничка седница меѓу владите на двете земји.
За време на дводневната посета на Црна Гора, заедно со владината делегација ќе престојува и поголема делегација стопанственици, членови на стопанските комори на Република Северна Македонија, кои заедно со своите колеги од Црна Гора ќе се сретнат и ќе разговараат за соработка во рамките на бизнис-форумот што го организираат двете земји.
Премиерот Заев, кој ја предводи делегацијата во која се и Радмила Шекеринска-Јанковска, заменикот на претседателот на Владата и министер за одбрана, Оливер Спасовски, заменикот на претседателот на Владата и министер за внатрешни работи, Кочо Анѓушев, заменикот на претседателот на Владата задолжен за економски прашања, Љупчо Николовски, министер за земјоделство, шумарство и водостопанство, Венко Филипче, министер за здравство, Горан Сугарески, министер за транспорт и врски, Садула Дураку, министер за животна средина и просторно планирање, и Андреј Жерновски, заменик-министер за надворешни работи, ќе има билатерална средба со својот колега, претседателот на владата на Црна Гора, Душко Марковиќ, а ќе биде примен и од претседателот на Црна Гора, Мило Ѓукановиќ, и од претседателот на Собранието на Црна Гора, Иван Брајовиќ.
Министрите во владите на двете земји ќе имаат и одделни работни средби со своите колеги, министрите на соодветните министерства во владата на Црна Гора, по што, утре ќе следува и заедничката владина седница.
На седницата се очекува да бидат разгледани повеќе информации од интерес за двете земји за развивање и продлабочување на идната соработка и ќе бидат потпишани повеќе договори и меморандуми за соработка од областа на внатрешните работи, од заштитата на животната средина и од здравството.
На заедничката владина седница ќе му претходи бизнис-форумот, кој ќе го поздрават и отворат премиерите Заев и Марковиќ, како и претседателите на Стопанската комора на Црна Гора и на Северна Македонија, Властимир Голубовиќ и Бранко Азески, по што ќе следува работниот дел од форумот, на кој стопанствениците на двете земји ќе разговараат за перспективите за заедничка соработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.