Македонија
Заев и Вучиќ го најавија проектот за заедничко гранично управување One Stop Shop
Премиерот Зоран Заев и претседателот на Република Србија, Александар Вучиќ се сретнаа на граничниот премин Табановце Прешево и најавија почеток на имплементација на проектот за заедничко гранично управување One Stop Shop.
Тие во своите обраќања пред медиумуте истакнаа дека со реализацијата на овој проект се отвараат перспективите за зголемување на економската соработка и трговска размена преку овозможување на побрз проток на луѓе, капитал и стоки помеѓу двете земји.
„Дозволете да го изразам моето задоволство што во присуство на претседателот на Република Србија, Александар Вучиќ имаме можност да најавиме еден значаен проект за граѓаните на двете земји, но верувам и за граѓаните на целиот овој регион. Тоа е концептот на заеднички гранични контроли со едно застанување, или т.н One Stop Shop концепт. Македонија ја има честа да го отвори првиот на нашиот најпрометен граничен премин со Република Србија“, порача Заев.
Тој изрази благодарност до Светска Банка за поддршката што ја пружа во реализацијата на овој значаен проект за кој рече дека ќе овозможува на едно место, во исто време на заедничка локација преку едно застанување, граѓаните, превозните средства и стоките побрзо да поминуваат на граничниот премин Табановце Прешево. Премиерот Заев соопшти дека овој проект престатвува дел од заедничката економска агенда на земјите од Западен Балкан.
„Навистина ми е драго што Шенген механизмите ги воведуваме овде и ја носиме Европа овде на Балканот. Драго ми е што ова претставува само уште еден пример на големото пријателство помеѓу Македонија и Србија, кое секогаш е докажано. Денеска имаме прилика да го потврдиме тоа големо пријателство за коешто знам дека ќе расте во периодот што доаѓа“, истакна Заев.
Тој посочи дека постои волја од страна на двете земји да се отворат и нови гранични премини на кои веќе работат владите и најави дека следува потпишување на билатерални договори на заедничката владина седница помеѓу институциите на двете земји за да се започне со употреба на овој систем.

Во одговор на новинарско прашање премиерот Заев рече дека институциите на двете земји ќе негуваат целосна меѓусебна доверба во реализација на овој проект. „Податоците од Светска Банка кажуваат дека на Балканскиот Полуостров се губи една милијарда долари годишно заради чекање на граничните премини. Транаспортните средства а посебно камионите, 80 проценти од своето време го поминуваат во чекање на границите, а само 20 проценти на автопатите. Сите овие податоци ни укажуваа дека треба брзо да делуваме и да им помогнеме да стопанствениците и трговската размена бидејќи тоа е нашата функција да бидеме од корист на граѓаните и стопанството“, додаде Заев.
За актуелните преговори на релација Приштина Белград премиерот Заев рече дека на заеднички ручек ќе се информира од Претседателот Вучиќ за одредени текови и она што е преокупација на пријателска Република Србија.
„Македонија поддржува позитивно решение за Косово. Решение коешто ќе ја унапреди благосостојбата и на Србите и на Албанците и на сите други граѓани кои живеат на Косово. Решение коешто ќе ја гарантира и безбедноста, и мирот, и просперитетот и на Србија, и на Косово и на целиот овој наш регион. Значајно е сите лидери овде на регионот да бидат обединети околу заедничките цели, а тоа се траен мир, регионална соработка, економски развој и членство во Европската Унија“, рече Заев во одговор на новинарско прашање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утре, во утринските часови наместа со појава на магла, во текот на денот сончево со умерена облачност
Утре во утринските часови наместа ќе има појава на магла, а во текот на денот сончево со умерена облачност и претежно тивко. Во северозападните делови повремено ќе има зголемена облачност со услови за слаб дожд.
Минималната температура ќе биде во интервал од -4 до 1, а максималната ќе достигне од 8 до 13 степени.
Во Скопје, претпладне во делови од котлината ќе има појава на магла. Во текот на денот времето ќе биде умерено до значително облачно и претежно тивко.
Минималната температура ќе се спушти до -4, а максималната ќе достигне до 8 степени.
Во наредните денови продолжува периодот на стабилно и претежно тивко време. Во утринските и ноќните часови по одделни котлини ќе има појава на магла.
Македонија
ВМРО-ДПМНЕ: Милионските криминали во Државна лотарија се случувале под покровителство на СДС и ДУИ
Милионските криминали во Државна лотарија кои што ги направија Прпарим Бајрами и Артан Груби, а беа одобрени од СДС денес излегуваат на виделина, истакнуваат од ВМРО-ДПМНЕ.
Овие криминали што денес извештајот на Државниот завод за ревизија ги утврди, како што појаснуваат, се случувале токму во времето на СДС и ДУИ.
„Бегалецот Прпарим Бајрами партнерот во криминал на бегалецот Артан Груби ја злоупотребил службената положба во износ од близу 2 милиони евра, пари на граѓаните, се додека СДС и Филипче молчеа и им го овозможуваа овој криминал.
На сите ни е јасно за каков криминален круг станува збор и зошто Бајрами и Груби се во бегство и зошто толку ги заштитуваше судството и обвинителството бирано од Зајас и Муртино“.
Според ВМРО-ДПМНЕ сега кога веќе Коцевски не е државен јавен обвинител и нема кој да ги заштити, СДС во страв и паника, додаваат од партијата на власт, отвораат теми како мигранти, шират лажни вести, хистерија и паника меѓу граѓаните.
„Воедно го повикуваме т.н “антикорупцискиот тим“ на СДС да го истражи и овој коруптивен случај, наместо да молчи пред фактите“.
Македонија
СДСМ: Резолуцијата не беше предадена во Собранието затоа што ДПМНЕ не сакаше да прифати да се разговара, тие се закануваа со тужби
Резолуцијата на СДСМ не беше предадена во Собранието затоа што ДПМНЕ не сакаше да прифати ниту да се разговара, ниту да се поднесе.
Наместо да разговараме тие се закануваа со тужби, велат од СДСМ.
„Не сакаа да се отвори дискусија во македонското Собрание, меѓу претставниците на народот – пратениците на кои граѓаните им дале мандат да ги застапуваат пред највисокиот орган на државата.
Наместо тоа, прво предложија темата да се префрли на општините, кои немаат никаква надлежност за вакво национално прашање. Не сакаа јавна расправа затоа што немаат аргументи против вистината.
Од самиот почеток бевме транспарентни и конструктивни“.
Граѓаните, додаваат од опозициската партија, ја видоа нашата Резолуција, јавно ја објавивме и со денови повикувавме заеднички да ја поднесеме и да ја потпишеме.
„Токму тоа им пречеше. Нашиот последен обид беше денес во Собранието.
Не ни дозволија да зборуваме за нашата предлог-Резолуција, премиерот и министрите побегнаа од пратеничките прашања, побеганаа од вистината и од дебата за Резолуцијата.
Поради тоа, во знак на протест, нашите пратеници ја напуштија седницата. Нема да учествуваме во предавството.
СДСМ нема да им биде прекривка за најголемото предавство на Македонија, пари за мигранти.
Нека си ја потпишат предавничката политика сами, заедно со колаборантите од ЗНАМ – за пари.
Со денови зборуваме за ова. Цел ден дефокус со вести, што јасно го покажавме преку нашата акција „Разоткривање“. Прават сè само за да ја сокријат вистината.
А вистината е следна: не сакаат да ја потпишат Резолуцијата, сакаат своја контра-резолуција. На граѓаните сега им е кристално јасно зошто“.
Имаме избори, истакнуваат од СДСМ и како што велат, имаме мигранти за пари.
„Почитувани граѓани, сите сите вие сега сте сведоци на предавството на Македонија, мигранти за пари.
Заедо ќе се бориме“.

