Пред три дена во Скопје ЗОО почина младо мајмунче од видот Гибон за кој според нашите сознанија по извршениот паталошкиот наод се појавува повторно оваа инфекција туберколоза од истиот тип како и кај ламите кои починаа пред месец и половина, изјави Стефан Кирков, советник во Советот на Град Скопје од ВМРО-ДПМНЕ.

„Пред скоро месец и половина починаа три лами од една ноазна болест туберколоза а кај останати две исто така се детектира оваа болест која знае да е пренослива од животно на животно од човек на човек и сето тоа замислете проба да се сокрие од јавноста, но по допред глас од мене и по моја пријава во Агенцијата за храна и ветерина сето тоа беше набрзина откриено и обелоденото со опомена за установата и казни за директорот . Пред само 3 дена во Скопје ЗОО почина и младо мајмунче од видот Гибон за кој според нашите сознанија по извршениот паталошкиот наод се појавува повторно оваа инфекција туберколоза од истиот тип како и кај ламите. Од тука се прашуваме, колку животни погинаа од оваа болест и епидемија која очигледно ја има во Скопската Зоолошка градина, уште колку животни се болни и дали сето ова преставува голема опасност за посетителите но и за вработените во оваа установа?“, праша Кирков.

Тој апелира институциите да направат координативно тело и да се направи целосен преглед во оваа установа, доколку е потребно и времено да се затвори се додека не се осигура дека сите животни се здрави и додека безбедноста во оваа установа за посетителите и вработените е загарантирана.

„Како советник во Градот Скопје размислувам да иницирам барање за свикување на вонредна седница на Советот на Град Скопје со една единствена точка на дневниот ред а тоа ќе биде ситуацијата со епидемијата во Скопска Зоолошка Градина но и барање одговорност од менаџментот, седница на која ќе побарам од службите на градот да се обебеди присуство конечно на директорот на оваа установа како и на градоначалничката Данела Арсовска како негов претпоставен. Како советник во Градот побарав информации од јавен карактер од оваа установа за што бројката на погинати животни го добив одговорот дека изнесува некаде 30тина за три ипол години, но според моите информации, информациите кои јас ги имам овие бројки се навистина и дупло повеќе. Сето ова на седница на Советот јавно ќе го обелоденам, детално прецизно како би јавноста имала увид се што се случува во оваа установа наречена Зоолошка градина“, рече Кирков.

Дивата депонија Вардардиште пак гори и ги труе скопјани. Еколошка бомба, закана за над 150.000 граѓани од Аеродром, Гази Баба, Кисела Вода но и за цело Скопје. Четири години неспособната локална власт на ДПМНЕ не успева да реши една дива депонија што шири зараза и смрт. Ова е врв на неработење, негрижа и криминална рамнодушност, изјави Каја Шукова, кандидатка за градоначалничка на Град Скопје.

Таа вели дека СДСМ има конкретно и издржано решение за Вардариште.

„Итно оградување и заштита на просторот на Вардариште, со пристап само за комунална хигиена. 24-часовно физичко обезбедување за превенција од палење на отпадот.
На подолг рок: изградба на нова претоварна станица по сите европски стандарди и воведување систем за управување со отпадот. Од собирање до селекција и финално депонирање во Дрисла“, рече Шукова.

Таа додаде дека советничката група на СДСМ ќе бараме итно свикување на седница на советот на Град Скопје за Вардариште.

„Не може советот да биде на страна а скопјани да се гушат, тоа е недозволиво. Мора службите на градот да добијат задача за итно надминување на проблемот со горење на отпадот во Вардариште“, рече Шукова.

Министерството за социјална политика, демографија и млади информира дека денеска започна исплатата на правата од социјална, детска и цивилна заштита за месец август 2025 година.

Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 05 Септември 2025 година.

Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:

05.09.2025– А, Б, В, Г, Д, Ѓ, Е, Ж, З, Ѕ; И, Ј, К, Л, Љ

09.09.2025– М, Н, Њ, О; П, Р С, Т, Ќ, У, Ф, Х, Ц, Ч, Џ, Ш