Македонија
Заев на одмор во Охрид и Грција, Шекеринска во Скандинавија, Царовска во Турција
 
																								
												
												
											Премиерот Зоран Заев со семејството ќе замине на одмор по празникот 2 Август, Илинден, во Охрид и во Грција, министерката за одбрана, Радмила Шекеринска, ќе одмора во Скандинавија, министерката за труд и социјална политика, Мила Царовска, во Турција, а вицепремиерот Кочо Анѓушев во Грција.
Во соопштение од Владата се наведува дека повеќемина членови на Владата дел од годишниот одмор ќе го искористат во првите десеттина дена од август. Најголемиот дел од оние кои се одлучиле каде ќе летуваат ги избрале Охрид, Грција, Турција и Албанија.
Вицепремиерот и министер за внатрешни работи, Оливер Спасовски, нема одлучено дали ќе оди и каде би одел.
Вицепремиерот задолжен за европски прашања, Бујар Османи, планира својот годишен одмор да го реализира од 2 до 10 август, а за своја дестинација оваа година ја одбра Албанија.
Министерот за информатичко општество и администрација, Дамјан Манчевски, на почеток на август ќе замине на одмор во Италија, а надвор од земјата дел од својот годишен одмор ќе искористи министерот за образование и наука, Арбeр Адеми, како и министерот за култура, Хусни Исмаили, кој ќе помине неколку дена во Албанија и неколку дена во Охрид.
Министерот за локална самоуправа, Горан Милевски, нема да оди на годишен одмор, а министерот за животна средина и просторно планирање ќе замине во Грција во периодот од 9 до 18 август.
Во првата половина на август на одмор ќе замине министерот без ресор задолжен за комуникации, отчетност и транспарентност, Роберт Поповски, како и министерот без ресор задолжен за дијаспора, Едмонд Адеми, кој оваа година ќе замине на 7 дена во Грција.
Заменик-претседателот и министер за политички систем и односи меѓу заедниците, Садула Дураки, сѐ уште го нема соопштено својот план за годишниот одмор. Министерот за надворешни работи, Никола Димитров, до сега нема одлучено дали и каде ќе оди на годишен одмор, исто како и министерот за здравство, Венко Филипче.
Министерката за правда, Рената Дескоска, одреден период од својот летен одмор ќе помине во Охрид, но засега без определени датуми поради претстојните разговори за Законот за Јавно обвинителство.
Министерот за транспорт и врски, Горан Сугарески, ќе замине на еднонеделен одмор од 4 до 11 август, но до сега без одлука каде.
И министерот за економија, Крешник Бектеши, дел од одморот ќе искористи во првата половина од месец август. Со семејството сè уште немаат направено избор за својата дестинација.
Првата половина од месец август е планот за одмор и за министерот за земјоделство, шумарство и водостопанство, исто така, без определена дестинација.
Министер без ресор задолжен за имплементација на Стратегијата за подобрување на состојбата на Ромите, Музафер Бајрам, дел од годишниот одмор на почетокот на август ќе го помине во некоја од земјите од регионот.
Министерката без ресор задолжена за странски инвестиции, Зорица Апостолска, заминува исто така на кус одмор на почетокот на август, сега засега без одлука каде, додека министерот без ресор задолжен за странски инвестиции, Елвин Хасан, ќе летува во Турција од 31 јули.
Министерот без ресор задолжен за странски инвестиции, Бардул Даути, ќе замине на годишен одмор во Албанија на 1 септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
Мециновиќ: По првиот круг системот прокрваре – во вториот круг може да го добие конечниот удар, ако ние тоа го преточиме во одлука
 
														,,По првиот круг системот прокрваре. Во вториот круг може да го добие конечниот удар. Нормално, ако ние тоа го направиме, ако го преточиме во одлука. И сметам дека времето на одлуката е дојдено, затоа што мислам дека ни е на сите доста од вакви удбашки, бизнисменски, одвратни приказни кои ги живееме триесет и пет години. Системот е на нозе. Сега Скопје на нас е оставено”, порачува кандидатот за градоначалник од партијата Левица за Град Скопје, Амар Мециновиќ.
„Ова е класна борба. Класна борба кога имаш две спротивставени страни кои се потполно различни. Една која е наоружана со сите капацитети на државата и друга која сака да се ослободи од тие притисоци“, потенцира Мециновиќ.
Тој додава дека „во оваа кампања ги видовме сите можни лични напади, фабрикации, измислици, притисоци кои можевме да ги замислиме“.
„И зошто мислите дека за прв пат се случува вакво нешто во кампања? Тоа е затоа што за првпат после триесет и пет години им го оспоруваме статус-квото“, појаснува тој.
Македонија
Од почетокот на седмицата уапсени 12 лица за безобзирно управување на возило, вкупно 2.382 сообраќајни прекршоци
 
														Во периодот од 27 до 30 октомври како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ земјава, од вкупно 2.382 издадени платни налози, 443 прекршоци се однесуваат на возачи кои не ја почитувале пропишаната брзина на движење, извести МВР.
„Лишени од слобода за безобзирно управување на возило согласно член 297-а од Кривичниот законик се 12 лица сите за возење под дејство на алкохол.
Понатаму, според статистичкиот преглед од полициските активности, евидентирани се 733 прекршоци за неправилно паркирање, 306 мерки се изречени за возачи што управувале возило без возачка дозвола, како и 32 санкции за возење под дејство на алкохол.
Од друга страна пак, согласно одредбите од Законот за безбедност на сообраќајот на патиштата санкционирани биле 19 возачи на мотоцикли за неносење заштитен шлем, а санкционирани се и 14 пешаци. Исто така санкционирани се 174 учесници во сообраќајот кои што не користеле сигурносен појас. Согласно Законот за возила, 81 возило било отстрането од сообраќај заради тоа што биле нерегистрирани, а 43 заради техничка неисправност. Санкционирани се и 18 возачи поради неисполнување на пропишаните услови во однос на затемнувањето на стаклата на возилата (фолии)“, соопшти МВР.
Од таму додаваат дека сообраќајните контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи.
Македонија
Луксузен хотел во центарот на Скопје крадел струја: Електродистрибуција пронајде нелегални кабли
 
														Откриена голема кражба на електрична енергија во центарот на Скопје. Хотел со четири ѕвезди на улицата „Луј Пастер“ бил нелегално приклучен на електромрежата, објави Електродистрибуција на социјалните мрежи.

„При техничка контрола во станбена зграда која граничи со хотел на улицата „Луј Пастер”, нашите екипи пронајдоа три нелегални и изгорени кабли како последица на преголема оптовареност.
Каблите веднаш беа исклучени бидејќи претставуваа директна и огромна општа опасност од настанување на пожар. За време на дополнителна контрола се утвди дека хотелот повторно бил приклучен на еден од нелегалните кабли.
Екипите беа попречени во вршењето на должноста при влезот во хотелскиот објект.
Случајот е документиран и за истиот е поднесена Пријава за нелегално приклучување на мрежа и предизвикување на општа опасност од пожар до Министерството за внатрешни работи“, се додава во објавата од Електродистрибуција.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											