Македонија
Заев од Пехчево: Убеден сум дека референдумот во Македонија ќе успее
![](https://makfax.com.mk/wp-content/uploads/2018/09/заев.jpg)
Како дел од караванот на коалицијата „Заедно за европска Македонија“ премиерот Зоран Заев денеска беше во посета на Пехчево. „Убеден сум дека референдумот во Македонија ќе успее, но сакам бројките да бидат државнички, онака како што личи на зрел, свесен народ, за својата земја и за иднината на својата земја“, рече премиерот и претседател на СДСМ, Зоран Заев пред граѓаните на Пехчево.
Заев пред жителите на Пехчево кажа дека како што Блаже Конески рекол: Нашиот јазик е татковината, така и понатаму македонскиот јазик секогаш ќе биде македонски, македонскиот идентитет секогаш ќе биде македонски.
„Убеден сум дека нашиот народ ќе ја препознае оваа шанса којашто е непропустлива, историска шанса. Да ја зграпчи, за да обезбедиме перспективи за децата. Јас ве уверувам дека сите ќе бидеме горди како што сме денеска горди на независноста на референдумот 91, ќе бидеме горди и овде обезбедувајќи и ја осигурувајќи ја иднината на оваа нашата Македонија
Поважен е од било кои избори. Овде не се работи за СДСМ, за ВМРО, за албански партии, за македонски. Не. Ова не се избори. Ова е нешто за коешто секој граѓанин, родољубец, што си ја сака татковината и што се декларира како искрен патриот е должен да излезе и да гласа. Има право да гласа секој како сака, но секој е должен да излезе, да гласа“, потенцираше Заев.
Градоначалникот на Пехчево, Драган Тренчовски, пак, пред своите сограѓани истакна дека овој град е фокусиран на иднината, на европска Македонија, бидејќи Пехчево тргна напред и може многу посилно да се развива како дел од глобалните сојузи на ЕУ и НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
ЦУК: Активни се пет пожари
![](https://makfax.com.mk/wp-content/uploads/2024/08/shumski-pozar-EPA.jpg)
Во текот на денешниот ден, до 20 часот, имало вкупно 16 пожари на отворен простор, од кои активни се пет, еден е под контрола, а изгаснати се 10, известуваат од Центарот за управување со кризи.
Активни пожари има во општината Чашка, на планина Мукос, кај селото Степанци и местото викано Кадиица на граница помеѓу општина Чашка и општина Долнени и жариште Ореов Дол према Кадиица каде што гори мешана шума;
Во Долнени, село Десово – село Дреновци префрлен од село Степанци, општина Чашка;
Општина Штип: помеѓу селата Едеклерци и Хаџи-Хамзали (гори нискостеблеста шума и сува трева);
Општина Студеничани: село Љубош – село Горно Количани кај каменолом Вртекица (кадешто гори ниска вегетација);
Општина Гази Баба: Смилковско Езеро (гори ѓубре и сува трева).
Под контрола е пожарот во општина Студеничани, над селото Црвена Вода, местото викано Крста каде што гори ниска вегетација и нискостеблеста шума.
Во текот на денешниот ден, како што информираат од ЦУК изгаснати се десет пожари.
Македонија
Попов: Младите се во фокус на делувањето на Владата, очигледна е разликата за само 60 дена
![](https://makfax.com.mk/wp-content/uploads/2024/08/Screenshot-2024-08-29-203409.jpg)
На денешната Трибина за млади, во организација на Унијата на млади сили на ВМРО-ДПМНЕ, своe обраќањe имаше претседателот на УМС и пратеник во македонското собрание, Сергеј Попов, кој што истакна дека младите се во фокус на владата и очигледна е разликата за само 60 дена од формирањето на владата.
Во своето обраќање, Попов истакна дека најголемата промена во владеењето и креирањето политики, е самиот факт што ваква трибина за промоција на успешните политики, се организира на само 60 дена од формирањето на новата влада.
Тој додаде дека во Македонија, конечно се гледа промена и е исцртана јасна дистинкција во владеењето на ВМРО-ДПМНЕ и она на СДСМ и ДУИ.
„Изминатите 7 години, власта не ја интересираа младинските прашања и политики, што се гледа според тоа дека пред ребалансот на буџетот, недостасуваа 600 милиони денари наменети токму за проекти за младите. Новата влада и парламентарното мнозинство, успеа да ги обезбеди средства, со што до крајот на оваа година и во континуитет во наредните, студенскиот оброк и стипендиите ќе стигаат навремено, а потоа ќе се преземаат и мерки со кои овие суми ќе бидат и повисоки”, истакна Попов.
Свое обраќање имаше и Стефан Андоновски, министер за дигитална трансформација кој што ги истакна стратешките приоритети на министерството и важноста на младите да бидат вклучени во институциите.
Министерот Андоновски говореше за стратешките приоритети на неговиот ресор, напоменувајќи колкав е предизвикот да се преводи дигиталната трансформација. Објасни за тековните активности на Министерството, како што е надградување на електронски достапните јавни услуги и одблокирање на учеството на Македонија во проектот дигитална Европа. Потенцираше колку е важно младите да се вклучени во институциите и дека нивното присуство претставува клуч за фукнционални институции и најави повторно воведување на пракса во Министерството за дигитализација.
Свое обраќање имаше и министерот за социјална политика, демографија и млади кој што истакна дека младите се во фокусот на владината политика.
Гоќо Велковски, заменик министер за социјална политика, демографија и млади како поранешен член на УМС потенцираше колку е важно и вредно членувањето во УМС во градењето на успешна покитичка кариера. Ја нагласи постоечката демографска криза во Македонија и дека младите се клуч во надминувањето да истата. Го поздрави фактот дека ресорот млади повеќе нема да биде маргинализиран туку прерасна во посебен ресор каде младите ќе бидат на високо место во владината агенда и дека конечно ќе добијат достоинствен третман од државните институции.
На трибината се обрати и Борко Ристовски, министер за спорт кој што ја нагласи важноста за развивањето на училишните спортови во државата на сите нивоа.
Министерот Ристовски се фокусираше на методи за развивање на состојбите во спортот во Македонија. Зборуваше за нови методи за финансирање на клубовите и федерациите како и развивање на училишните спортови во државата на сите нивоа. Објасни како Министерството за спорт е вложено во подобрување на спортската инфрструктура како што се спортските сали, но и фитнес зоните и отворените спортски игралишта. Потенцираше дека тој и Министерството се сојузници на младите и дека ќе работат во интерес на градење на спортска нација.
Скопје
Кирков: Во Зоолошката се угинати 40 егзотични животни, оставка на целото раководство
![](https://makfax.com.mk/wp-content/uploads/2019/04/skopska-zooloska.jpg)
Зоолошката градина за две години прави 100 години постоење и можеби е една од најстарите во Европа. Во последниве две години за време на Арсовска се сменија неколку директори и од најпосетувана, стана место каде угинаа 40 егзотични животни под неразјаснети околности, рече Стефан Кирков, советник во Советот за Град Скопје на денешната седница.
Кирков посочи дека во овој краток период Зоолошката во Скопје стана хорор приказна каде само умираат животни.
„Актуелниот директор бара нови вработувања, а се покажа дека не може да менаџира со оние кои се веќе вработени“, кажа Кирков.
Според Кирков во ваква една ситуација не смее да има нови вработувања кога ни постојните не ги вршат основните работи, односно директорот не знае како да ја изменаџира нивната работа.
„Под ова раководство на Зоолошка не треба да има вработувања, значи во овој мандат под овој менаџмент не смее да има нови вработувања. Наместо вработувања време е раководството да даде отказ, односно оставка од функцијата“, заклучи Кирков.