Македонија
Заев: Промената на имињата на училиштата во Чаир е во согласност со Законот за основното образование
![](https://makfax.com.mk/wp-content/uploads/2019/12/zaev-vlada.png)
По детаљната анализа, правни тимови заклучиле оти промената на имињата на училиштата во Чаир била направена во согласност со членот 26 од Законот за основното образование, пишува претседателот на СДСМ, Зоран Заев, на својот профил на „Фејсбук“.
„Вчера и денеска ги проверивме сите аспекти од постапката на носење на имињата на основните училишта во Чаир. По темелната анализа, правни тимови констатираа и ме информираа дека промената на имињата е во согласност со членот 26 од Законот за основното образование. Кога училишниот одбор донел одлука за измена на Статутот на училиштето, со што се променува името на училиштето и се додава уставното име на државата, таа била потврдена и од страна на Советот на Општина Чаир. Бадентерово мнозинство не било неопходно“, пишува Заев.
Тој во објавата додава и дека одговорноста пред граѓаните подразбира и темелна проверка на фактите и спречување какви било обиди за политичко поентирање врз база на меѓуетничките односи во нашата земја.
„Одговорно е да се водиме од словото на законот, нема и не смее да има простор за ширење национализам и поделби. СДСМ е партија предводник на концептот едно општество за сите, која се води исклучиво од словото на законот“, пишува Заев.
Вчера, на прес-конференција Заев рече дека државните органи треба да ја проверат основаноста на регистрацијата на новите имиња на двете основни училишта бидејќи таа одлука според него е незаконска. Тој вчера рече оти не може таква одлука да биде донесена врз основа на решение од некој училиштен одбор и дека правото треба да го почитуваат сите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Министерот Муцунски во работна посета на Хрватска
![](https://makfax.com.mk/wp-content/uploads/2024/05/mucunski-1.jpg)
Министерот за надворешни работи и надворешна трговија, Тимчо Муцунски, денес (сабота, 29 јуни 2024г.) ќе престојува во работна посета на Република Хрватска, каде што на покана на министерот за надворешни работи на Хрватска, Гордан Грлиќ Радман ќе учествува на Дубровник форум 2024.
Министерот Муцунски ќе има обраќање на панелот „Западен Балкан: Отворање на реформскиот потенцијал”.
На маргините на форумот, министерот ќе оствари и бројни билатерални средби со свои колеги од повеќе земји.
Македонија
Дел од улиците во Аеродром денес ќе бидат затворени поради градежни активности
![](https://makfax.com.mk/wp-content/uploads/2018/09/soobrakjaen-rezim_.png)
Поради изведување градежни активности, денеска изменет режим на сообраќај ќе има во дел од скопската Општина Аеродром.
„На ден 29 јуни (сабота) на ул. ‘Борис Кидрич’ од крстосница со Ул. ‘Симеон Кавракиров’ до крстосница со Бул. ‘Кузман Јосифовски Питу ‘ – Општина Аеродром ќе се изведуваат градежни активности (гребење), па поради тоа ќе има изменет режим на сообраќај на наведените улици, информираат од изведувач на работите, компанијата ‘Гама градба’“.
Македонија
Сончево и потопло со мала до умерена облачност
![](https://makfax.com.mk/wp-content/uploads/2022/08/dojran-2.png)
Времето денеска ќе биде сончево и потопло со мала до умерена облачност. Ќе дува слаб до умерен ветер од северен правец. Минималната температура ќе биде во интервал од 12 до 19, а максималната ќе достигне од 29 до 37 степени. UV=8
Во Скопје сончево и топло со мала до умерена облачност и со слаб до умерен северен ветер. Минималната температура ќе се спушти до 17, а максималната ќе достигне до 34 степена.
Во деновите од викендот и во понеделник времето ќе биде сончево и топло со мала до умерена локална облачност. Дневните температури насекаде ќе бидат над 30 степени.
Во вторник се очекува повторно дестабилизирање на времето со пороен дожд, грмежи и засилен ветер, локално во форма на невреме.