Македонија
Почна изградбата на нова спортска сала во училиштето „Јероним де Рада“ во Черкез
Претседателот на Владата, Зоран Заев, придружуван од заменик-претседателите на Владата, Бујар Османи и Оливер Спасовски, и министрите Арбер Адеми и Садула Дураку, денеска присуствуваше на настан посветен на почнувањето со изградба на нова спортска сала во училиштето „Јероним де Рада“ во населеното место Черкез во општина Куманово.
Домаќин на настанот беше градоначалникот на општина Куманово, Максим Димитриевски, и директорот на училиштето „Јероним де Рада“, Хакик Јахиу.
Пред присутните наставници, ученици и жители на Черкез се обратија премиерот Заев, вицепремиерот Бујар Османи, министерот за образование и наука, Арбер Адеми, и градоначалникот на општина Куманово, Максим Димитриевски.
Заев во своето обраќање посочи дека овој настан покажува дека кога се работи за децата и обезбедување на нивната иднина сите заедно се обединети во оставрувањето на овие цели.
„Изградбата на овој капитален објект е од големо значење за Черкез бидејќи со тоа ќе се овозможат услови за спортување, физичка активност и здрави навики на овие 520 ученици кои посетуваат настава во нашето училиште. Ме радува фактот што учениците и наставниците повеќе нема да одржуваат часови по физичко образование во дворот на училиштето, дури и зимно време, туку, конечно, ќе добијат современа спортска сала од 650 м2 опремена со најмодерни реквизити и справи, каде што младите и децата ќе може да тренираат повеќе спортови, меѓу кои одбојка, кошарка, ракомет, гимнастика. Јас верувам дека во Черкез се крие некој нов млад спортски талент кој ја исчекува својата шанса да биде откриен“, нагласи Заев во своето обраќање.
Вицепремиерот за европски прашања, Бујар Османи, порача дека се отвораат европските перспективи за Македонија, а со тоа на земјата ѝ се ставаат на располагање и повеќе средства од европските фондови за реконструкција и изградба на училиштата во Македонија. Тој потенцира дека оваа можност ќе обезбеди сигурна иднина за идните генерации бидејќи ќе се отвораат нови работни места и ќе се зголемува квалитетот на живеење за граѓаните.
Министерот за образование и наука, Арбер Адеми, зборуваше подетаљно за текот на реализација на проектот за изградба на 145 спортски сали на повеќе локации и училишта во Македонија.
„Салата во училиштето ‘Јероним де Рада’ е дел од изградбата на 145 спортски сали. Ќе биде со површина од 650 м2 и ќе биде опремена со реквизити за речиси сите спортови – кошарка, одбојка, ракомет, гимнастика, атлетика. Секако дека плановите за реконструкција на училиштата и изградба на спортските сали продолжуваат и во иднина. Ова што денес го најавив за реконструкција на училиштата во учебната година 2018/2019, како и оваа спортска сала што набргу ќе биде во служба на спортските активности за учениците на „Јероним де Рада“ е само дел од плановите за регулирање и подобрување на образовниот систем во Македонија“, соопшти министерот Адеми.
Пред присутните се обрати и градоначалникот на општина Куманово, Максим Димитриевски, кој порача дека овој проект е дел од реализацијата на капитални инвестиции во општина Куманово и околните населени места.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дел од Сопиште денеска без струја
Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:
· од 09:00 до 14:00 часот, корисниците од дел од село Долно Соње, од продавнивницата кон село Чифлик, општина Сопиште.
Македонија
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга – Граничен премин Ќафасан, извести АМСМ.
Поради протест на грчките земјоделци, од денес (08.01.2026) со почеток во 10:00 часот на ГП Ники (ГП Меџитлија) ќе има забрана за движење на товарни возила во наредните 48 часа заклучно со 10.01.2026 во 10:00 часот. Сообраќајот за патнички моторни возила ќе се одвива со нормален тек.
Сообраќајот на државните патишта се одвива во зимски услови,по влажни коловози.
Врнежи од снег со променлив интензитет се бележат во Куманово, Страцин, Крушево, Железнец, како и на планинските превои Стража, Буково, Ѓавато и Пресека, но во моментов не преставуваат пречка за одвивање на сообраќајот.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Продор на постуден воздух, температурите ќе бидат во опаѓање
Поради продор на постуден воздух и засилен северен ветер денеска врнежите ќе преминуваат во снег на повисоките и во некои од пониските места. На планините во западните делови ќе се формира нова снежна покривка, а помала покривка се очекува и во пониските места. Минималната температура ќе биде во интервал од -2 до 5, а максималната ќе достигне од 0 до 10 степени.
Во Скопје, променливо облачно со повремен дожд, особено кон крајот на денот и во текот на ноќта. Ќе дува умерен ветер од северен правец. Минималната температура ќе се спушти до 1, а максималната ќе достигне до 5 степени.
Времето во наредните денови
Под влијание на циклонска активност во следните денови времето ќе биде променливо облачно со повремени врнежи од дожд, а на планините од снег. Поради продор на постуден воздух и засилен северен ветер денеска врнежите ќе преминуваат во снег на повисоките и во некои од пониските места.
На планините во западните делови ќе се формира нова снежна покривка, а помала покривка се очекува и во пониските места. Во петок ќе има преодно стабилизирање на времето, а во деновите од викендот, особено во сабота повторно ќе има локални врнежи од дожд и снег, кои наместа ќе бидат пообилни. Температурата ќе биде во опаѓање.

