Македонија
Почна со градба фекалната канализација во населеното место Гоце Делчев

Градоначалникот на општина Гази Баба, Борис Георгиевски, заедно со министерот за внатрешни работи, Оливер Спасовски, присуствуваа на отпочнување на капиталниот проект за изградба на фекална канализација во населеното место Гоце Делчев.
„Покрај ова населено место, ќе ги земеме предвид и барањата на жителите од Чукур Маало, од Трубарево и Дунак Маало од Јурумлери. Целта ни е да се создадат еднакви услови за да можат сите граѓани во овие две населени места да бидат приклучени на фекална канализација, а септичките јами да станат минато и на тој начин да покажеме дека навистина се грижиме за заштита на човечката околина, а со тоа да влијаеме и понатаму затоа што заслужуваат достоен живот. Во моментот работиме на фекална канализација во Трубарево и во Јурумлери. Продолжуваме со исто темпо и во населените места Смилковци и Црешево. Исто така неопходно е да се смени и свеста кај населението, да можат да влијаат на зачувување на животната средина, особено кога имаат вода во домаќинствата а немаат одводни системи. Проекти за нови одводни системи правиме за населените места Идризово и Брњарци, а за Страчинци е веќе целосно подготвен проектот, а за Булачани и за Раштак се при крај. Со ова ќе ја завршиме целата наша обврска за сите 25 населени места да обезбедиме достојни услови за живот на сите граѓани во општина Гази Баба“, рече Георгиевски.
Првата фаза за изградба на фекалната канализација во Гоце Делчев чини 12 милиони денари, средства издвоени од општина Гази Баба, а вкупниот проект ќе изнесува 84 милиони денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Карпош и Сарај денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 13.00 часот, корисниците од ул. Пелистерска 4-1/8. (општина Карпош)
– во периодот од 09.00 до 14.00 часот, корисниците од улиците бр. 3 и бр. 5 како и околните објекти во нивна близина во Сарај.(општина Сарај)
Македонија
Без вода дел од Центар

Од ЈП Водовод и Канализација известуваат дека денеска поради дефект на улицата Димитрие Чуповски бр.10 без вода ќе останат корисниците од улицата Никола Вапцаров лоцирани на потегот од Министерство за правда до Плоштад Македонија, општина Центар.
Водоснабдувањето ќе биде прекинато во периодот од 08.00 часот па се до отстранување на дефектот.
Македонија
Променливо облачно со повремени локални врнежи од дожд

Времето денеска ќе биде променливо облачно со повремени локални врнежи од дожд. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 5 до 11, а максималната ќе достигне од 9 до 16 степени.
Во Скопје, променливо облачно со повремен локален дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 9, а максималната ќе достигне до 13 степени.
Времето во наредните денови
До среда ќе преовладува променливо облачно време со повремени локални врнежи од дожд. Ќе дува умерен до засилен северен ветер (локално над 60 km/h), а температурата ќе се задржи под просекот за овој период од годината. Од четврток времето ќе биде стабилно и суво со пораст на дневната температура.