Македонија
Зголемен ризик од семејно насилство во периодот на вонредна состојба
Поради новонастаната состојба со вирусот Ковид-19, Владата од 11 март донесе дополнителни мерки и препораки за сите граѓани во државата и воведе вонредна состајба во времетраење од 30 дена. Една од главните препораки во насока на спречување на ширењето на вирусот е сите граѓани кои можат, да останат во своите домови.
Националната мрежа против насилство врз жените и семејно насилство ја истакнува својата загриженост во овие моменти поради тоа што домот за многу жени, кои се жртви на семејно насилство и на интимно партнерско насилство, не е сигурно место за живеење. Со овие мерки жените жртви на насилство и нивните деца (доколку ги имаат) се ставаат во многу тешка и во некои случаи и во животозагрозувачка ситуација. Во држава во која е прогласена вонредна состојба децата се дома цел ден, затворени се сите кафулиња, ресторани, кафеани, затворени се спортските обложувачници, како и сите други можности за социјални активности, пријателите се дома со своите семејства, затворени се сите места каде што може да се канализира агресијата и единствено што останува достапно е семејството, сопругата/партнерката, децата, родителите.
„Добро познат факт е дека потребата да се поседува моќ и контрола над другите се едни од основните причини за семејното насилство. Во оваа ситуација, во која сите се чувствуваме повеќе или помалку исплашени поради чувството дека ја губиме контролата над своите животи, насилниците ќе се обидат да ја повратат сопствената контрола преку жртвите. Вонредната состојба не мора да значи зголемување на бројот на случаите на насилство (иако не е исклучено дека може да порасне), но секако значи зголемување на интензитетот на насилството во семејства и врски во кои веќе постоело. Жртвата нема каде да отиде, не може да избега од насилството со одење на работа или кај пријатели и во текот на целиот ден е изложена на насилството.
Вонредната состојба го отежнува пристапот на жртвите до сервиси за помош и заштита. Медицинските установи се борат да одговорат на коронавирусот, здравствените системи се преоптоварени, центрите за социјална работа работат со јавувања, што севкупно земено им го отежнува на жртвите пристапот до заштита, се вели во соопштението.
Тие апелираат до сите надлежните институции – Министерството за труд и социјална политика, Министерството за внатрешни работи и Министерство за здравство независно од моментната состојба, да постапат професионално при пријава на насилство и да ги преземат сите мерки што им се на располагање во насока на заштита на жртвата и нејзините деца (доколу ги има). Сите повици за пријава на семејно насилство треба да бидат третирани како највисок приоритет и да се преземат сите мерки за заштита.
Тие ги охрабруваат сите жени што преживуваат некаква форма на семејно или интимно партнерско насилство да го пријават во институцијата/организацијата во градот во кој живеат.
Скопје
Меѓуопштински центар за социјална работа Скопје
Специјализиран тим за постапување по итни предмети од ранливи категории 076 381 762 и 078 230 943 (работи 24/7)
Служба за брак и семејство и заштита од семејно насилство 075 295 118
Полиција 192
Сервиси за психосоцијална помош и поддршка
Прв семеен центар на Град Скопје, 02/ 3200 007, секој работен ден од 11 до 18 часот
Институт „Алтернатива“, 077 791 100, секој работен ден од 9 – 16 часот
СОС-линија 02/15 315, достапна 24/7
Сервиси за бесплатна правна помош и поддршка
Националната мрежа против насилство врз жени и семејно насилство, 075 255 154, вторник, среда , четврток 9 – 17 часот
Хелсиншкиот комитет , 072 278 436 и 02/ 3119 073, секој работен ден 9 – 14 часот
Здружение на младите правници, 02/3220-870, секој работен ден 8.30 – 16.30 часот
Тетово
Меѓуопштински центар за социјална работа Тетово, Советувалиште за работа со жени жртви на родово базирано/семејно насилство, 078 837 111
Охрид
Меѓуопштински центар за социјална работа Охрид , Центар за жени жртви на родово базирано/семејно насилство, 071 231 032
Советувалиште за жени жртви на родово базирано/семејно насилство, 077 937 916
Штип
Меѓуопштински центар за социјална работа Штип, Советувалиште за работа со жени жртви на родово базирано/семејно насилство 076 475 052
Кризен центар за жени жртви на родово базирано/семејно насилство 24/48 часа, 076 475 050
Куманово
Меѓуопштински центар за социјална работа Куманово, Советувалиште за работа со жени жртви на родово базирано/семејно насилство, 077 993 705
Велес
Меѓуопштински центар за социјална работа Велес, Центар за жени жртви на родово базирано/ семејно насилство 076 340 225
Организација на жени на општина Велес, бесплатна правна помош како и психолошка помош,
070 645 318 и 075 603 348
Кавадарци
Меѓуопштински центар за социјална работа Кавадарци, Советувалиште за работа со жени жртви на родово базирано/семејно насилство, 078 298 015
Прилеп
Меѓуопштински центар за социјална работа Прилеп, Советувалиште за работа со жени жртви на родово базирано/семејно насилство, 075 847 999
Кризен центар за жртви 24/48 часа, 078 289 427
Битола
Меѓуопштински центар за социјална работа Битола, Советувалиште за работа со жени жртви на родово базирано/семејно насилство, 071 397 875
Центар за жени жртви на родово базирано и семејно насилство, 071 397 145
Свети Николе
Меѓуопштински центар за социјална работа Свети Николе, Центар за жени жртви на родово базирано и семејно насилство, 070 210 995 и 032 443 305
Кочани
Меѓуопштински центар за социјална работа Кочани, Центар за жени жртви на родово базирано и семејно насилство, 033 274 141 и 033 274 139
Струмица
Здружение на граѓани Скај плус Струмица, Центар за жени жртви на семејно насилство, 078 453 190
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: Активни пожари кај Дојран, Гази Баба, Македонски Брод и Пелинце
Ситуацијата со пожарите на отворен простор низ земјата и денеска останува активна. Според податоците на Центарот за управување со кризи до 12:15 часот на 13 јули, регистрирани се вкупно 14 пожари, од кои четири се сè уште активни, додека останатите се ставени под контрола, локализирани или изгаснати.
Активни пожари се бележат во четири општини. Пожарот во селото Николич, во општина Дојран, сè уште не е изгаснат и зафаќа нискостеблеста шума. Гори и во Старо Нагоричане, каде што огнот зафати ниска вегетација кај селото Пелинце. Во општина Македонски Брод, пожарот кај с. Девич се проширил на деградирана нискостеблеста шума, сува трева и лисна престилка. Најновиот активен пожар е пријавен во општина Гази Баба во близина на гробиштата на Камник, каде што гори ниска вегетација.
Во меѓувреме, два пожари се локализирани, односно се спречени од понатамошно ширење, шумскиот пожар меѓу селата Горњани и Блаце во Чучер Сандево, како и оној кај с. Џидимирци во општина Велес.
Три пожари се ставени под контрола: на пошироката територија во Македонски Брод, меѓу селата Црешнево, Крапа и Локвица, каде што изгоре деградирана дабова шума и грмушки; во селото Слатино, исто така во Македонски Брод, каде што гореше ниска вегетација; како и кај селото Крушје во Велешко, каде огнот зафатил шума.
Пет пожари се целосно изгаснати. Интервенција била извршена во Гостивар, кај локалниот стадион, каде што горела ниска вегетација. Пожари се изгаснати и во селото Перово кај Ресен, во кругот на фабриката ФЗЦ во Куманово, како и на две локации во Охрид – во селото Оровник и во населбата Далјан, каде што горела ниска вегетација и ѓубре.
Македонија
Петрушевски: Приведени осомничени за подметнување пожари, дел поврзани со опозицијата
Пратеникот на ВМРО-ДПМНЕ, Бране Петрушевски вели дека последните пожари што ја зафатија околината на Скопје, според досегашните информации, не биле резултат на несреќа или случајност, туку дел од намерна и координирана акција.
Тој рече дека Министерството за внатрешни работи пронашло јасни докази за подметнување, дрва натопени во бензин, ракавици и автомобилски гуми на неколку локации каде што избувнале пожари.
„Институциите веќе презедоа конкретни чекори – неколку лица се приведени, а според неофицијални информации, дел од нив се поврзани со опозициски партии, па дури и со функционери на опозицијата“, вели пратеникот.
Според него во јавноста веќе се отвори прашањето, дали целта на овие пожари била создавање хаос во главниот град?
„Она што се случуваше околу Скопје со пожарите не беше случајно. Станува збор за организирана акција од луѓе кои не му мислат добро ниту на Скопје, ниту на Македонија. Благодарение на брзата реакција на институциите, новата механизација и високо мотивираниот кадар, хаосот беше спречен“, изјави Петрушевски.
Тој посочи и на сомнежот за координирана политичка кампања.
„Веднаш по избивањето на пожарите, сведочевме на брзи реакции и соопштенија од страна на СДСМ и нивни блиски медиумски чинители. Се поставува прашањето, дали опозицијата се обиде да ги искористи пожарите за создавање политички наратив?“, праша Петрушевски.
Во моментов, истрагата е во тек, а јавноста очекува официјални детали од страна на МВР и обвинителството. Доколку се потврдат политичките поврзаности, ќе се отвори сериозно прашање за кривична и морална одговорност на вклучените.
Македонија
Митрополитот Георгиј стапи на тронот на Дебарско-кичевската епархија, вети дека ќе служи со љубов и пожртвуваност
Со торжествена Божествена литургија во Соборниот храм на охридските архиепископи „Света Софија“, архимандритот Георгиј денеска беше хиротонисан и устоличен за нов митрополит на Дебарско-кичевската епархија. Чинот го водеше архиепископот охридски и македонски г.г. Стефан, во присуство на бројно свештенство, владици од целата земја, верници и државни функционери.
Новоназначениот митрополит Георгиј, пред членовите на Светиот синод и присутните верници, се завети дека ќе служи со посветеност, според каноните на Светата црква и со најголема послушност кон Божјата волја.
„Се заколнувам со живиот Бог дека секогаш ќе ги имам на ум неговите зборови – проколнат да биде секој што нема да го извршува Божјото дело. Ќе бидам вреден, нема да бидам мрзлив, и сето тоа ќе го правам според мојата совест, без лицемерност, туку со искрена љубов кон Бога и кон ближните“, рече меѓу другото митрополитот Георгиј во својата прва беседа како владика.
Архиепископот г.г. Стефан пак истакна дека овој избор претставува продолжение на духовната традиција на епархијата.
„Сите досегашни охридски светила покажаа дека епископот не е само управител, туку жртва светаденица, сведок на вечната вистина и глас на безгласните. Денес добивме архиереј достоен на своите претци – пастир кој ќе ги понесе добродетелите на оние што го воделе патот пред него“, истакна архиепископот.
Митрополитот Георгиј го презема раководството на Дебарско-кичевската епархија по упокојувањето на митрополитот Тимотеј во ноември минатата година. Неговиот избор дојде по интензивна подготовка, само пред еден и пол месец се замонаши, а потоа беше произведен за јероѓакон, јеромонах и игумен, сè до изборот за митрополит.
Поранешен декан на Богословскиот факултет, Ѓоко Ѓорѓевски – сега митрополит Георгиј – е роден во Скопје во 1968 година. Завршил богословски студии во Скопје, а магистрирал и докторирал на Папскиот универзитет „Грегоријана“ во Рим. Има богато црковно и академско искуство, меѓу другото и како амбасадор на Македонија при Светата Столица. Автор е на повеќе книги и преводи на Светото писмо.
Петрушевски: Приведени осомничени за подметнување пожари, дел поврзани со опозицијата
Пратеникот на ВМРО-ДПМНЕ, Бране Петрушевски вели дека последните пожари што ја зафатија околината на Скопје, според досегашните информации, не биле...
МВР потврдува: Роднината убил две лица, фрлил бомба и пукал кон полицијата, па се самоубил
Тешка трагедија го потресе Прилеп, откако тројца членови на едно семејство, меѓу кои и 13-годишно дете, беа пронајдени мртви со...
ОЈО со детали за грозоморното убиство во Прилеп: Ги убил внукот и неговиот 11-годишен правук, па се самоубил
Обвинителството откри детали од вчерашната трагедија во Прилеп. Дежурен јавен обвинител од Основното јавно обвинителство Прилеп извршил увид во куќа...
(Видео) Охридското лето се отвори, и уметноста прозборе – музиката и мајчинството во хармонија на Античкиот театар
Под ѕвезденото небо на Античкиот театар во Охрид, синоќа величествено беше отворено јубилејното 65. издание на фестивалот „Охридско лето“ со...
Семејна драма во Прилеп, убиени малолетно дете и неговиот татко, напаѓачот си пресудил сам
Во семејна трагедија што се случи синоќа во прилепската населба Точила, животот го загубија три лица, меѓу кои и едно...
Македонија под топлотен бран, температурите до 38 степени
Македонија денеска е под влијание на топол воздушен бран што носи високи температури и претежно сончево време. Според Управата за...
Ангелов: Најсериозен е пожарот во дојранското село Николиќ во близина на границата со Грција
Во моментов најсериозен е пожарот во дојранското село Николиќ во близина на границата со Грција. Тоа е пожар кој гори...
Обезбедување од МВР ќе ја чува Данела Арсовска 24 часа
Министерството за внатрешни работи информира дека по вчерашниот инцидент во Општина Чаир, врз основа на оперативни сознанија и безбедносна проценка...
ОЈО сомничи двајца за насилство врз градоначалничката Арсовска
Основното јавно обвинителство Скопје поведе постапка против две лица за кривично дело „насилство“. Првоосомничениот вчера се заканувал и физички ја...
ФЗО ќе покрива шест, наместо досегашните три ин витра за семејствата кои се обидуваат да имаат потомство
Вкупно шест наместо три обиди за биомедицинско потпомогнато оплодување (БПО) ќе бидат овозможени на товор на Фондот за здравствено осигурување...
Пожарникарите се бореа со огнови на 38 места во државава, 30 се изгаснати
Во текот на изминатото деноноќие се евидентирани вкупно 38 пожари од кои три активни, пет ставени под контрола и 30...
Во Кочани нема да има концерт за Петровден, Крстевски го откажа на барање на родителите на загинатите деца во „Пулс“
Откажан е музичко забавниот дел од програмата за одбележување на Петровден, празникот на градот Кочани. Ваква одлука вчера донесе в.д....
„Ќе глумиме дека не сме виделе?! Ќе чекаме некој да биде убиен за да се освестиме?!“, праша Јакимовски
Градоначалникот на општина Карпош, Стевчо Јакимовски се огласи на социјалните мрежи, по нападот врз градоначалничката Данела Арсовска. „Она што ѝ...
(Видео) Арсовска објави снимка од нападот: Јас го напаѓам него или тој мене?
Градоначалничката на Град Скопје, Данела Арсовска објави снимка од денешниот напад врз неа, на социјалните мрежи. Во објавата на социјалните...
(Видео) „Тошковски ако се плашиш бе момче дај си оставка“: Арсовска обвини дека МВР функционира во одбрана на криминалци
Градоначалничката Данела Арсовска се огласи преку социјалните мрежи, откако излезе од полициската станица, по денешниот напад врз неа. „Штотуку излеговме...
Шест часа од бруталниот напад врз градоначалничката на Скопје, а од ВМРО-ДПМНЕ и Мицкоски сè уште нема ни збор за осуда, вели Филипче
Претседателот на Социјалдемократкиот сојуз на Македонија, Венко Филипче, повика на итна одговорност и поведување постапка против насилниците кои денеска брутално...
„Истрага за полициските службеници што не го спречиле нападот врз градоначалничката Арсовска“, бара Хелсиншкиот комитет
Хелсиншкиот комитет за човекови права најостро го осудува физичкиот и вербалниот напад врз градоначалничката на Град Скопје, Данела Арсовска, што...
(Видео) СДСМ со осуда за нападот на Арсовска: Тоа е срам за државата и порака до сите граѓани дека ако зборуваат за криминал и неправда, ќе бидат замолчени со сила
Социјалдемократскиот сојуз на Македонија, најостро го осудува нападот врз официјални лица од Градот Скопје. Овој брутален напад е последица на...
Aрсовска нападната во Чаир додека извршувала работни задачи: побарала лекарска помош
Градоначалничката на град Скопје, Данела Арсовска, денеска е физички нападната при извршување работни задачи во Чаир. Кон неа биле упатени...
Сторителот од Батинци е идентификуван, но е во бегство, соопшти ОЈО
Дежурен јавен обвинител извршил увид на местото на настанот во Батинци, каде што денеска се случил трагичен инцидент. Од Обвинителството...
