Македонија
(Видео) Здружението на граѓани „Преродба“ бара оставка од Владата
Здружение на граѓани „Преродба“ ги повикува сите граѓани кои сакаат да им се приклучат денеска пред Собранието на Република Македонија и заедно како што велат протестно да го чествуваат најголемиот национален и државен празник – Денот на независноста.
„Токму на Денот на независноста, ќе го пратиме отвореното барање до Власта со барање за нејзина оставка, поради тоа што оваа власт ја прави државата зависна од разни фактори, што и го руши легитимитетот, дигнитетот, суверенитетот и сите особености на независна држава и за да не причинува понатамошни штети на државата и за нејзината независност. И даваме рок од 48 часа да си поднесе оставка. Доколу не го стори тоа ќе постапиме по оперативниот план и стратегија со сите мирољубиви, дозволени, ненасилни и демократски средства, сè до поднесувањето на оставката“, се наведоа претходно од здружението.
Исто така, тие бараат и мораториум на еднострано политиканско решавање на македонските прашања, од здружението потенцираат дека ќе има и свечено потпишување на декларација на Македонскиот народ за неговите црвени линии и Стратегија за зачувување на името на Република Македонија и на македонскиот идентитет, јазик, историја и култура.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ бара оставка од Сања Божиновска по серијата скандали
Социјалдемократскиот сојуз на Македонија бара оставка од министерката Сања Божиновска поради, како што појаснуваат, серијата скандали и лажните изјави во јавноста за нејзиното бугарско државјанство.
„Божиновска го излажа народот, прикривајќи информации за своето бугарско државјанство.
Иако тврдеше дека се откажала од пасошот и бугарското државјанство јавноста од бугарските медиуми дозна дека не само што не се откажала туку дека и целото нејзино семејство има бугарско државјанство.
Криење факти и лажење на јавноста од страна на министер е спротивно на сите етички принципи во политиката. Граѓаните не може да веруваат во Божиновска и во она што го говори кога избра да не им ја каже вистината.
Божиновска не даде одговори ниту за информациите за долгот од 1 милион евра ниту за сомнителните бизнис зделки со „картелско здружување“, истакнуваат од оваа партија.
Последните информации кои се уште СДСМ ги проверува, како што додаваатм се дека најавената инвестиција од кинсека компанија за ветерниот парк во Штип исто така е на сомнителен начин поврзана со нејзините претходни бизнис партнери.
Поради сите етички прекршоци СДСМ повикува на нејзина морална оставка и соодветна истрага од надлежните институции.
Македонија
СДС од ден на ден тоне во своите лаги, Антикорупциска потврди дека синот на претседателот Мицкоски патувал законски во САД, велат од ВМРО-ДПМНЕ
Од ВМРО-ДПМНЕ истакнуваат дека државната комисија за спречување корупција пресече и докажа дека СДС води ниска и бедна кампања.
„Вистината која ја докажа ДКСК не може да ги надохнади нервозите и стресовите кои СДС ги нанесе и тоа, ни помалку ни повеќе, на дете.
СДС ниту ќе се засрамат, ниту ќе се извинат, затоа што тие ништо друго не знаат освен лаги и навреди.
Народот јасно им кажа не и тие никако да се освестат, туку и понатаму тонат.
И покрај нивните лаги и навреди, државните институции докажаа дека лидерот на ВМРО-ДПМНЕ и премиер, Христијан Мицкоски постапува согласно начелата на чесност и транспарентност“, посочуваат од партијата на власт.
Додаваат дека како што за ова излезе вистината на виделина, тоа ќе се случи и за многу друг случаи поврзани со СДС.
СДС, истакнуваат од ВМРО-ДПМНЕ, ќе види што е владеење на право и правда, што значи да се применува начелото на транспарентност.
Македонија
Преку денот сончево и топло со мала до умерена локална облачност
Времето денеска, наутро по одделни котлини ќе има услови за појава на слаба магла или ниска облачност. Преку денот сончево и топло со мала до умерена локална облачност. Ќе дува слаб до умерен ветер од јужен правец.
Минималната температура ќе биде во интервал од 6 до 14, а максималната ќе достигне од 24 до 29 степени.
Во Скопје наутро со услови за појава на слаба магла или ниска облачност. Преку денот претежно сончево и топло со слаб до умерен југоисточен ветер. Минималната температура ќе се спушти до 10, а максималната ќе достигне до 28 степени.
Во наредните денови следува период на стабилно и релативно топло време за овој дел од годината со сончеви периоди во текот на денот. Утре наутро ќе има услови за појава на слаба магла, или ниска облачност понекаде во котлините. Во петок ќе има зголемена облачност и услови за повремен локален дожд со појава на ретки грмежи, а во сабота ќе дува засилен до силен претежно северозападен ветер.