Македонија
Здружението на медицинските сестри, техничарите и акушерките со поддршка за протестот на лекарите

Здружението на медицинските сестри, техничарите и акушерките на Македонија (ЗМСТАМ) го поддржува јавниот протест кој ќе се одржи в среда, 18 септември, инициран од Асоцијацијата на специјализантите и младите лекари.
„Медицинските сестри и акушерките, како и другите здравствени професионалци, кои се жртви на насилство, не се одговорни и не се криви за насилството што го преживеале. Какво било насилство нема оправдување и е недозволиво и претставува кршење на основните човекови права и треба да биде казниво за лицето што го починило. Ние што се грижиме за вас, ги почитуваме вашите права, ве слушаме и разговараме со вас, 24 часа се грижиме и ве негуваме, се обидуваме да ги разбереме луѓето од сите возрасти, вери и култури“, велат од ЗМСТАМ.
Од таму велат дека најостро ги осудуваат агресивното однесување и нападите врз лекарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.
Македонија
Мицевски: Интерпелацијата за министерот Тошковски не доби поддршка

„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ.
„Потребна е стабилност, а не политичко дестабилизирање. Во услови кога Владата е во фаза на спроведување важни реформи, особено во безбедносниот сектор, несериозни интерпелации создаваат дополнителна нестабилност и можат да го компромитираат спроведувањето на започнатите процеси. Јавната безбедност бара стабилност, континуитет и институционално зајакнување, а не секојдневни политички турбуленции“, додаде тој.