Македонија
(Видео) Ибраимовски до Манојловски: Јас сум Тито за тебе

Пратеникот Самка Ибраимовски му рече на пратеникот од ВМРО-ДПМНЕ, Горан Манојловски, дека Ромите сè што добиле било за време на СДСМ. Тој му порача на Манојловски дека за време на ВМРО-ДПМНЕ никогаш не бил министер и дека погрешно го информирале, туку бил заменик-министер од 2003 до 2006 година.
„Ќе го провериме и твоето богатство, господине докторе. Како ти функционира твојата амбуланта во Тетово под друго име и која попладне одиш да ја надгледуваш и ги собираш арачот и парите. Јас како пратеник ќе поведам истрага за твоето богатство што си го стекнал за една-две години, а јас 30 години бизнисмен ќе се споредувам со тебе на некоја друга седница“, рече Самка додавајќи дека граѓаните треба да знаат каков доктор има во Тетово.
Ибраимовски нагласи дека него сите го знаеле во Тетово и дека тој бил Тито за Манојловски.
„Јас сум мисловна именка за тебе и ти тоа добро го знаеш. Јас сум име и презиме во Тетово… ти како вагабонт со војводите, а јас како еден чесен стопанственик, кој доста придонел за оваа држава и доста даноци платил за разлика од тебе што работиш од сите страни и што им земаш арач на болни по 300-400 евра. Да знаат граѓаните каков доктор имаме во Тетово. Самка сите го знаат во Тетово. Самка е Тито за тебе, тоа да го знаеш“, рече Ибраимовски.
Самка му порача на пратеникот од ВМРО-ДПМНЕ дека неговиот крај ќе бил многу лош и дека тој лично ќе го провери неговото криминално богатство стекнато за време на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Нов пожар избувна кај тетовско Желино

Директорот на Дирекцијата за заштита и спасување, Стојанче Ангелов, попладнево информираше дека избил нов пожар кај тетовско Желино.
Повеќе информации се очекуваат подоцна во текот на денот.
Претходно денеска Ангелов кажа дека нема активни пожари. Тој информираше и дека денеска заминува словенечкиот тим од 61 пожарникар специјализирани за гаснење на шумски пожари, со 18 возила,а утре си оди и чешкиот Блек Хок со седумчлената посада.
Македонија
(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција

Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и го држат на функција, кажа денеска на прес-конференција, Бране Петрушевски, пратеник на ВМРО-ДПМНЕ.
„СДС и главниот обвинител Коцевски, играа пинг-понг во јавноста, се до моментот кога тој требаше да си замине од позицијата, па СДС мораше јавно да истапи и да го брани, за да се спасат себе си. Кога граѓаните се прашуваат до каде е случајот, треба да знаат дека е на линија помеѓу главниот обвинител Коцевски и СДС. Вторите лажно го напаѓаа првиот, за да создадат привид во јавноста, операција која не им успеа затоа што мораа да го бранат во Собрание, да не останат без него“, вели Петрушевски.
Тој додава дека „на фолирањето на СДС му дојде крај. Не додржаа ниту еден месец, па СДС мораше да се соголи, и да покаже дека ќе направат се само главниот обвинител, Љупчо Коцевски, да остане на позиција“.
„Сега е многу очигледно и зошто СДС држеше пресови за Кочани, каде со лажно душегрижништво го напаѓаше ВМРО-ДПМНЕ, а всушност договорени со нивниот обвинител Коцевски, сакаа да креираат хаос. Сите обиди за хаос и сценарија на СДС се изјаловија. Секој може да види каде е вистината, а таа е дека СДС го спаси главниот обвинител Коцевски, кој има задача да ги спасува нив од одговорност, но и да им креира наративи за политички прес-конференции, како во случајот со Кочани“, истакна пратеникот Петрушевски.
Македонија
АМСМ: На Табановце се чека 40 минути, на Богородица и Дојран околу еден час

АМСМ информира дека интензитетот на сообраќај на патните правци надвор од градските средини е зголемен.
„Поради летните одмори се бележи зголемена фреквенција на возила, на ГП Табановце околу 40 минути и ГП Богородица и ГП Дојран времето на чекање за влез е околу 1 час“, велат од АМСМ и додаваат дека на останатите гранични премини од македонска страна, нема подолги задржувања за влез и излез од државата.
Поради изведување на градежни активности на Вијадукт на Сарички дол кој се наоѓа на државниот пат А1 Градско – Прилеп, обиколница на градот Прилеп, државниот пат (од раскрсница кај бензинска станица “ Лукоил” до клучка кај бензинска станица “ Салида “), ќе биде целосно затворен за сообраќај од 03 август (недела) од 07.00 часот до 06 август (среда). Сообраќајот ќе биде пренасочен низ градот Прилеп.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.