Контакт

Македонија

(Видео) Иванов во ОН: Никој не може да биде повикуван на одговорност ако гласа или не гласа на референдумот

Објавено пред

Ѓорге Иванов

Претседателот Ѓорге Иванов во обраќањето на 73. Генерално собрание на Обединетите нации во Њујорк упати порака до македонските граѓани дека гласањето на референдумот е право, а не обврска.

dobivaj vesti na viber

„Во овие неколку часа пред референдумскиот молк сакам да упатам порака до сограѓаните – гласањето на референдум е ваше право, а не обврска. Никој не може да биде повикуван на одговорност за гласање, односно негласање на референдумот“, рече Иванов.

То додаде дека секој граѓани има право сам да одлучи дали да излезе да гласа или да бојкотира.

Според него, овој референдум може да донесе состојба на потчитеност на Македонија под друга држава. „Не само што се менува името на државата туку се формира нова држава со ново име. Ќе бидеме држава само по име, а не по суштина“, рече Иванов.

Македонскиот претседател рече дека како граѓанин ја донел својата одлука дека нема да излезе да гласа на 30 септември и рече дека се надева дека и македонските граѓани ќе донесат, како што рече, мудра одлука.

Иванов рече дека доколку овој референдум не е успешен, тогаш се отвора нова можност. „Можност да разговараме и да ги разгледаме новите опции за решавање на прашањето во согласност со меѓународното право, преку почитување на нашето фундаментално право на самоопределување. Да го обновиме националниот консензус што го постигнавме на почетокот на независноста“, порача Иванов.

Според него, поради грчките блокади ни се одзема правото на просперитет. „Ги повикувам сите држави кои ја признале Република Македонија под уставно име да не ги менуваат своите одлуки. Помогнете ни со тоа што ќе бидете чувари на нашето право на самоопределување“, порача Иванов.

Според него, многумина ќе го осудат неговиот говор пред ГС на Обединетите нации.

„Можеби додека зборувам се пишуваат изјави кои ќе го осудат мојот говор. Но вистината ослободува. Единствената вистина е дека ние сме Македонци, а нашата држава е Република Македонија“, заклучи Иванов.

Од правото на самоопределување, рече тој, извира и правото на народот да го одбере своето име и името на државата што ја создал.

„Сепак, Грција со конечната спогодба од Преспа ни наметнува ново име и бара истото да се применува erga omnes – и за меѓународна и за домашна употреба. Предвидено е да го промениме Уставот, при што Грција би била конечниот авторитет што ќе ги одобрува уставните измени. Преку оваа спогодба Грција ќе добие постојан надзор за тоа како ние ќе се именуваме себе си, но и како вие, државите-членки на Обединетите нации ќе ни се обраќате нам. Грција се овластува да ги преименува нашите институции, да ја цензурира содржината на учебниците на нашите деца, да го спречува правото на граѓаните да го изразуваат својот македонски идентитет. Се регулира именувањето на нашиот македонски јазик“, рече Иванов.

Според него, еден многу важен дел од нашиот начин на живот ќе зависи од волјата на Грција. „Тоа е цензура на светот и автоцензура на колективната свест на македонскиот народ. Тоа е насилство врз нашата историска меморија. Во архивите на Обединетите нации постојат илјадници страници документи и сведоштва за тоа што Грчката држава им правела на Македонците во Грција. Сега, со Преспанската спогодба Грчката држава сака да им го направи истото и на Македонците во Република Македонија. Целта е употребата на името Македонци да ја ограничи на најмалиот можен простор – а тоа е просторот меѓу нашите две уши, држејќи ја притоа нашата уста затворена. Тоа е флагрантно кршење на правото на самоопределување“, рече Иванов.

Македонскиот претседател рече дека при приемот на Република Македонија во Обединетите нации е прекршено правото на самоопределување. Според него, времената и Преспанската спогодба се донесени за да се оправда тоа кршење. „Мора да знаете дека текстот на таа Преспанска спогодба е изготвен без мое знаење и без моја согласност како претседател на Република Македонија. Спогодбата повредува одредба од внатрешното право од фундаментално значење. Кажано со други зборови, јазолот што започна да се заплеткува со Резолуциите 817 и 845 и со Времената спогодба, сега, со Преспанскиот договор стана јамка за бесење. Од Република Македонија сега се бара да изврши правно и историско самоубиство, за да може правното укинувањето на македонскиот народ да се протолкува како негова сопствена волја. Се прашувам што зборува ова за глобалното лидерство и споделената одговорност на Обединетите нации?“, праша Иванов.

Тој упати прашање до високите странски претставници кои ја посетија Македонија во изминатиов период и кои ги повикаа граѓаните да гласаат на референдумот.

„Многумина од нив ги убедуваат македонските граѓани да ја прифатат грчката спогодба. Нив ги прашувам, дали тие би прифатиле да го дерогираат право на самоопределување на нивните сопствени народи и држави? Дали тие би прифатиле мешање во нивните внатрешни работи, нарушување на сувереноста и политичката независност? Зошто тогаш од нас се бара да прифатиме нешто што никој во светот не би го прифатил? Не не убедувајте да јадеме од овој отровен плод. Крајно време е отровното стебло, сосе неговиот отровен плод, да бидат отстранети“, истакна Иванов.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

„Дали Коцевски тактизираше со оставката за да купи време и да се заташкаат над 40 предмети за висока корупција за функционери од СДС и ДУИ“, прашува ВМРО-ДПМНЕ

Објавено пред

„Љупчо Коцевски тактизираше дури и со сопствената оставка и одлучи да ги пресретне непријатните дискусии и вистината за неговото работење како јавен обвинител. Со оставката Коцевски ги призна проблемите во обвинителството кое беше компромитирано и под негово водство беше институција со изгубен легитимитет“, соопшти ВМРО-ДПМНЕ.

dobivaj vesti na viber

„Коцевски го водеше обвинителството речиси две години и не направи ниту една реформа. Напротив обвинителството во време на Коцевски делуваше во заштита на криминалите на СДС и ДУИ и нивните функционери.

Тактизирањето на Коцевски и задоцнетата оставка е показател за длабоките проблеми, корупцијата и обидот да се зачува статус квото на обвинителството.

Коцевски е првиот на кого парламентот му изгласа недоверба, но тој не пропушти да тактизира за да извлече барем ден плус во заштита на функционерите на СДС и ДУИ.

Со оставката на Коцевски се става крај на темниот период во обвинителството како партиски механизам за заштита на СДС и ДУИ. Оставката на Коцевски не е персонално туку системско решение и е јасна порака дека никој не е недопирлив.

Дали тактизирањето со оставката на Коцевски се купуваше време за неговите наредбодавци?

Дали е точно дека група обвинители на чело со Коцевски заташкуваат над 40 предмети за висока корупција на функционери од СДС и ДУИ?

Оставката на Коцевски е победа за правната држава, крај на партизацијата и почетокот на европеизацијата.

Ова не е крај туку почеток на неселективна и навремена правда.

ВМРО-ДПМНЕ ќе инсистира за независно, професионално и департизирано обвинителство.

ВМРО-ДПМНЕ ќе инсистира на реформи во правосудството за навремена и неселективна правда каде ќе се почитуваат законите и владеење на правото.

ВМРО-ДПМНЕ ќе инсистира на градење на институциите и враќање на довербата на граѓаните во правосудството“, се наведува во соопштението на ВМРО-ДПМНЕ.

Прикажи повеќе...

Македонија

„Темата мигранти е измислена од СДС за дневна политика, затоа и побегнаа од Собрание кога требаше да се дискутира за Резолуцијата“, велат од ВМРО-ДПМНЕ

Објавено пред

„Вистина излегува на виделина и СДС веќе не може да го скрие лицемерието, нивните лаги и манипулации. Наводната загриженост за мигрантите се виде дека им е тема за дневна политика, за ширење страв и паника кај населението“, велат од ВМРО-ДПМНЕ.

dobivaj vesti na viber

„Тоа се потврди и вчера во македонското Собрание, кога пратениците од СДС ја напуштија седницата кога требаше да се дискутира за Резолуција за осуда на манипулациите на опозицијата и за потврда на политиките против нелегалната миграција, поднесена од пратениците на ВМРО-ДПМНЕ и коалицијата.

Откако од СДС неколку недели устата не затворија за наводните мигранти, ширејќи паника дека само што не дошле во државата, за што сакаа да поднесат и резолуција во Парламентот, кога дојде ред народните избраници да дебатираат за непостоечката и од нив креирана лажна тема мигранти, пратениците на Филипче, како нечестивиот од темјан, заминаа од Собранието.

Тоа покажува само едно. Дека СДС едно зборува, а друго прави и кога доаѓа ред суштински да се дискутира и да се преземе одговорност, СДС го прави тоа што најдобро го знае. Бега далеку од очите на јавноста и вештачки одржува лажни и непостоечки теми, за да ги спаси политичките кариери на неколкумината останати во партија, како Филипче и Зоран Заев во позадина.

Настрана бегањето на СДС, Резолуцијата поднесена од ВМРО-ДПМНЕ и коалицијата става крај на сите шпекулации, дезинформации и лажни сценарија кои токму СДС се обидува да ги наметне во јавноста, а се поврзани со наводно прифаќање мигранти или изградба на кампови.

Со овој документ јасно се отфрлуваат и се поништуваат сите аранжмани, одлуки и политики поврзани за кампови за мигранти донесени од поранешната влада на СДС предводена од Заев, на која дел беше и Венко Филипче.

Оваа резолуција го покажа вистинското и лицемерно лице на СДС и трајно ќе ја затвори, од нив измислената тема за наводни мигранти во Македонија“, соопшти ВМРО-ДПМНЕ.

Прикажи повеќе...

Македонија

„Мицкоски и министрите побегнаа од пратеничките прашања“, велат од СДСМ

Објавено пред

„Граѓаните во живо го видоа предавството на Македонија во Собранието. Премиерот Мицкоски и министрите побегнаа од пратеничките прашања, побегнаа од вистината, побегнаа од дебата за Резолуцијата на СДСМ со која се затвора прашањето за мигранти во Македонија“, велат од СДСМ.

dobivaj vesti na viber

„Премиерот Мицкоски еден ден порано отиде за Брисел? Зошто, за да побегне од пратеничките прашања. Откако избега премиерот, побегнаа и неговите министри.

Затоа, во знак на протест, пратениците на СДСМ ја напуштија седницата. ДПМНЕ свесно побегна од дискусија во највисокиот законодавен дом, меѓу избраните претставници на народот – пратениците, на кои граѓаните им дале мандат да одлучуваат за најважните национални прашања.

Резолуцијата на СДСМ не беше поднесена, ДПМНЕ не дозволи ниту дебата, ниту разговор, секако ниту гласање.

СДСМ нема да учествува во најголемото национално предавство – мигранти за пари.

Нека си ја потпишат таа предавничка политика сами, заедно со колаборантите од ЗНАМ и нека си ја гласаат во Собранието.

Знаат што ги чека откако ќе потпишат, затоа што потпишувата предавство на Македонија.

Сега веќе на сите им е јасно, планот е избори а потоа мигранти во Македонија, за пари.

СДСМ заедно со граѓаните ќе ги искористи сите демократски механизми и ќе се спротистави на ова ова национално и државно предавство.

Ова нема да им помине. Борбата за Македонија продолжува!“, соопшти СДСМ.

Прикажи повеќе...

Најново

Топ12 минути

Ја убиле со пиштол, телото го спуштиле во дупка и го запалиле: истрага против две лица за свирепо убиство на жена во гостиварско Неготино

Основното јавно обвинителство Гостивар донесе Наредба за спроведување истражна постапка против две лица осомничени дека извршиле кривично дело – Убиство...

Македонија49 минути

„Дали Коцевски тактизираше со оставката за да купи време и да се заташкаат над 40 предмети за висока корупција за функционери од СДС и ДУИ“, прашува ВМРО-ДПМНЕ

„Љупчо Коцевски тактизираше дури и со сопствената оставка и одлучи да ги пресретне непријатните дискусии и вистината за неговото работење...

Свет1 час

Трамп ја продолжи забраната за патување во САД за уште седум земји

Американскиот претседател Доналд Трамп вчера го прошири списокот на земји чии граѓани имаат забрана за патување во Соединетите Американски Држави,...

Свет2 часа

Терористот од Сиднеј обвинет за 59 кривични дела

24-годишниот Навид Акрам, кого полицијата го сомничи дека стои зад масакрот на плажата Бонди во Сиднеј, е обвинет за вкупно...

Европа2 часа

(Видео) Лукашенко: Неуспехот во потрагата по мир може да ескалира во глобален конфликт

Белорускиот претседател Александар Лукашенко повика на брза акција за прекин на конфликтот во Украина во интервју објавено во вторник, нагласувајќи...

Македонија4 часа

(Видео) Филипче го соопшти новото раководство на партијата: СДСМ има нов тим, нова сила – нова енергија!

Претседателот на Социјалдемократкиот сојуз на Македонија, д-р Венко Филипче, по завршувањето на вчерашната седницата на Централниот одбор на СДСМ го...

Македонија14 часа

МВР: Шалтер за „Безбеден град“, граѓаните од утре ќе можат да ги променат контакт-податоците

Од Министерството за внатрешни работи известуваат дека граѓаните од утре (17.12.2025), на посебен шалтер во Одделот за граѓански работи, во...

Македонија19 часа

Стојаноски: СДСМ ја напуштија седницата кога требаше да се разговара за Резолуцијата за наводни мигранти

Лицемерието на СДС излезе на виделина, ја напуштија собраниската седница кога требаше да се разговара за Резолуцијата за наводни мигранти,...

Топ20 часа

Уапсен возачот кој денеска со камион усмрти велосипедист во Гостивар

Полицијата го уапси возачот кој денеска со товарно возило усмрти велосипедист во Гостивар. Според информациите на МВР, денеска (16.12.2025) околу...

Македонија21 час

(Видео) СДСМ бара оставка од директорката на ГАК по смртта на новороденчето: „Има сомнежи за лекарска грешка“

СДСМ бара оставка од директорката на Клиниката за гинекологија и акушерство по смртта на новороденчето. „Денеска со огорченост стоиме пред...

Македонија23 часа

Јавниот обвинител Љупчо Коцевски поднесе оставка

Републичкиот обвинител Љупчо Коцевски денеска поднесе неотповиклива оставка од функцијата. Тој кажа дека од почетокот тврдел дека евентуалната постапка за...

Македонија23 часа

ДЗР утврди неправилности во финансиското работење на АД „Државна лотарија“ и можни злоупотреби со паричните средства во готово

Со извршената ревизија во АД Државна лотарија за 2024 година, утврдени се сериозни неправилности кои се поврзани со нелогични и...

Топ23 часа

При претреси во Виница и Виничко пронајдени шест метални детектори, кутија со 43 златни и сребрени монети: петмина уапсени

Вчера полициски службеници од ОВР Виница поради основано сомнение за сторено кривично дело „присвојување на добра под привремена заштита или...

Македонија23 часа

(Видео) Манасиевски: Никој не сака да биде во тимот на Заев и Филипче

„Никој не му се нафаќа на Филипче да му биде дел од тимот, затоа што со Зоран Заев ја држат...

Македонија23 часа

(Видео) Антикорупцискиот тим на СДСМ ја претстави новата платформа против корупција – МИЦКО: Пријавувајте!

„Антикорупцискиот тим на СДСМ, АКТ, ја претставува новата дигитална платформа за борба против корупцијата и криминалот. Македонски истражувачки центар за...

Свет1 ден

(Видео) Четворица херои се обидоа да ги спречат терористите во Сиднеј, само Ахмед преживеа

Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди бич“, беше злокобен вовед...

Европа1 ден

(Видео) Трамп: Искрено, Украина веќе изгуби територија

Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако...

Свет1 ден

(Видео) Државата Вашингтон нареди итна евакуација во три предградија на Сиетл

Властите во американската држава Вашингтон издадоа наредба за итна евакуација за три јужни предградија на Сиетл во понеделник откако попушти...

Свет1 ден

(Видео) Трамп ја тужи Би-би-си: бара 5 милијарди долари отштета

Американскиот претседател Доналд Трамп поднесе тужба од 5 милијарди долари против Би-Би-Си за манипулирање на неговиот говор на 6 јануари...

Свет1 ден

(Видео) Синот е одговорен за смртта на Роб Рајнер и неговата сопруга, соопшти полицијата во Лос Анџелес

Ник Рајнер е одговорен за смртта на неговите родители, Роб Рајнер и Мишел Сингер Рајнер, соопшти Полициската управа на Лос...