Македонија
Излекувана првозаразената пациентка со коронавирус во Македонија
![](https://makfax.com.mk/wp-content/uploads/2020/02/infektivna.png)
Министерството за здравство информира дека првата пациентка со коронавирус во земјата денеска заминува на домашно лекување. Таа вторпат била тестирана по дијагностицирањето на вирусот според насоките и препораките на Светската здравствена организација.
Првиот случај на коронавирус во земјата беше потврден на 26 февруари. Заболената со комбе се вратила од Италија со симптоми на грип. Другите патници и возачот на комбето поминаа 14 дена во карантин и сите беа негативни на коронавирус.
Министерството исто така соопшти дека здравствената состојба на пациентите позитивни на Ковид-19, кои се лекуваат на Клиниката за инфективни болести и фебрилни состојби, е стабилна. Во стабилна состојба е и првата пациентка од Дебар, која е на респираторна машина. Петте пациенти, кои се лекуваат во дебарската болница, се во добра здравствена состојба.
Во текот на ноќта нема нови лица тестирани на коронавирус, а во моментот се чекаат брисеви за тестирање три лица од Дебар.
Во државата сега има 18 активни случаи на Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Скопје
Дел од неколку населби во Скопје без струја
![](https://makfax.com.mk/wp-content/uploads/2023/07/DSC_4799.jpg)
Од ЕВН Македонија АД известуваат дека без електрична енергија ќе останат:
Во период од 09:00 до 13:00 часот, корисниците од пат за Долно Лисиче, од Силбо до автоделови Цаки и Ливран ДОО (Општина Аеродром)
Во период од 08:00 до 14:00 часот, корисниците од нас.Драчево: дел од ул.Иван Хаџи Николов, ул.Мишевска, дел од ул.Китка. (Општина Аеродром)
Во период од 12:00 до 15:00 часот, корисниците од ул.Славејко Арсов (м.в Шербетница над шеста управа).(Општина Центар)
Македонија
Сончево и потопло со мала до умерена локална облачност
![](https://makfax.com.mk/wp-content/uploads/2023/08/reka-leto-1.jpg)
Времето денеска ќе биде сончево и потопло со мала до умерена локална облачност. Ќе дува слаб до умерен, а вдолж Повардарието повремено засилен ветер од северен правец. Минималната температура ќе биде во интервал од 9 до 18, а максималната ќе достигне од 27 до 34 степени. UV=8
Во Скопје сончево и топло со мала до умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 32 степена.
Следува период на претежно сончево и многу топло време, со пораст на дневната температура која од недела насекаде ќе биде над 30 степени. Во почетокот на следната седмица во попладневните часови ќе има услови за изолирана појава на нестабилност.
Скопје
Дел од Центар денеска без вода
![](https://makfax.com.mk/wp-content/uploads/2024/05/voda-chesma.jpg)
ЈП Водовод и канализација известува дека поради изведување на водоводен приклучок од Ф-80 мм на улицата Дебарца бр.63, со прекинато водоснабдување ќе бидат корисниците на дел од улицата Дебарца, дел од улицата Дане Крапчев и улицата Славка Недиќ во општина Центар.
Прекинот на водоснабдувањето ќе биде од 09:00 часот до завршување со активностите.