Македонија
Интегра: Со новиот предлог вакцинацијата се третира како задолжителна, тоа спротивно на законот

„Интегра – Македонска конзервативна партија најстрого реагира по повод предложените измени и дополнувања на Законот за заштита на населението од заразни болести“ соопштуваат од политичката партија.
Во соопштението наведуваат дека „предложените измени во член 10 од предлог-законот се однесуваат на забраната за влез во објекти на лица кои не се имунизирани, кое во основа значи дека се ограничува правото на слобода на движење и со тоа се наручува едно од основните човекови права. Согласно Уставот, истото е можно само во услови на прогласена воена и вонредна состојба. Оттука овој предложен член е спротивен на Уставот на Македонија“.
„Ваквиот предлог во суштина значи дека вакцинацијата веќе се третира како задолжителна, што е во спротивност со повеќе законски решенија. ИНТЕГРА е строго против вакви режимски мерки и законски решенија со содржана принуда. Таквиот пристап му дава режимски белег на законскиот предлог и го ограничува највисокото човеково право на слобода на убедување и носење на лични и семејни одлуки за децата испод 18 години граница на полнолетност, како и правото на слобода на движење независно од здравствената состојба на индивидуата“ – велат од Интегра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и Тошковски на пешачење во Градски парк: секој чекор е здравје

Градскиот парк денеска беше изборот на градоначалникот на Кисела Вода и кандидат за градоначалник на Скопје, Орце Ѓорѓиевски, и министерот за внатрешни работи, Панче Тошковски. Двајцата утрото го започнаа со пешачење низ алеите на паркот, во спортска опрема и ведро расположение.
„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.
Македонија
За влез и излез од државава на граничните премини се чека до 15 минути

Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за влез и излез е околу 10-15 минути.
На останатите гранични премини од македонска страна нема подолги задржувања при влез или излез од државата.
Македонија
Свежо утро, а преку ден до 33 степени

Времето денеска ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен северен ветер.
Минималната температура ќе биде во интервал од 9 до 19, а максималната ќе достигне од 25 до 33 степени.
Во Скопје, сончево со умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 30 степени.
До средината на следната седмица ќе преовладува претежно стабилно време со дневни температури малку под просекот за овој период од годината. Потоа времето ќе биде сончево и потопло со пораст на дневната температура.