Македонија
Исмаил: Левицата е за прохибиција на коцкањето и профитирањето од нечесни бизниси

По однос на барањето за автентично толкување на Законот за игри на среќа, пратеникот од Левица, Реџеп Исмаил – Хактан, истакна дека Левица е за прохибиција на коцкањето и профитирањето од нечесни бизниси.
– Едно е да има дозволено да постои ваква индустрија, неморална и нечесна. Друго е што власта на ДУИ и СДСМ, со издавање на лиценци за игри на среќа ја мултиплицираше можноста за отворање на казина и други објекти. Со ова ја проширија можноста за коцкање која уништи многу семејства во нашата држава, потенцираше Исмаил.
Пратеникот Исмаил го дообразложи ставот на Левица за дестимулација на овој нечесен бизнис од којшто олигархијата се збогатува на грбот на обичниот човек и работничката класа.
– Ако поднесете таков закон, ние со драго срце ќе го поддржиме! Не само да се дозволи во објекти со пет ѕвезди, туку воопшто да се направи нелегално самото коцкање. Автентичното толкување има намера да го ограничи она што денес постои. Но тоа може да се направи и без ова, односно институцијата којашто издава такви лиценци, поради тоа што поминува рокот на тие лиценци, едноставно треба да ги укине и да продолжи по законот којшто моментално важи, поентираше Исмаил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.