Македонија
Нови оставки на директорите на јавните претпријатија, разочарани од градоначалничката Арсовска
И директорот на ЈСП Турс – Филип Василевски поднесе оставка на функцијата. Според неговата објава на Фејсбук, тој е разочаран од актуелната градоначалничка на Скопје, Данела Арсовска, за која вели дека е „посветена на кавги наместо на работа“.
Во продолжение фејсбук-статусот на Василевски:
„Како човек кој целиот свој живот го посветил на работа и кој има интегритет во работата и како човек кој за исклучително кус период во работата на ЈСП Турс постигна исклучителни резултати со мојот тим сакам да кажам дека сум задоволен од тоа што го постигнавме со сопствени сили и ресурсите кои ги имавме на располагање.
За период од 6 месеци успеавме неколкукратно да ги зголемиме приходите во делот на превоз и туризам, како и да обезбедиме линеарно зголемување на платите за сите вработени.
Но тоа не е доволно кога ЈСП Турс ја нема поддршката од Градот и нормалната комуникација со градоначалничката Данела Арсовска и со генералниот директор Александар Стојковски. Морам да кажам дека разочарувачки е тоа што визијата која нè обединуваше, проектите во кои веруваме и за која се обврзувавме пред скопјани не се исполнува и нема согласност од градот, кој сè повеќе е заглавен во кавги и пресметки и лични интереси, затоа си давам оставка од директор на ЈСП Турс, од каде си заминувам со крената глава, задоволен од резултатите и со принципите во кои продолжувам да верувам“, вели тој.
Веднаш по него, на „Фејсбук“ својата оставка ја најави и директорот на ЈП „Улици и патишта“ – Борис Настов.
„Најнапред сакам да се заблагодарам за довербата и поддршката што ми беа дадене за да раководам со ЈП ‘Улици и патишта’.
Пред 9 месеци, кога станав в.д. директор на ЈП ‘Улици и патишта’, затекнав претпријатие во многу лоша состојба, како финансиски, така и во однос на реализацијата на проектите. Во изминатиот период работев напорно заедно со моите соработници, наспроти сите предизвици и проблеми, за да се подобри работењето на претпријатието, а во функција на исполнување на очекувањата на граѓаните. Мојата мотивација во работата беше реализација на проектите кои им ги ветивме на граѓаните на Град Скопје.
Иако преку спроведените проекти и воспоставените добри практики во работењето на претпријатието многу работи се подобрија, реализацијата на проектите не се одвиваше според моите и очекувањата на граѓаните.
Затоа, ве известувам дека давам неотповиклива оставка на местото в.д. директор на ЈП ‘Улици и патишт’а. Оваа моја одлука ја донесов како резултат на неадекватната комуникација со градоначалничката на Градот Скопје, како основач на претпријатието, како и немањето на разбирање при реализација на клучните проекти од интерес на градот, а за кои јавното претпријатие имаше можност и потенцијал. Неможноста и покрај сите мои искрени намери и напори да воспоставиме меѓусебно разбирање, соработка и почитување како неопходни фактори за успешна имплементација на зацртаните проекти и активности на претпријатието придонесоа кон донесување на оваа моја одлука.
Искрено им се заблагодарувам на сите вработени и соработници во претпријатието кои работеа деноноќно на сите проекти и покрај отежнатите услови на функционирање, секогаш исполнувајќи ги задачите на највисоко професионално ниво“, вели Настов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Јаневска: Во училиштата нема место за какво било насилство
Насилството и училиштето не одат заедно. Министерството за образование и наука е посветено да ги заштити децата и младите, преку градење на безбедна и поддржувачка средина каде што ќе можат да растат, учат и да напредуваат, рече министерката за образование и наука Весна Јаневска на настанот организиран од Мисијата на ОБСЕ „Насилство врз млади жени и девојки: сексуално вознемирување и следење“.
„Системот на воспитување и образование има воспоставено механизми за спречување и справување со насилство, вклучително и насилство врз девојчињата и младите жени. Првиот механизам е преку регулативата, што сега е предмет на ревизија, со цел да зајакнеме повеќе сегменти, меѓу кои и заштитата од секакви форми на дискриминација и насилство. Во делот на превентивата, воведуваме одредба дека во училиштата се остваруваат и програми за заштита од насилство и за спречување дискриминација, низ различни наставни и воннаставни активности кои се организираат со родители/старатели, општини, граѓански здруженија и така натаму“, посочи министерката.
Во воспитно-образовниот процес, местото на наставникот е клучно и од аспект на градење свест кај учениците дека никој не смее да биде жртва на насилство, а доколку се случи, за насилството не треба да се молчи. Наставниците посетуваат и обуки за препознавање и спречување на родово базирано насилство. При секое несоодветно однесување на ученик, наставникот прво се труди сам да го надмине предизвикот, по што може да се вклучи и стручната служба во училиштето, а понатаму и Педагошката служба при министерството.
„Како Министерство, ги охрабруваме сите ученици и ученички да пријавуваат насилство во каква било форма, и тоа го прават на електронската адреса [email protected], директно во Педагошката служба или во Државниот просветен инспекторат“, укажа Јаневска.
Во контекст на превенирање на какви било несакани однесувања, министерството на почетокот на оваа учебна година до училиштата достави насоки да се организираат повеќе активности наменети за подигање на свеста за важноста од градење мирни и хармонични училишни заедници. Меѓусебното разбирање, почит и емпатија се темелите
на таквата средина и тие се вредности кои сакаме да ги всадиме кај нашите млади луѓе уште од рана возраст.
Министерката посочи и дека МОН спроведува мерки и активности не само за да ги заштити девојчињата од насилство, туку и за нивна поголема вклученост во повеќе аспекти и сегменти на образовниот систем. Како примери ги наведе поддршката за вклучување во СТЕМ областите и предноста при аплицирање за стипендии доколку поголема конкуренција се момчињата.
Изразувајќи благодарност до Мисијата на ОБСЕ за поддршката што ја дава на МОН, порача дека само со заеднички напори може да се создаваат квалитетни генерации, вклучително и девојки и жени подготвени да предводат нови општествени промени кон подобро.
Македонија
Филипче е потрчко на Заев, тој не може да биде новото лице на СДСМ, велат од ВМРО-ДПМНЕ
Венко Филипче е потрчко на Зоран Заев и тој едноставно не може да биде новото лице на Социјалдемократскиот сојуз, реагира ВМРО-ДПМНЕ на обраќањето на преседателот на СДСМ, Филипче, на денешниот конгрес на партијата, на која се избираат членовите на партиските тела.
„Филипче е човекот на кој му изгореа 14 лица во модуларната во Тетово и тој не понесе одговорност. Филипче е човекот кој за време на короната ја стави Македонија високо на светската и европската листа, но по број на умрени луѓе. На ниво на свет ја стави Македонија на високото петто место по број на починати, а на нив на Европа по број на починати на еден милион на високото четврто место.
Фани Каранфилова Пановска која сака да ја продаде како нов лик е претседателка на Сорос Македонија. Каранфилова Пановска не е никаков нов лик, ниту лице заинтересирано за општо добро. Неа и се важни само парите или како директор на македонски Сорос, според јавно достапните информации месечно зема скоро 3.500 илјади евра. Луѓето на Филипче се истите луѓе на Заев кои се второ име за корупција и криминал, воедно и назадување на Македонија на секој план.
Филипче, неврохируругот на Заев и 40 потрчковци се само синоним за корупција и криминал што резултираше со тонење на Македонија“, велат од ВМРО-ДПМНЕ.
Македонија
Oбјавени имињата на членовите на новиот состав на Централниот одбор на СДСМ
На 30. Конгрес којшто се одржа денеска беше избран и новиот состав на Централниот одбор на СДСМ.
„Новиот Централен одбор го сочинуваат поединци кои се почитувани во својата заедница, кои знаат да го почитуваат членството и граѓаните и кои ќе работат во најдобар интерес на сите граѓани“, велат од СДСМ.
Во прилог имињата:
Членови на Централниот одбор:
- Александар Трајановски
- Драгослава Војницалиевска Ингилизовска
- Стефан Васев
- Филип Андов
- Горан Трајковски
- Бојана Ацевска
- Дејан Николовски
- Љупчо Фармаковски
- Викторија Мадиќ Аврамовска
- Кети Штерјова
- Борче Миревски
- Душанка Спасовска
- Гоце Трпчевски
- Зоран Трифуновски
- Велимир Смилевски
- Маријан Жакула
- Сузана Трпковска
- Мица Младеновска
- Александар Саша Димитријевиќ
- Александар Симоновски
- Дејан Трајковски
- Радмила Апостоловска Цветковска
- Александар Арсиќ
- Мартин Костовски
- Весна Трајковска
- Лидија Тасевска
- Николина Симоновска
- Сашка Павловска
- Ацо Ушковски
- Едис Хасан
- Емилија Галабовска Биљарска
- Дејан Арсовски
- Селма Абдуловска
- Ивица Димитров
- Никица Бачовски
- Драгослав Симоновиќ
- Александра Серафимова
- Ана Марија Циглењак Симоновска
- Катерина Андоновз
- Душанка Горгиева Трпевски
- Горан Ковачевски
- Михаил Дејановски
- Изабела Павловска
- Ацо Велковски
- Антонио Арсовски
- Елизабета Зеленикова
- Златко Николовски
- Горан Стојановски
- Билјана Ефтимова
- Марио Паризов
- Кристина Костова
- Оља Костова
- Ивица Крстев
- Мухамед Кадриов
- Ристо Прочков
- Зоран Зимбаков
- Игор Андонов
- Сашко Атанасов
- Билјана Демерџиева
- Марија Андонова Ристова
- Ратко Ајцев
- Анѓелка Стефанова
- Христина Ангелова
- Павле Маневски
- Мартин Илиев
- Антонио Симоноски
- Андреа Ангелевска
- Жаклина Тимова
- Љубе Кузмановски
- Игор Пертемов
- Филип Секуловски
- Билјана Марковска
- Кети Стевананџија
- Симона Цветановски
- Анета Јоновска Љубенова
- Стојан Коциров
- Љупка Кицарска
- Софче Димитриева
- Методија Илиевски
- Зоран Стојчевски
- Елизабета Ивановска
- Андреј Стојановски
- Стојче Ивановски
- Џавид Мифтароски
- Јовче Мирчевски
- Богдан Стојановски
- Билал Каришиќ
- Радмила Алексовска
- Владимир Златески
- Јане Тодороски
- Живка Ангелоска
- Шпресим Ајроски
- Борче Ристевски
- Емина Рустемоска
- Ирина Јелдеска
- Дијана Чакареска
- Белкиса Зеќири
- Севгин Ракиповски
- Мирче Аризаноски
- Александар Костоски
- Станиша Матески
- Андријана Аврамовска
- Агрон Демири
- Елизабета Марковска
- Андријана Томовска
- Марко Михаилоски
- Лазар Ѓоргевски
- Кристијан Чушков
- Наталија Спировска
- Гордан Шутаров
- Елена Јовановска Грујовска
- Анета Симевска
- Јованче Манасков
Oбјавени имињата на членовите на новиот состав на Централниот одбор на СДСМ
На 30. Конгрес којшто се одржа денеска беше избран и новиот состав на Централниот одбор на СДСМ. „Новиот Централен одбор...
(Видео) Филипче: Ароганцијата ќе ја закопаме длабоко под земја
Новиот Централен одбор на СДСМ е сочинет од поединци кои се почитувани во својата заедница, кои знаат да го почитуваат...
На 53-годишна возраст почина поранешниот градоначалник на Крива Паланка, Мицевски
Почина поранешниот градоначалник на општина Крива Паланка, Борјанчо Мицевски. Тој имаше 53 години и беше градоначалник од 2017 до 2021...
Со банките е договорена каматна стапка од 1,95 проценти за унгарскиот кредит, најави Мицкоски
„Од неколку од банките веќе имаме потврда и очекувам најголем дел од нив да застанат зад проектот и конечно 250-те...
Трагедија на забава, еден загинат откако рачна бомба експлодирала во раката на 25-годишно момче во Хрватска
Забава во подрум во Книн во Хрватска завршила со експлозија на рачна граната. Загина 25-годишен маж, а тешко се повредени...
Романците денес на избори, се зголемуваат шансите за победа на обожавателот на Трамп и противник на Украина
Романците гласаат во првиот круг од претседателските избори денес, а загриженоста за зголемените трошоци за живот му дава можност за...
Механичар пукал кон муштерија по расправија околу поправка на автомобил во Гостивар
Вербална расправија околу поправка на автомобил заврши со пукање во Гостивар. Механичар во текот на вчерашниот ден, со пиштол кој го...
Пукање во Арачиново од возило во движење, повредено едно лице
Попладнево дошло до престрелка во селото Арачиново, Скопско, пришто повредено е едно лице. Според информациите од МВР, околу во 14.50...
„Влен“: ДУИ како во холивудско сценарио оркестрирала сензационално враќање на Груевски
Јавноста деновиве дозна шокантни детали за тоа како ДУИ, како во холивудско филмско сценарио го оркестрирала сензационалното враќање на поранешниот...
(Видео) Ветрот направи повеќе штети во Битола: Откорнати се покриви од згради, куќи, паднаа и бандери
Делови од Македонија во последното деноноќие беа зафатени со невреме проследено со силен ветер, што причини штети во неколку региони...
СДСМ: МВР итно да постапи, запален е автомобилот на претседателот на Општинската организација Кривогаштани
СДСМ објави дека најостро го осудува вандалскиот чин и палењето на возилото на претседателот на Општинската организација Кривогаштани, Антонио Симоноски....
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација. Поранешниот финансиски менаџер на...
Зеленски: Украина работи на развој на нови видови воздушна одбрана
Украинскиот претседател Володимир Зеленски денеска изјави дека Украина работи на развој на нови видови воздушна одбрана за да се спротивстави...
Мелони: Налогот за апсење на Нетанјаху ќе биде тема на Г7, Израел и терористите не се исто
Италија планира да го разгледа налогот на Меѓународниот кривичен суд (МКС) за апсење на израелскиот премиер Бенјамин Нетанјаху на претстојниот...
Путин: Не постои средство за пресретнување на ракетата „Орешник“
Рускиот претседател Владимир Путин денеска изјави дека ракетниот систем „Орешник“ не е средство за масовно уништување, туку високо прецизно оружје...
Сиљановска-Давкова ја прими Шекеринска: Единството меѓу носителите на највисоките функции е клучот за успехот на државата
Претседателката Гордана Сиљановска Давкова денеска ја прими Радмила Шекеринска за да ѝ го честита изборот на функцијата заменик-генерална секретарка на...
Силниот ветер предизвика штети во Штип: оштетен покрив на училиште, паднати дрвја на повеќе локации
Силен ветар оштети дел од покрив на средното електро-машинско училиште во Штип, а дрво падна и во непосредна близина на...
Град Скопје: Во Шуто Оризари нема јавен превоз поради советничката група на ВМРО-ДПМНЕ
Македонија повторно станува заробена режимска држава во која граѓаните се злоупотребуваат како потрошен материјал на политичките партии за наметнување на...
Студентите и средношколците не смеат да трпат поради партиски препукувања – младите излегоа на протестот за проблемите со градскиот превоз
Студентите и средношколците не смеат да трпат поради партиски препукувања, беше една од пораките кои студентите ги упатија на денешниот...
Курто Дудуш ја обвини Арсовска за расизам и дискриминација: „Пишува ли на автобусите на ЈСП ‘забрането за Роми’“
Градоначалникот на Општина Шуто Оризари, Курто Дудуш, на денешниот протест за јавниот превоз упати повеќе барања до градоначалничката Данела Арсовска,...
