Македонија
Касами до Бејли: Беса ќе го поддржи референдумот за подобра иднина на граѓаните

Претседателот на Движењето Беса, Билал Касами, придружуван од потпредседателот Кастриот Реџепи и генералниот секретар Арјанит Хоџа, се сретна со амбасадорот на САД во Скопје, г. Џес Бејли.
На средбата се разговараше за актуелната политичка состојба во земјата, со посебен акцент за добиената покана за почнување на преговорите за членство во НАТО, одржувањето референдум, договорот за името и реформите во судството како едно од клучните барања за интегративните процеси во евро-атлантските структури.
Претседателот Касами високо го цени придонесот на САД за воспоставување на правдата во земјата и целосно спроведуање на реформите за подобра иднина за сите граѓани, без разлика на нивната етничка или верска припадност.
Исто така, претседателот Касами ја изрази својата подготвеност во име на Движењето Беса како опозициска партија силно да придонесе за референдумот со единствена цел тој да успее и земјата пак да не влегува во длабока политичка криза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.