Македонија
Кекеновски: Мицкоски и Заев ја погазија функцијата претседател на државата

Лидерите на ВМРО-ДПМНЕ и СДСМ, Мицкоски и Заев, јавно ја погазија функцијата претседател на државата и од Пендаровски направија беспоговорен извршител на нивните каприциозни и незрели желби, замисли и идеи, изјави лидерот на ФРОДЕМ, Јове Кекеновски.
ФРОДЕМ и Колицијата Никогаш северна, само Македонија бара од Пендаровски јавно на нацијата да ѝ објасни што тоа се случи за овие неколку дена за тој повторно да прогласи вонредна состојба, за која само до пред три дена тврдел дека нема никаква основа истата да ја продолжи.
Според Кекеновски, срамно е образложението на синоќешната нова одлука за прогласување вонредна состојба дека истата се донесува со цел да се овозможи непречена подготовка на изборите од причина што ДИК и останатите институции мораа и треба и досега да бидат комплетно подготвени за изборите.
Уште полицемерно и бедно, додава тој, е обрзложението дека се прогласува нова вонредна состојба од нови 8 дена заради спроведување мерки за заштита на јавното здравје на граѓаните.
„Пендаровски е должен да објасни што тоа за 10 дена ќе се смени и ќе се преземе за да не биде загрозено здравјето при гласањето, иако до пред само три дена тврдеше дека здравјето на граѓаните и членовите на Изборачките одбори во ниту еден случај не е и нема да биде загрозено на изборите“, рече Кекеновски.
Тој дода дека Пендаровски трипати прогласил вонредна состојба без правна и уставна основа, за кое новиот состав на Собранието на Република Македонија мора сериозно и приоритетно да расправа и одлучува веднаш по конститутивната седницана новиот состав на Соранието.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.