Македонија
Ковачевски: Ги научивме нашите грешки, пред граѓаните е изборот за европска иднина на државата
Ги научивме нашите грешки, знаеме кои се, кога се признаваат грешки тие може да се поправат, но она што е главен избор на овие претседателски и парламентарни избори е јасната визија на СДСМ и коалицијата, на претседателот Стево Пендаровски за европска интеграција на државата, рече претседателот на СДСМ, Димитар Ковачевски денеска по разговор со граѓаните на Водно и активностите на промотивниот штанд за претседателскиот кандидат Пендаровски.
Имајќи чест да ја предводам Владата во 2 од 7 години колку што СДСМ и коалицијата имаа одговорност да ја предводат Владата, сметам дека никој подобро од мене не знае од што се незадоволни граѓаните, додаде Ковачевски.
-Пред се тука мислам на високите цени, на недоволното владеење на правото и на потребата за подобра борба со корупцијата. Од друга страна ние работевме во услови а навистина голмеа и енергетска криза, која што особено се засили по војната во Украина. Во тој период успеавме да ги зголемиме и платите и пензиите, ако ги споредиме само пензиите во однос на 2016 тие се зголемени за 50%. Минималната плата е зголемена за 3 пати во однос на 2016. Просечната плата е зголемена двојно во однос на 2016, поддржавме огромен број на компании, граѓани земјоделци, невработнеи лица, самохрани родители, со 9 пакети на антикризни мерки и на тој начин успеавме да спасиме 80.000 работни места во време на пандеијата секако и во време на енергетската криза. Успеавме да обезбедиме услови би рекол граѓаните на најдобар начин ја пребродат кризата, рече Ковачевски.
СДСМ, Коалицијата и претседателскиот кандидат Стево Пендаровски се единствена опција за европска иднина на државата, потенцираше Ковачевски.
-Ние нудиме јасен план и визија за тоа како и до кога, односно до 2030 година Северна Македонија да стане земја членка на ЕУ. Наспроти нашите политички конкуренти ВМРО – ДПМНЕ и нивниот претседателски кандидат Гордана Силјановска кои немаат ниту план, ниту визија, ниту одлучност ниту волја да тоа го направат, рече претседателот на СДСМ, Димитар Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.