Македонија
Ковачевски од Рим: СДСМ ќе победи на изборите, а до 2030 година Северна Македонија ќе биде членка на ЕУ
Претседателот на СДСМ Димитар Ковачевски денеска во Рим учествуваше и говореше на работната сесија „Решенија за подобар квалитет на живот” што се одржува во рамки на Изборниот конгрес на ПЕС 2024.
Во своето излагање, Ковачевски зборуваше за политиките на СДСМ, со коишто, како што рече, Северна Македонија после долги години се врати на европскиот пат и обезбеди социјална правда, еднакво и достоинствено општество, како и подобар животен стандард за сите граѓани.
„Кога социјалдемократите се на власт, споровите се решаваат, а земјата оди напред. Ние, социјалдемократите, го решивме спорот со Грција. Ние, социјалдемократите, ја придвиживме земјата во полноправно членство во НАТО. Ние социјалдемократите ги започнавме пристапните преговори со ЕУ по 17 години чекање” истакна Ковачевски.
Владата на СДСМ, додаде, успеа тројно да ја зголеми минималната плата, да ја удвои просечната плата, да ги зголеми пензиите за 50%, да ја намали невработеноста за 50 отсто.
„Ги зголемивме странските директни инвестиции за 100%, ја намаливме невработеноста кај младите за 50% и ја зголемивме социјалната помош за 300%. Ја вративме демократијата и ја вративме слободата на медиумите“, потенцираше Ковачевски.
Тој се осврна и на претстојните избори за кои рече дека ќе бидат тест за правецот на државата, но и за ЕУ.
„Ние ќе победиме! Ќе победиме на претседателските избори и ќе победиме на парламентарните избори, а Северна Македонија, до 2030 година ќе биде европска Македонија!“, истакна Ковачевски
„Со СДСМ иднината е предвидлива, стабилна, демократска, со СДСМ иднината е европска за Северна Македонија, тоа е земја која оди напред. Треба да покажеме дека солидарноста, решавањето спорови, поддршката на демократските реформи, правењето економски реформи се исплати и сигурен сум дека со прогресивците во ЕУ, заедно со прогресивците на Балканот и со прогресивците во Северна Македонија заедно ќе понудиме надеж, ќе понудиме напорна работа, ќе понудиме напредок и ќе понудиме солидарност, и ќе победиме“, посочи претседателот на СДСМ, Димитар Ковачевски во излагањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.
Македонија
Остануваат уште 9 дена изборна кампања: партиските агенди и денеска набиени
Уште 9 дена изборна кампања. И денеска лидерите на партиите, заедно со носителите на листи, како и кандидатите за претседател, ќе ги презентираат своите изборни програми.
Кандидатот за претседател поддржан од СДСМ, Стево Пендаровски, денеска ќе оствари средба со жителите на село Велебрдо и со жителите на општина Маврово.
Гордана Силјановска Давкова, исто така, ќе има средби со граѓани, додека коалицијата што ја поддржува предводена од ВМРО-ДПМНЕ ќе ја презентира програмата за парламентарните избори пред граѓаните во Могила, Ресен, Демир Хисар и Битола.
Претседателот на Движењето ЗНАМ – За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид.
Во Штип на народен собир ќе се обрати претседателот на Левица, Димитар Апасиев.
Првиот човек на ДУИ, Али Ахмети, ќе се сретне со граѓаните на Струга и Дебар, а претседателот на Демократското движење, Изет Меџити, дел од Коалицијата „Вреди“ во рамките на изборните активности ќе даде изјава за медиумите во 12 часот во близина на „Веро“ во Чаир.