Македонија
Ковачевски – Руе: Со поддршка од ЕБОР се реализираат клучни капитални проекти за забрзан развој на државата

Претседателот на Владата на Република Северна Македонија, Димитар Ковачевски, денеска оствари средба со директорката на Европската банка за обнова и развој за Централна и Источна Европа, Шарлот Руе, и шефот на Канцеларијата на ЕБОР во земјата, Анди Аранитаси.
На средбата присуствуваа заменик-претседателот на Владата задолжен за економски прашања, координација на економските ресори и инвестиции, Фатмир Битиќи, министерот за финансии, Фатмир Бесими, и директорот на АД за вршење енергетски дејности Национални енергетски ресурси Скопје, Бајрам Реџепи.
Досегашната соработка на Република Северна Македонија со Европската банка за обнова и развој беше во фокусот на денешната средба, каде што беа потврдени заложбите на двете страни успешната соработка да продолжи и во иднина.
На средбата се разговараше за модернизација на патната инфраструктура, железничко поврзување со земјите од регионот, изградба на инфраструктура, заштита на животната средина, како и енергетиката, каде што посебен акцент беше ставен на гасниот интерконектор со Грција. На состанокот претставниците на Европската банка за обнова и развој ја нагласија нивната посветеност во поддршка за реализација на проекти за зелениот развој во земјата и искористување на обновливите извори на енергија.
Премиерот Ковачевски во име на Владата на Република Северна Македонија се заблагодари на поддршката од Европската банка за обнова и развој за реализација на проекти од разни области, со што се овозможува забрзување на економскиот раст на земјата, создавање поволна клима за странски инвестиции, како и подобрување на животот на граѓаните, со што државата се движи напред на патот на евроинтеграциите. Премиерот Ковачевски на средбата истакна дека реализацијата на капиталните проекти се врвен приоритет на Владата. Тој потенцира дека ЕБОР е еден од нашите најголеми партнери во поддршката за имплементација на проекти од повеќе области во целата држава, кои се клучни за подобрување на квалитетот на живеење на граѓаните, но и за развој на економијата. На средбата беше истакнато дека соработката со Европската банка за обнова и развој ќе продолжи и во иднина.
Европската банка за обнова и развој е активна во Република Северна Македонија од 1993 година и досега има одобрено 171 проекти во државата, од кои повеќето се наменети за проекти во јавниот сектор. Таа е најактивната меѓународна финансиска институција, која обезбедува поддршка за тековни проекти од речиси 900 милиони евра, од кои 760,6 милиони евра се во транспортниот сектор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Венко Филипче на отворена сцена денес го фалеше Зоран Заев, се покажа дека е чувар на фотелја, велат од ВМРО-ДПМНЕ

Венко Филипче на отворена сцена денес го фалеше Зоран Заев. Со други зборови тој кажа дека народот треба да му биде благодарен што Заев ја водеше државата, што го смени името, ја упропасти економијата, што СДС стана безгласна буква преку ДУИ, Артан и Ахмети, истакнуваат од владејачката ВМРО-ДПМНЕ.
„Венко Филипче не чувствувал одговорност за модуларната болница, и кажа дека понудил оставка, а не кажа дека заеднички со Заев одлучија да продолжи да биде министер за здравство и оставката беше само блеф кој народот не ја проголта.
Венко Филипче е продолжение на црнилата, криминалот, предавствата и поразите на Зоран Заев“, додаваат од ВМРО-ДПМНЕ.
Според нив, тој нема никаков кредибилитет. Тој, како што потенцираат е само чувар на фотелјата и продолжена рака на Зоран Заев.
Македонија
Мицкоски по средбата со Филипче: „Државата мора да биде во служба на граѓаните, и да се случат коренити реформи на системот

Претседателот на Владата Христијан Мицкоски оствари средба со претседателот на СДСМ Венко Филипче.
Беше истакната потребата да се работи на заедничката иднина за граѓаните, како и да се работи на консензус меѓу различните страни за клучните прашања за државата и добробит на сите граѓани.
Во тој контекст неопходно е да се мобилизираат сите напредни поединци и структури кој можат да дадат придонес на патот за развој на земјата.
Македонските државни интереси треба да бидат појдовната точка во разговорите за секое прашање, при што Мицкоски побара од Филипче да се потруди да биде конструктивен фактор во определбата за промени, реформи и напредок.
„Државата мора да биде во служба на граѓаните, и да се случат коренити реформи на системот од кој граѓаните се незадоволни“, истакна Мицкоски на средбата.
Соговорниците се договорија да се формираат работни групи кои ќе разговараат за реформските законски решенија кои треба да ги гарантираат заложбите за напредок.
Македонија
Средба Муцунски-Рубио: нагласена важноста од интензивирање на политичкиот дијалог на високо ниво

Министерот за надворешни работи, Тимчо Муцунски, денеска во Брисел, на маргините на состанокот на министрите за надворешни работи на НАТО, оствари кратка, но продуктивна средба со американскиот државен секретар, Марко Рубио. Станува збор за нивна прва средба по неодамнешното именување на Рубио на оваа функција.
На средбата беа разменети мислења за актуелни прашања од заеднички интерес, како и за соработката на билатерално ниво и во рамките на НАТО Алијансата.
„Се согласивме за важноста од натамошно интензивирање на политичкиот дијалог на високо ниво. Следуваат многу заеднички иницијативи“, напиша министерот Муцунски во своите објави на социјалните мрежи.